यिशै रे वंशो रा राज करने रा बखत
1 तेबे यिशै रे ठूँठो बीचा ते एक डाल़ी निकल़नी ओर तेतेरिया जड़ी ते एक पाँगटी निकल़ी की फल़नी।11:1 एती मसीही री भावना जादा ए, यिशै दाऊदो रा बाओ था। ये ठूँठ दाऊदो रे कराने खे बताओआ, मतलब दाऊद ओर तेसरे वंशो रे लोक, जो यरूशलेमो दे राजा थे। प्रेरि. 13:23, यिर्म. 23:5, प्रका. 22:16 2 यहोवे रा आत्मा, बुद्धि ओर समजा रा आत्मा, सला ओर पराक्रमो रा, ज्ञानो रा ओर यहोवे रे डरो रा आत्मा नवें राजे पाँदे मतलब दाऊदो रे वंशो पाँदे रूकेया दा रणा।11:2 इफि. 1:17, यशा. 42:1, यूह. 14:17 3 तेसखे परमेशरो रा डर खुशबूआ जेड़ा अच्छा लगणा। तेस मूँ देखी की न्याय नि करना ओर ना आपणे कानो साथे सुणी की न्याय करना।11:3 यूह. 8:15,16, यूह. 7:24 4 पर तेस कंगाल़ा रा न्याय तर्मो साथे ओर तरतिया रे शरीफ लोका रा फैंसला खराईया साथे करना ओर तेस तरती आपणे शब्दा रे सोठे साथे कूटणी ओर तरतिया खे तेसरी आज्ञा ते बुराईया री सजा मिलणी।11:4 2 थिस्स. 2:8, प्रका. 19:15, नसी. 31:8,9 5 तर्म ई तेसरी तागत ऊणा ओर सच्चाई तेसरी सामर्थ ऊणी।11:5 यशा. 59:17, इफि. 6:14
6 तेस दिने जंगल़ी कुत्ता पेडा रे बच्चे साथे रया करना ओर चीता बाकरिया रे बच्चे साथे बैठेया रा रणा ओर बाच्छू ओर जवान शेर ओर पाल़ेया रा बल़द तीनो कट्ठे रया करने ओर एकी छोटे बच्चे सेयो चलाया करने। 7 गाय ओर पालणी मिली की चरेया करनिया ओर तिना रे बच्चे मिली की रया करने ओर शेरो बल़दा जेड़े काआ खाया करना। 8 दूद पींदा बच्चा सापो रे बिलो पाँदे खेलेया करना ओर दूद छुड़ाए रे बच्चे नागो रे बिलो दे बिना केसी नुकशाणो ते आथ पाया करना। 9 मेरे सारे पवित्र पाह्ड़ो11:9 पवित्र पाह्ड़ो सिय्योन पाह्ड़ पाँदे ना तो केसी दु:ख देया करना ओर ना नुकशाण करना, कऊँकि तरती परमेशरो रे ज्ञानो साथे एड़ी परी जाणी जेड़ा समुद्र पाणिए साथे फरेया रा रओआ।
इस्राएली लोका रा दुबारा कट्ठे ऊणा
10 तेस बखते यिशै री जड़11:10 यिशै री जड़ दाऊदो रे कराने ते नवां राजा सबी देशा रे लोका खे एक चण्डा ऊणी, सबी राज रे लोका से टोल़नी ओर तेसा रे राम करने री जगा तेजोमय ऊणी।11:10 रोम. 15:12 11 तेस बखते दूजी बार परमेशर यहोवे आपणा आथ बढ़ाई की बचे दे लोक आजाद करने। तेस सेयो अश्शूर, मिस्र, पत्रोस, कूश, एलाम, शिनारो ते, हमातो रे देशा ते, भूमध्य समुद्रो ते मोले लई की छुड़ाणे। 12 यहोवे दूजी जातिया रे लोका खे चतौणी देणे खे चण्डा खड़ा करना, ओर इस्राएलो रे सब काडेया रे लोका खे ओर यहूदा रे सब बिखरे रे लोक तरतिया री चारो दिशा ते कट्ठे करने।
13 एप्रैमो फेर ईर्ष्या नि करनी ओर यहूदा खे तंग करने वाल़े बाडी देणे, ना तो एप्रैमो यहूदा साथे डाह् करना ओर ना यहूदा फेर एप्रैम तंग करना। 14 पर इस्राएल ओर यहूदा रे लोक एकी साथे इस्राएलो रे पच्छमा रिया तरफा खे पलिश्तिया पाँदे अमला करना ओर मिली की यरदन नदिया रे पूर्बा दे रणे वाल़े लोक लुटणे। तिना एदोम ओर मोआबो रे देशा पाँदे अमला करना ओर अम्मोन देशो रे लोक तिना रे वशो दे ऊई जाणे।
15 यहोवे मिस्रो री सड़क सुकाई देणी ओर फरात नदिया पाँदे आपणा आथ बढ़ाई की प्रचण्ड लू साथे एड़ा सूकाणा कि तेसरे सात नदिया ऊई जाणिया ओर लोक जोड़े पईनी की बी पार ऊई जाणे।11:15 जक. 10:11 16 परमेशरो आपणे इस्राएलिया खे जो अश्शूरो दे बची गे दे ए, वापस आऊणे खे खरी बाट त्यार करनी, जेड़ी मिस्र देशो ते चली की आऊणे रे बखते इस्राएलो खे ऊई थी।