Esperar no Senhor

31 kafɔɔ mba nietika ni SAATE nwu disi

kamawɛ osie fɔle lɛma.

babayila afoko fɔle fɛ klikpo;

babatoso dilababuo ma kafɔɔ,

babakyɛ kafɔɔ ɔnyɛɛ dilabaloo ma.

Yaa Kamawii Batii Nɔɔ Lɛyɔɔ

18 Kafɔɔ SAATE nwu komiɛ alɛ ale ye sibualɛ;

ni aatɔɔtaka alɛ ɔɔnya ye nyaami nɛ.

Diekye Saate nwu ninle Yaa wɔ nimbla ni asaa tinini.

Suoto siyɔɔ batii ba bamuu ninsoko nwɔ ni!

14 Soko Saate nwu;

wɛ osie, faanya otu

faasoko Saate nwu.

13 Anu nii lekple atika alɛ:

manya Saate nwu dibiene

di nkpa basiɛtɛ kasɔ suoto.

14 Soko Saate nwu;

wɛ osie, faanya otu

faasoko Saate nwu.

Katansa Ɔlaa Ɔpɛ

1 Saate nwu ninle lɛkpa nii ku didiki nii-

owe kamayɛkɛ?

Saate nwu ninle nkpa nii katanikokɔ-

owe nfɛ kayɛkɛ?

2 Nse batii kpile ledieko mi

alɛ boowee mi,

nse balo nii ku bakyiditɛ nii lɛtaka di suoto nii,

babatuula mannɔɔ.

3 Kuntɛ bakpɛtɛ lɛmana mi beekyi,

otu nii dilɔbayɛkɛ;

kuntɛ kakpɛ ledieko mi yi,

mianwu nfɛ bia kamawɛ sɛkambi nɛ.

4 Lɛsaa ninwii kɔkaalɛ Saate nwu,

nni ninle nle komiɛ ni nɛ:

alɛ kasiɛ di Saate nwu leyo kamɛ

di nkpa nii ayi amuu kamɛ,

alɛ kanya Saate nwu sɛlɛ,

alɛ kawolaa nwɔ di olekatakɔ nɔɔ kamɛ.

5 Diekye di nimiinayi kamɛ,

abalolaa mi annyu di kasiɛkɔ nɔɔ;

abayɔ mi anwofasa di lɛkpaayo nɔɔ kawofakɔ,

an-yɔ mi antika di difuɔnkpaa takale suoto.

6 Ni disi ni mataka katoo

ninlenkee balo ba niɛmana mi beekyi nii;

di lɛkpaayo nɔɔ kamɛ mata oleɔta ku suoto lɛyɔɔ kudu;

masa sinu ku sɛlɔ mɛnɛmɛnɛ nta Saate nwu.

7 O Saate, nu mi sɛlɔ nse lɛlɛɛ fɔ;

nyɛɛ nyaami faatuna fatɛɛ kafɔɔ.

8 Otu nii mbuɛ di suoto lɛfɔ alɛ, "Wolaa anu nɔɔ!"

Saate, anu lɛfɔ mawolaa.

9 Tanwofasa anu lɛfɔ di suoto nii,

tantososa kpɛmblatɛ lɛfɔ ku ɔblɔ;

afɔ ninle mi kyakaakotɛ.

Tansĩ mi ee faadiɛ mi nnɛɛ,

O Yaa Dikitɛ nii.

10 Kuntɛ teemi ku yaami lediɛ mi nnɛɛ yi,

Saate nwu kamafũ mi.

11 O Saate, tuo mi osuku lɛfɔ;

lekomi katũ di nkpaa osuku tinini suoto

ta balo nii oso.

12 Tan-yɔ mi faata bakyiditɛ nii dibiesaa,

diekye balaatɛ kamaabayilatɛ lɛtaka di suoto nii,

boonwuna amumu madiki.

13 Anu nii lekple atika alɛ:

manya Saate nwu dibiene

di nkpa basiɛtɛ kasɔ suoto.

14 Soko Saate nwu;

wɛ osie, faanya otu

faasoko Saate nwu.

Katansa Onu

1 Latɛ suoto lasoko Saate nwu;

aakyi aanyu mi, ni aanu kaku nii kafɔɔ nɛ.

2 Aadiki mi aakyeko dibiɔ kplɔkplɔ kamɛ,

aakyeko apatapata ku dibuo kamɛ;

aayɔ nkpaa nii aase di difuɔnkpaa suoto

aatɛɛ kafɔɔ lɛba nwaa layila.

