Estudar a Bíblia
Estudar a Bíblia é mergulhar na mente de Deus. A Palavra é lâmpada para os pés, espada do Espírito e alimento para a alma. O cristão que estuda cresce em sabedoria e maturidade.
A importância do estudo
Os bereanos eram mais nobres porque examinavam as Escrituras diariamente. Estudar a Bíblia é mandamento e privilégio.
यो लोक तो थिस्सलुनीके नगरो रे यहूदिया ते ठीक थे और तिने बड़ी लालसा साथे वचन ग्रहण कित्तेया और हर रोज पवित्र शास्त्रो रे जांच करदे रये कि यो गल्ला सच्चिया कि नई।
आपणे आपू खे परमेशरो खे ग्रईण करने जोगा और एड़ा काम करने वाल़ा ठराणे री कोशिश कर, जो शर्मिंदा नि ओ और जो सच्चो रे वचनो खे ठीक टंगो रे कामो रे ल्याओआ।
और बचपनो तेई तूँ पवित्र शास्त्रो खे जाणेया। ये ताखे मसीह पाँदे विश्वास करने ते, उद्धार पाणे खे अक्लमंद बणाई सकोआ। पूरा पवित्र शास्त्र परमेशरो री प्रेरणा ते रचेया राए। ये पवित्र शास्त्र उपदेश देणे, गल़ती करने पाँदे डांटणे खे, सुदारने और धार्मिकता री शिक्षा खे फायदेमंद ए। ताकि परमेशरो रा जन हर एक खरे कामो खे करने जोगा बणो और त्यार रओ।
जदुओ तक आऊँ नि आऊँ, तदुओ तक मण्डल़िया रे पवित्र शास्त्रो खे पढ़ने, उपदेश देणे और सखयाणे रे लगेया रा रओ।
तुसे पवित्र शास्त्रो रे टोल़ोए, कऊँकि तुसे समजोए कि तुसा खे अनन्त जीवन तिदे मिलोआ और ये सेईए, जो मेरी गवाई देओआ।
Meditar e guardar
Não se aparte a lei do Senhor da tua boca. Medita nela de dia e de noite para que cumpras tudo o que nela está escrito.
बिधानो री एसा कताबा दे लिखी रिया इना समजा रिया गल्ला खे याद राखणा, इदे ई रात-दिन त्यान देणा, ओर जो कुछ तिदे लिखी राखेया तेतेरे मुताबिक करदे रणा, कऊँकि एड़ा ई करने ते तेरे सारे काम सफल ऊणे ओर तेरी बढ़ोतरी ऊणी।
तेरा वचन माखे सला देणे वाल़ा दिऊए जेड़ा ए
ओर बाटा रिये चलणे खे प्रयासे जेड़ा ए।
आह्! आऊँ तेरे बिधानो ते कितणा प्यार करूँआ!
पूरा दिन मेरा त्यान तिजी पाँदे ई लगेया रा रओआ।
तूँ आपणी आज्ञा रे जरिए माखे आपणे दुश्मणा ते जादा अक्लमंद बणाएया,
कऊँकि सेयो सदा मेरे मनो रे रओईया।
आऊँ आपणे सबी गुरूआ ते बी जादा समज राखूँआ,
कऊँकि मेरा त्यान तेरिया शिक्षा पाँदे लगी रा।
जवान आपणे चाल-चलणो खे किंयाँ शुद्ध राखी सकोआ?
प्रभु, तेरे वचनो रा पाल़न करने ते।
पूरे दिलो ते आऊँ तेरी सेवा करने री कोशिश करूँआ;
माखे तू आपणियां आज्ञा ते पटकणे नि देया!
मैं तेरे वचन आपणे दिलो रे तारण करी राखे,
ताकि तेरे खलाफ पाप नि करुँ।
ओ प्रभु, तूँ तन्य ए;
माखे आपणी बिदिया सखाई दे!
