परमेशरो री स्तुतिया रा गीत
1 ओ यहोवा, तूँ मेरा परमेशर ए,
आऊँ तेरे नाओं री स्तुति करूँआ, मां तेरे नाओं रा तन्यवाद करना,
कऊँकि तैं अचम्बे रे काम करी राखे, तैं पुराणे बखतो ते सच्चाईया साथे योजना करी राखी।
2 तैं म्हारे दुश्मणा रा शईर खत्म करिता। ओर तेथो रे गढ़वाल़े शईर खण्डहर करी राखे,
तैं परदेशिया रे मईल एड़े उजाड़े कि से शईर नि रया, से फेर कदी बसाया नि जाणा।
3 इजी बजा ते शक्तिशाली राज्य रे लोका तेरी महिमा करनी,
डराऊणी जातिया रे शईरो दे तेरा डर मानेया जाणा।
4 कऊँकि तूँ मुसीबता रे बखते शरीफा खे गढ़ ओर जेबे डराऊणे लोक माट्टिया रे पीता पाँदे बर्खा री छाछा जेड़े बरसो थे,
तेबे तूँ गरीबा खे तिना री शरण ओर गर्मिया दे छांए देणे वाल़ा ऊआ।
5 जेड़े मरूस्थल देशो दे बादल़ो री छांयी ते गर्मी ठण्डी ओई,
तेड़ा ई तूँ परदेशिया रा आल्ला ओर दुष्ट लोका री जयजयकार बन्द करेया।
आपणे लोका खे परमेशरो रा खाणा
6 सेना रे यहोवे एस पाह्ड़ो25:6 पाह्ड़ो सिय्योन पाह्ड़ पाँदे ई सबी देशा रे लोका खे एड़ी पाट्टी त्यार करनी, जिदे कई प्रकारा रा तल़ेया रा खान-पान ओर अच्छा शराब ऊणा। 7 पर एबे देखो, जो पर्दा सबी देशा रे लोका पाँदे पड़ी रा, जो कूँडा सबी जातिया पाँदे लटकी रा, तेस से सिय्योन पाह्ड़ो पाँदे ई नाश करना।25:7 इफि. 4:18 8 यहोवे मौत सदा खे नाश करनी ओर प्रभु यहोवे सबी रे मुंए पाँदा ते आसू टूसणे ओर आपणी प्रजा री बेज्जती सारी तरतिया पाँदा ते दूर करनी, कऊँकि यहोवे एड़ा ई बोली राखेया था।25:8 1 कुरि. 15:54, प्रका. 7:17, प्रका. 21:4 9 जेस दिने एड़ा ऊणा तेस बखते लोका बोलणा, "देखो, म्हारा परमेशर येई ए, ये सेईए जेसखे आसे न्याल़ूँ थे कि से म्हारा उद्धार करो। यहोवा येई ए, आसे एसखे न्याल़दे आई रे, आसे एसते उद्धार पायी की खुश ओर मगन ऊणे।"
परमेशरो मोआबो खे सजा देणी
10 कऊँकि एस सिय्योनो रे पाह्ड़ो पाँदे यहोवे रा आथ सदा बणेया दा रणा पर मोआब आपणी जगा देई एड़ा फानणा, जेड़ा खल्याणो दे पराल़ फानोए। 11 मोआबिये आपणे आथ एड़े फैलाणे, जेड़ा कोई तरने री कोशिश करने लगी रा ओ, पर परमेशरो सेयो बेज्जत करने ओर तिना री चलाकी निष्फल करी देणी। 12 यहोवे लोका रिया ऊच्ची-ऊच्ची ओर मजबूत दवाल तेस थाले करी देणी ओर निठी करी देणी, बल्कि जमीना दे सेटी की माट्टिया दे मलाई देणी।