Estudar a Bíblia

5 Ɖuɛ Bosate fɔ Ɣaa ku fɔ ɔtu ɔɖuɖu ku fɔ ɔkala ɔɖuɖu gu ku fɔ ɔle ɔɖuɖu. 6 Mmara mɛ nto lotã mi nɔme si miwe i mi situ ame. 7 Mite mi mabi mmara mɛgbe. Miki i me ame si mipia i iyo, si misɛ i ɔri iso, si mirɛ gu si mita. 8 Minyi me misia i nrɔɔ̃ gu si minyi misia i atɔ̃gbo iso lɛ akparĩ. 9 Mitsɛrɛ me misia i mi ayo akui sidziri iso gu mi kuyogodɔ̃ iso.

18 Si igara ɔba i iyara iso i ɔ̃ sigarakaɖekɔ̃ ne, ikote sɔ ɔ̃atsɛrɛ mmara mɛgbe ɔsia i ɔko iso ɔtã so, ɔbɔrɛgu i masɔrɛdze, mma nɖe ma Levise ɔre ame. 19 Ikote sɔ iase i ɔ̃ kɔrɛ fiɛ ɔ̃aka wũ i ɔ̃ agbanayi ɔɖuɖu ame, si ɔ̃asuã kumɛgɔ ɔ̃awarɛ Bosate ɔ̃ Ɣaa ku kunigã. Ana ne si ɔ̃asiai mmara mɛgbe atɔ̃me ɔɖuɖu gu asɛ̃ra wagbe kukaakɔ. 20 Si ɔ̃ibanyɔ so sɔ ɔlɛ ɔɖo ɔ̃ manyii si ɔ̃ibafiriki i mmara kɔrɛ ɔkɛlɛ kuɖearɔ̃ ɣee kubena iso. Iyɔ ma gu ɔ̃ ɔkparɛ aaɖe sigara ifɔ ɔwi dzoroo i ɔ̃ sigarakaɖekɔ̃ i Israel.

Kumɛgɔ I Agbã Ɔfɔ Kuɣa

1 Israel igara David ɔbibirɛrɛĩ, Solomon iwola agbã i ngbe ne:

2 Wã nsɛ atã ɔturi ɔtsue iwola fiɛ ɔsɛ ɔna ikpadzɛ̃;

asɛ atã ɔturi karɔ̃inɔ i atɔ̃me wa lowodoro ame.

3 Asɛ atã ɔturi ɔna ikpadzɛ̃ fiɛ ɔsɛ ɔsɛ ngbã sɛɛ,

ɔbara nnɛ nlɛ fiɛ iya gu i ɔri iso.

4 Asɛ ate ɔturi wɔ loinya kayi ame inɔkpa gu ikososo,

fiɛ asɛ abara makoso manya ara maɖiite gu mma losɛ iti ame.

5 Mitã kawolai si ɔkã atsue si ɔsu ɔbua i nwa ɔto ɔsuã iso

si nwɔ nsɛ ɔnya ara ɔɖiite si ɔna kuka -

6 gɔ ɔ̃atsue agbã, agbã ipɛ,

simai gu adzolo karɔ̃.

Kuka Kutã Makoso

1 Wũ ɔbi, daaɣara ara wa lote-ɔ,

ɣɛɛ mɔɛ̃ wũ mmaraisi la i fɔ ɔtu ame.

2 Alasɔ ato aatã sɔ fɔ agbanayi aasi ku akɔ gbodzoo

fiɛ aabɔ-ɔ isaruɛ.

13 Mɔɛ̃ ara wa mate-ɔ la teteree; daanyua wã asɛ.

Dzuɛ̃ ne kukaakɔ, alasɔ ne nɖe fɔ ngbã ne.

23 Alasɔ mmaraisi mɛgbe ɖe ɔkaniɛ,

araite wagbe ɖe ɔtɔ,

fiɛ ikpadzɛ̃ iyira

nɖe ngbã ɔri,

20 Minyɔ wũ ara ite gu wũ itɔ̃me ame sɔ aite ara wagbe! Mma loisɛ maɖe ika i ɔ̃ itɔ̃me nɛgbe kanya ne, ɔɖesɛrã iibatu ma.