1 तेस दिने तां गाणा, "ओ यहोवा, आऊँ तेरा तन्यवाद करूँआ,

तेबे बी तूँ मां पाँदे रोषे ऊआ था,

पर एबे तेरा रोष शान्त ऊआ

ओर तैं माखे शान्ति देई राखी।

2 देखो, परमेशर मेरी रक्षा करने वाल़ा ए, मां परोसा राखणा ओर डरना नि,

कऊँकि यहोवा मेरी तागत ओर मां तेसरा पजन गाणा ए,

ओर से मेरा उद्धार करने वाल़ा ऊईगा रा।"*

3 जेड़े ताजा पाणी त्याये खे खुशी देओआ,

तेड़े ई जेबे परमेशर आपणे लोका खे बचाओआ तो सेयो बी खुश ओ ए।

4 तेस दिने तुसा गाणा, "यहोवे री स्तुति करो,

तेसते मतादा रिया तँईं प्रार्थना करो; सबी जातिया दे तेसरे बड़े कामा रा प्रचार करो,

ओर बोलो कि तेसरा नाओं महान ए।*

5 परमेशरो रा पजन गाओ, कऊँकि तिने बड़े-बड़े काम करी राखे,

परमेशरो रे इना कामा रे बारे दे सारी तरतिया पाँदे बताओ।

6 ओ सिय्योनो दे बसणे वाल़े लोको, तुसे जयजयकार करो

ओर जोरे की गाओ, कऊँकि तुसा बीचे रणे वाल़ा इस्राएलो रा पवित्र परमेशर महान ए।"