Estudar a Bíblia

11 Wanhu wa Beleya wakala wotegeleza goya kuwafosa wanhu wa Sesalonike. Wauhokela usenga uja wa Mulungu kwa deng’ho, na chila siku wakala woyapekula Yamaandiko Yelile muladi wawone fana Paulo kolonga kweli.

15 Uiyohe kuilagusa kutogoligwa na Mulungu fana msang’hani hawonela chinyala usang’hano wake na iviya ija yofundiza voilondeka mbuli ya kweli ya Mulungu.

15 na kokumbuka kuwa kusongela viukalile mwana mdodo, kuyamanya Maandiko Yelile, yoyodaha kukwing’ha ubala wouching’ha ukombola kwa kufosela kumuhuwila Chilisito Yesu. 16 Maandiko Yelile yose yandikigwa kwa kulangulizigwa na Mulungu, yofaya kugolosela na kufundizila na kuwazuma wanhu ubananzi wawo na kuwalanguliza kukala kwa kumnogeza Mulungu, 17 muladi munhu yosang’hana sang’hano ya Mulungu yawe na chila chinhu choyolonda muna ukumsang’hanila Mulungu na yaisasale kutenda chila sang’hano inogile.

13 Siku zose gendelela kusoma Maandiko Yelile muumwingi na kupetela na kufundiza mbaka vondanize.

39 Moyasoma yamandiko kwaviya mogesa muna iyayo mwizapata ugima wa siku zose. Maandiko Yelile yayo yolonga mbuli zangu,

8 Sekeuleke kulonga mbuli zili muna ichitabu chino cha malagilizo, mbali chila siku kwizachigesa chino imisi na ichilo, muladi uzindilile mbuli zandikigwe umo. Uhatenda ivo kwizabweda na kukala goya.

Malagilizo ya Mulungu yalinga fana bung’hulo

105 Mbuli yako ni chitasa cha magulu yangu,

na bung’hulo da nzila yangu.

Kuyalonda malagilizo ya Mulungu

97 Malagilizo yako noyalonda ng’hani,

noyagelegeza imisi na ichilo.

98 Ndagilizi zako zoning’ha ubala kufosa wehi wangu,

kwaviya nozigesa lusita lwose.

99 Nina nzewele kufosa wafundiza wangu wose,

kwaviya nougesa ukalangama wako.

Kuzindilila malagilizo ya Mulungu

9 Vino mbwanga kodahaze kuulola ugenzi wake kuwa unoga?

Kwa kuzindilila na kutegeleza mbuli yako weye Mulungu.

10 Nokuzahila kwa moyo wangu wose,

sekeunileke niinege na ndagilizi zako.

11 Muumoyo wangu niika mbuli yako,

muladi sekenikuhasanye.

12 Utogoligwe weye Mndewa Mulungu,

unifundize malagilizo yako.

13 Kwa milomo yangu nisimulila,

viya viuhumiza.

14 Nodeng’helela kutegeleza ukalangama wako,

fana munhu yodeng’helela kuwa na vinhu vingi.

15 Nizayagelegeza mafundizo yako,

na kuzigesa ng’hani nzila zako.

16 Nizanogeligwa na malagilizo yako,

na sizazimiza mbuli yako.

7 Nizakwing’ha hewela kwa moyo wangu wose,

lusita voniifunza mafundizo yako yagoloke.

5 Mulondeni Mndewa Mulungu, Mulungu wenu, kwa mizoyo yenu yose na kwa mihe yenu yose na kwa nguvu zenu zose. 6 Mbuli zino zonimulagilizileni diyelo zolondeka zikale muna imizoyo yenu, 7 na muwafunze wanenu, mwizawasimulila vomuwa muna zikaye zenu hebu vomuwa muna umwanza hebu vomugona hebu vomulamka. 8 Zifungeni muna yamakono yenu na kuyawala muna ivihanga venu fana lukumbuso. 9 Molondeka muzandike mbuli zino muna imibiki yamhilile zinyivi za kaye zenu na nyivi za mabululu yenu.

