Isaías 8

यशायाह रा पाऊ: लोका रिया तँईं एक नशाण

1 केसी ओरी दिने यहोवे माखे बोलेया, "एक बड़ी फटी लई की तिदे परेगे की सान अक्षरा रे ये लिख: महेर्शालाल्हाशबजो रिया तँईं।*8:1 महेर्शालाल्हाशबजो रिया तँईं। जल्दी लुटणे-जल्दी लुटणे " 2 तेबे मां विश्वासो जोगे मर्द मतलब ऊरिय्याह पुरोईत ओर जेबेरेक्याह रा पाऊ जकर्याह एते गल्ला रे गवाह् करने। 3 तेबे आऊँ एक दिन आपणी लाड़िया गे गया जो एक भविष्यवक्ता थी, ओर से गर्भवती ऊई ओर तेसा रे एक पाऊ ऊआ। तेबे यहोवे माखे बोलेया, "एसरा नाओं महेर्शालाल्हाशबज राख। 4 कऊँकि इजी ते पईले कि ये पाऊ बाओ ओर आम्मा बोलणा जाणो, दमिश्क शईर ओर शोमरोन शईर दुँईं री तअन-सम्पत्ति लूटी की अश्शूरो रे राजे आपणे देशो खे पेजणी।*8:4 दमिश्क ओर सामरिया मतलब सीरिया ओर इस्राएलो खे बताओए "

अश्शूरो रे राजे रा आऊणा

5 यहोवे फेर माखे दूजी बार बोलेया, 6 "कऊँकि लोक शीलोह रे आऊल़े-आऊल़े बह्यीणे वाल़ी सूबल़ा खे नबाग जाणोए ओर रसीन ओर रमल्याह रे पाऊए साथे एकता करी की मजे करोए,*8:6 राजा रसीन ओर राजा पेकह जो रमल्याह रा पाऊ था। 7 इजी बजा ते सुण, परमेशर यहोवा तिना पाँदे से प्रबल ओर डूग्गा महानद, मतलब अश्शूरो रा राजा तेसरे सारे प्रतापो साथे चढ़ाई की ली आऊणा ओर तेस तिना रे सेयो सारे नाल़े परी देणे ओर सारे कनारेया पाँदे छल़खी-छल़खी की बह्यीणा। 8 ओर अश्शूरो री बाढ़ यहूदा पाँदे नि चढ़ी की आऊणा ओर बढ़ी-बढ़ी की तेस पाँदे चढ़ना और गल़े तक पऊँचणा ओर ओ इम्मानुएल*8:8 इम्मानुएल मत्ती 1:23 , तेसरा सारा देश, तेसरे पंखा रे फैलणे ते टखी जाणा।" 9 ओ लोको, आल्ला करो तो करो, पर तुसे बिखरी जाणे। ओ तरतिया रे दूरो-दूरो रे सबी लोको कान लगाई की सुणो, आपणा-आपणा लक गूड़ो तो गूड़ो, पर तुसा रे टुकड़े-टुकड़े करे जाणे, आपणा लक गूड़ो तो गूड़ो, पर तुसा रा सत्यानाश ऊई जाणा। 10 तुसे उपाय करो तो करो, पर से निष्फल ऊई जाणा, तुसे कुछ बी बोलो, पर तुसा रा बोलेया रा ठईरना नि, कऊँकि परमेशर आसा साथे ए।*8:10 रोम. 8:31, नीति. 31:30

परमेशरो की चतौणी

11 यहोवे सख्तिया साथे माखे बोलेया ओर इना लोका री चाल-चलणे ते माखे ना कित्ती। 12 तिने माखे बोलेया, "जेसा गल्ला खे यो लोक राजद्रोह बोलो, तेतेखे तुसे राजद्रोह नि बोलणा ओर जेसा गल्ला ते सेयो डरोए, तेसा गल्ला ते तुसे नि डरना ओर ना कबराणा। 13 सेना रा यहोवा सेईए जेसखे तुसा पवित्र जाणना, तेसरा ई डर मानणा ओर तेसरी ई इज्जत करनी।*8:13 प्रका. 15:4, लूक. 12:5 14 परमेशर तुसा री रक्षा करने वाल़ा ऊणा, पर इस्राएलो रे दुँईं करानेया खे ठोकर लगणे रा पात्थर ओर ठेस लगणे री चट्टान ओर यरूशलेम शईरो रे रणे वाल़ेया खे फन्दा ओर जाल़ ऊणा।*8:14 रोम. 9:32,33 15 बऊत सारे लोका ठोकर खाणी, सेयो रूड़ने ओर चूर-चूर ऊई जाणे, सेयो फन्दे दे फसणे ओर पकड़े जाणे।"*8:15 मत्ती 21:44

मुड़देया ते पूछणे रे खलाफ चतौणी

16 चतौणिया री पर्ची लपेटो ओर बन्द करो, ओ मेरे चेलेयो, तुसा खे परमेशरो रे जरीये दित्ती री चतौणिया री कताब लपेटी की बानणी चाईयो। 17 मां यहोवे खे न्याल़दे रणा, जिने आपणा मूँ याकूबो रे वंशो ते लकोई राखेया ओर मां यहोवे पाँदे ई उम्मीद लगाई की राखणी।*8:17 मीका 3:4, पज. 27:14 18 देख, मां ओर जो बच्चे यहोवे मांगे सम्बाल़ी राखे, तेस ई सेनाओं रे यहोवा री तरफा ते, जो यरूशलेम शईरो दे सिय्योनो रे पाह्ड़ो पाँदे वास करोआ, इस्राएली लोका खे नशाण ओर चमत्कार ए।*8:18 इब्रा. 2:13

19 जेबे लोक तुसा खे बोलो, "जादू करने वाल़े ओर मरी री आत्मा साथे गल्ल करने वाल़ेया गे जाई की पूछो, जो गुणगुणाओए ओर खसफस करोए," तेबे तुसे ये बोलणा, "क्या प्रजा खे आपणे परमेशरो गे जाई की नि पूछणा चाईयो? क्या जिऊँदेया खे मुड़देया ते पूछणा चाईयो?"*8:19 लेवी. 20:6, 19:31 20 तुसे तिना खे ज्वाब देयो ओर बिधान ओर चतौणिया री ई चर्चा करेया करो! जे सेयो लोक एस वचनो रे मुताबिक नि बोलो तो पक्का तिना खे प्याग नि ऊणी।

संकटो रा बखत

21 लोक एस देशो रे क्ल़ेशो ते परे रे ओर पूखे फिरदे रणे ओर जेबे सेयो पूखे ऊणे, तेबे तिना रोषो रे आई की आपणे राजा ओर परमेशरो खे स्राप देणा ओर आपणा मूँ ऊबे सर्गो रिया तरफा खे चकणा। 22 तेबे तिना तरतिया री तरफा खे आपणी मुसीबता दे मतादा रिया तँईं देखणा, पर तिना खे संकट ओर न्हेरा, मतलब संकटो साथे परेया रा न्हेरा ई दिशणा ओर सेयो अन्दकूप न्हेरे रे तकेले जाणे।*8:22 सप. 1:14,15