3 Aayɔ onu fɔle aakpee di kanya nii,

Yaa loo katansa onu.

Batii kpinwu kamanya manyɛkɛ

man-yɔ anu lɛma mantika di Saate nwu suoto.

4 Suoto siyɔɔ otii

wɔ niɛyɔ Saate nwu ɛɛbla ni anu ditikasaa nɔɔ,

anantikanko ni mba nintakatɛsa ni suoto katoo,

mamunikĩi mansifi ni balaatɛ afiɔ nfũ.

5 O Saate, Yaa nii, asaa kpinwu

ninle n-ya niɛbla ni ɔkpɛ fɛɛbla nii.

Asaa ya fɛɛbla fɛɛta wo nii

kuonwii dilaafuo nya ɔka ɔta fɔ;

nse nlɛ kɔkakatɛ ndiki nya mbuɛ kafɔɔ,

abasii ɔpɔ kabuɛ nii.

6 Fammbɔmbɔ oleɔta ku asaaɔta,

kafɔɔ feetikiti mi atoko;

floomiɛ

ofiɛ asaaɔta ku sikpile asaaɔta.

7 Ninfɛ labuɛ nlɛ, "Nyɛɛ, ntɔɔwa-

bɛɛkpana beekyeko suoto nii di kukũ nwu kamɛ alɛ,

8 O Yaa nii, komiɛ nlɛ mbla dibiesaa lɛfɔ;

kufiofa lɛfɔ nsi di otu nii kamɛ."

9 N-yie ɔsaabla tinini lɛkya di kasiisakɔ kplɛ nwu kamɛ;

nimmaasa anyasibi nii,

O Saate, fɛ mmle faye nii.

10 Ninwofasa ɔsaabla tinini lɛfɔ di otu nii kamɛ;

nkakatɛ di onukwale ku didiki lɛfɔ suoto.

Nin-yɔ lɛbɔmbɔ ku onukwale lɛfɔ nkookaa

kasiisakɔ kplɛ nwu.

11 O Saate, tansĩ mi nyaami lɛfɔ ɔnya;

ta lɛbɔmbɔ lɛfɔ ku onukwale lɛfɔ anyu mi obe lele.

12 Diekye sɛlaa se ninɔmafuo ni ɔka lɛmana mi siekyi;

sikpile nii ntoolenkee mi nnɛɛ, nioso noosinya.

Sipɔ silenke disi nii sinwini,

otu nii kafɔɔ kɔkpa kaamɛ nii.

13 O Saate, lekoto diki mi;

O Saate, wa wla fabakyakako mi.

14 Ta bakpee batii ba bamuu nikomiɛ alɛ boolo mi ni

sinunsɔ, baakpɔkpɔtɔ kafɔɔ;

ta mba bamuu nikomiɛ mi ni kawɔɔ

bakple nkpaamaa ku sinunsɔ.

20 Busi buonyu osuku munta Saate nwu;

nnwɔɔ ninle kyakaakotɛ loo ku kubidifunsaa loo nɛ.

21 Nnwɔɔ kamɛ di situ loo nnya suoto lɛyɔɔ nɛ,

diekye buotika disi di leyooto nɔɔ klekle nwu suoto.

22 O Saate, ta lɛbɔmbɔ lɛfɔ nwu ninaa ni kaloo ditika wo di suoto,

ta mmle buɔyɔ osuku onyu loo buotika ni di suoto lɛfɔ.

5 Nsoko Saate nwu, ɔkla nii nsoko nwɔ,

ɔlaa nɔɔ kamɛ kafɔɔ nkpe osuku onyu nɛ.

6 Ɔkla nii nsoko Saate nwu,

alenke mmle di asaa banyuntɛ nsoko ni olesɛ.

alenke mmle di asaa banyuntɛ nsoko ni olesɛ.

5 O ɔkla nii, miɛ ɔnyɛɛ ɔtɛ di Yaa lete kamɛ;

osuku onyu nii nkye ɔkyɛ nɔɔ.

34 Soko Saate nwu

faakyɛ di osuku nɔɔ kafɔɔ.

Ni abatakatɛsa fɔ katoo anta fanle kasɔ nwu atesaa;

fabanya nse batɔɔwɔɔsa bakpiletɛ nwu.