18 Vondayawe muna ichigoda chake cha chifalume, kolondeka yandike chitabu cha malagilizo yano haulongozi ha wakulu wa nhambiko Walawi. 19 Chitabu icho kezakuwa nacho na kezachisoma siku zose za ugima wake, muladi yaifunze kumdumba Mndewa Mulungu, Mulungu wake. Yazindilile na kutenda mbuli zose za lagilizo dino na ndagilizi zino, 20 muladi sekeyaigode kwa ndugu zake na kudika hakwe lagilizo dino kwa vovose. Maabaho yeye na welesi wake wezatawala siku nyingi muna iisi ya Isilaili.

Masimwe yofaya kufundiza

1 Yano yayo masimwe ya Sulemani mwana wa Daudi, mfalume wa Isilaili. 2 Masimwe yano yowafundiza wanhu ubala na yowafundiza kuyamanya mafundizo yanogile. 3 Masimwe yano yofaya kuwafundiza wanhu kuigaza muladi watende mbuli zinogile na watende mbuli zigoloke na bila ya kuwonela. 4 Yano yofaya kuwatenda wanhu wabozi hawavimanyile wawe wabala na kuwatenda wabwanga wavimanye na waiteganye. 5 Wabala wategeleze na waiyohe kuvimanya, iviya wanhu weli na nzewele waifunze. 6 Chitabu chino chofaya kuwafundiza wanhu wavimanye simwe na vitendawili na mbuli za wabala na simo.

Faida ya ubala

1 Mwanangu, sekeuzimize mafundizo yangu,

uyazindilile malagilizo yangu.

2 Malagilizo yayo yezakongezela siku nyingi,

na kwizatemeligwa mate siku zose za ugima wako.

13 Yamha mafundizo, sekeuyaleke yapulusuke,

uyazindilile muladi uwe mgima.

23 Kwaviya ndagilizi zino ni chitasa,

mafundizo yano ni bung’hulo,

na kumzuma munhu ni nzila ya ugima.

6 Wanhu wangu wanangigwa kwaviya hawavimanyile,

kwaviya weye kulema kuvimanya,

na niye nokulema sekeuwe mkulu wa nhambiko.

Kwaviya kuzimiza malagilizo ya Mulungu,

niye iviya nizawazimiza wanago.

20 One wahamulongelani, kumbukeni mafundizo yangu. Walongeleni kuwa mbuli zonilongile zizalawilila. Wanhu wolonga fana ivo wamuna diziza na mbuli ziwolonga za uvwizi.

24 Yesu kawedika, "Mweye mwohasanya kwaviya hamuyamanyile Maandiko Yelile wala udaho wa Mulungu.

4 Kwaviya chila chinhu chandikigwe muna Yamaandiko Yelile, chandikigwa muladi kuchifundiza cheye, muladi kwa kufunyaumoyo na kugumigwa moyo kwa Yamaandiko Yelile chidahe kuwa na lolelo.

17 Mbali mweye walondwa wangu, kwaviya muzimanya mbuli zino mumala, muiteganye muladi sekemwize kwagizigwa na ubananzi wa mafundizo ya wanhu wabananzi na kuleka uhuwilo wenu ugangamale. 18 Mbali gendeleleni kukala muna unovu wa Mulungu na kummanya Mndewa na Mulopozi wetu Yesu Chilisito. Utunhizo uwe wake sambi na siku zose. Ivo!

10 Walotezi wa Mulungu wowalotele kusonhela unovu wa Mulungu uja yoyaweng’hile waupelemba na kuulolesa kusonhela ulopozi uno. 11 Wageza kuvimanya lusita lulihi na izalawillilaze mbuli iyo, yaani lusita yaulongile Muhe wa Chilisito yoyokala mgati yawo, kalotela kusonhela magezo yondayampate Chilisito na utunhizo wa Mulungu.