तेरे सारे नियमा रा बखाण
मैं आपणे मुंए ते करी राखेया।
आऊँ तेरिया चतौणिया रिया बाटा ते खुश ऊईरा,
मानो कि आँऊ सब प्रकारा री तअन-दौलता ते खुश ऊईरा।
मां तेरे उपदेशा पाँदे त्यान करना
ओर मां तेरिया बताईया रिया बाटा रिया तरफा खे नजर राखणी
मां तेरी बिदिया ते खुश रणा
ओर मां तेरे वचन नि पूलणे।
परमेशरो रे बिधानो दे खुशी
गिमेल
जेबे मां तेरे तार्मिक नियम सीखणे,
तेबे निष्कपट दिलो ते मां तेरा तन्यवाद करना।
Estudo diligente
Esdras preparou o coração para buscar e ensinar a lei. O estudo exige disciplina, constância e coração aberto.
पईले मीन्ने रे पईले दिने से बाबेलो ते चलेया ओर तेसरे परमेशरो री दया-दृष्टि तेस पाँदे रई, इजी बजा ते पाँजुए मीन्ने रे पईले दिने से यरूशलेम पऊँचेया। कऊँकि एज्रे यहोवे रे बिधान रा मतलब सिखणे ओर तिजी खे मानणे ओर इस्राएलो रे बिधि ओर नियम सिखाणे खे आपणा मन लगाया था।
ओर तूँ यहोवा आपणे परमेशरो साथे आपणे पूरे मनो ते, पूरे प्राणो ते, पूरे दमाको ते ओर आपणी पुरिया तागता ते प्यार कर। यो आज्ञा जो आऊँ आज ताखे सुणाऊँआ सेयो तुसे सदा याद राखणियां। ओर तैं यो आपणे बाल-बच्चेया खे समजयाई की सिखाणियां ओर कअरे बैठे रे, बाटा रे चलदे, लेटदे, उठदे इना री चर्चा करदे रणा। यो आपणे आथो रे चिह्नो रे रूपो दे बानणियां ओर यो तेरी आखी बीचे टीके रा काम करो। यो आपणे-आपणे कअरो री चौखटा रे कनारे ओर आपणे प्रवेश द्धारो पाँदे लिखणियां।
जेबे से राजगद्दिया पाँदे बैठो, तेबे एते बिधानो री कताब, जो लेवी पुरोईता गे रणी, तिजी री एक नकल आपणियां तँईं लिखी की लई लओ। से तिजी खे आपू गे राखो ओर आपणी पूरी जिन्दगी तिजी खे पढ़ेया करो, जेते कि से आपणे परमेशर यहोवे रा डर मानो ओर एसा व्यवस्था ओर इना बिदिया री सारी गल्ला मानणे रे चौकसी करना सीखो। जेते कि से आपणे मनो रे कमण्ड करी की आपणे पाईया खे तुच्छ नि जाणो ओर इना आज्ञा खे पुरिया तरअ ते मानो जेते कि से ओर तेसरे वंशो रे लोक इस्राएलिया बीचे बऊत साला तक राज करदे रओ।
समजदार ऊणे री शुरूआत
इस्राएलो रे राजा सुलैमानो रे जो दाऊदो रा पाऊ ए तेसरे जरिये लिखे दे समजा रे वचन:
इना वचना खे पढ़ने वाल़ेया खे समज ओर शिक्षा मिलो,
ओर सई-गल़त, सच्च ओर चूठो दे फर्क समजो,
इना वचना रे जरिये तुसा आपणे जीवनो दे अनुशासन ओर काबू पाणा सिखणा, आपणा जीवन जीऊणा ओर सेओ काम करने जो सई ओर न्याय रे ओ।
ताकि जो माणूं पोल़ा-पाल़ा ए समजौतिया रिया गल्ला खे पढ़ी की उशयार बणो,
ओर जवाना खे ज्ञान ओर विवेक मिलो;
ताकि अक्लमंद इना वचना खे सुणी की आपणी बिद्या बढ़ाओ
ओर समजदार माणूं अक्ला री शिक्षा पाओ,
जेतेरे जरिए माणूं नसीअत ओर उदारणा रा मतलब समजो,
ओर अक्लमंद माणूंए रिया गल्ला ओर तिना रिया गईरिया गल्ला खे समजो।
नौजवाना खे सलाह
ओ मेरे बच्चेयो, मेरिया शिक्षा खे नि पूलेयो,
आपणे दिलो दे मेरिया आज्ञा खे याद राखेयो;
कऊँकि एड़ा करने ते तेरी उम्र बढ़नी,
ओर तूँ जादा शान्तिया साथे रणा।
जो कुछ बी मैं ताखे सखाई राखेया, तिजी खे हमेशा याद राख;
इना दे बणेया रा रओ, कऊँकि येई तेरिया जिन्दगिया रा मकसद आ।
कऊँकि परमेशरो री आज्ञा तो बाटा रे दिऊए जेड़िया ए,
ओर माया री शिक्षा जिन्दगिया री जोतिया जेड़ी ए,
ओर सखाणे वाल़े रा बकणा जिन्दगिया री बाट ए।
Proteção e crescimento
Quem ignora a Palavra perece. Toda Escritura é útil — crescei na graça e no conhecimento do nosso Senhor.
परमेशर आगे बोलोआ, "मेरे लोक बर्बाद ऊणे लगी रे कऊँकि सेयो माखे नि जाणदे। तुसे पुरोईते माखे मानणे ते मना करिती दी ए, ओर मेरिया शिक्षा खे मानणा बी छाडीता दा ए इजी री खातर आऊँ तुसा खे छाडी देऊँआ ओर तुसा रे माठे मां आपणे पुरोईता रे कामो खे नि राखणे।"
तुसे तिना खे ज्वाब देयो ओर बिधान ओर चतौणिया री ई चर्चा करेया करो! जे सेयो लोक एस वचनो रे मुताबिक नि बोलो तो पक्का तिना खे प्याग नि ऊणी।
यीशुए तिना खे बोलेया, "तुसे केथी एते पूला रे तो निए कि ना तुसे पवित्र शास्त्रो खेई जाणदे और ना ई परमेशरो री सामर्था खे?
जितणिया गल्ला पईले तेई पवित्र शास्त्रो रे लिखी राखी थिया, सेयो आसा री ई शिक्षा री खातर ई लिखिया ताकि आसे सब्र और पवित्र शास्त्रो री शान्तिया रे जरिए उम्मीद राखूँ।
ओ प्यारेओ, तुसे पईले ई जाणोए कि यो सारिया गल्ला ऊणिया। इजी खे चौकस रओ ताकि दुष्ट लोक तुसा खे आपणी चूठी शिक्षा ते बईकाई की तोखा नि देओ। जे तिना री चूठी शिक्षा खे मानोगे तो तुसा सच्चाईया पाँदे विश्वास करना बन्द करी देणा। बल्कि तुसे लोक म्हारे प्रभु और उद्धारकर्ता यीशु मसीह री कृपा और पछयाणी रे बढ़दे जाओ। तेसरी ई महिमा एबे बी ओ और जुगो-जुगो तक ऊँदी रओ। आमीन्।
इजी उद्धारो रे बारे रे सेयो भविष्यबक्ता और बी जादा जाणना चाओ थे। तिने लोके भविष्यबाणी कित्ती कि परमेशरे तुसा लोका रा उद्धार करने खे केड़ी कृपा करनी जेते जोगे तुसे नि थे। तिने लोके त्यानो साथे इजी रा उतर टोल़ने खे जांच-पड़ताल़ कित्ती। मसीह रा आत्मा तिना भविष्यबक्तेया रे था और तिना लोका ते बोलणे लगी रा था कि मसीहे किंयाँ दुःख सईन करना और तिजी ते बाद किंयाँ महिमा दित्ती जाणी। ईंयां तिने लोक ठीक-ठीक ये पता लगाणे खे कि मसीह कुण ऊणा और ये गल्ल कदी ऊणी जांच पड़ताल़ कित्ती।