Estudar a Bíblia

11 Iwanu wa Bereya wang’ali wotegheletsa pfinoghile kubita iwanu wa Tesalonike. Kwaapfila waibokela imbuli kwa kusulukila, na chila litsuwa wang’ali woghalola ghoya Ghamaandiko Mahenzeluka, wone ka Pauli ang’ali yolongesa.

15 Wighangamitse kwilangusa kuwa kutogholighwa ne Imulungu, ka imunu iyosang’ana isang’ano yake aku ng’oyonela chinyala bae na kolangulitsa pfinoghile usenga ula wa kweli.

15 naghwe kulawa udodo wako tsakughamanya Ghamaandiko Mahenzeluka, ighodaha kukwing’a inzewele ili ukombolighwe kwa kumtoghola Kiristu Yesu. 16 Ghamaandiko Mahenzeluka ghose Imulungu kaghahumulila Muhe wake, na ghanogha kulangulitsila ukweli na ukukanya na kulangusa matotso na kuwalongotsa iwanu wakale pfinoghile, 17 ili imunu we Imulungu atimilike, na adahe kutenda ghose ghanoghile.

13 Usang’ane ghendo kuwasomela iwanu Ghamaandiko Mahenzeluka na uwalangulitse na uwapetele mbaka hanikutsa.

39 Mwosoma kwa kughalolesa Ghamaandiko kwaapfila mwofikitsa ka mghati mwake mtsopata ugima wa ghamatsuwa ghose. Lekeni agho Ghamaandiko ghagho igholonga tsimbuli tsangu!

8 Walangitse uleke kwisemwa ukusoma ichitabu achino cha ghamalaghitso, ughalangule ghose ighandikighwe mumo chilo na misi, ili udahe kughawinza pfinoghile ghose ighali mumo, naghwe kutsobweda na kupata ghose.

Ghumwanga kulawa kuna ghamalaghitso gha IMNDEWA

105 Longa lyako lya tala ilinilongotsa ghamaghulu ghangu,

na lya ghumwanga kuna inzila yangu.

Ukukunda malaghitso gha IMNDEWA

97 Lola, pfanighakunda ghamalaghitso ghako,

nene noghapfikitsa misi ngima.

98 Ghamalaghitso ghako ghonitenda niwe na ihekima kubita maaduwi tsangu,

kwaapfila ninagho matsuwa ghose,

99 Nene nina mbutsi kubita awala iwanifundile,

kwaapfila noghafikitsa ghamalamtsi ghako.

Ukukinda ghamalaghitso gha IMNDEWA

9 Angu imsongolo yodahatse kutsika tsinzila tsake tsele?

Ng’ambe kwa ukukinda ghamalaghitso ghako.

10 Nokubama kwa ghumoyo ghwangu ghwose,

uleke kundeka nyange kutali nighaleke ghamalaghitso ghako.

11 Nigheka ghamalaghitso ghako mmoyo mwangu,

hela ndeke kukutendela inzambi.

12 Ubalikiighwe ghwe IMNDEWA,

unifunde ghamalaghitso ghako.

13 Kwa milomo yangu nitsakuyila kulonga kwa ukukemelela,

ighalawile mna ghumlomo ghwako.

14 Nene nitsodeng’elela ukuwinza ghamalaghitso ghako,

ka apfila imunu iyodeng’elela hayakuwa na tsimali nyingi.

15 Notongelela ghamalaghitso ghako,

na notsalangitsa tsinzila tsako.

16 Noideng’elela imiko yako,

sighasemwa baye ghamalonga ghako.

7 Nitsokutunya kwa ghumoyo ghunoghile,

ahala hanifunda nimwenyegho ghamalaghitso ghako ghana ihaki.

9 kwaapfila Ezra tsakanza ghumwanza ghwake mna litsuwa lya mwanduso lya ghumwetsi ghwa kwanza, naye kapfika Yerusalemu mna litsuwa lya mwanduso lya mwetsi ghwa tano, kwaapfila Imulungu wake yana uluso tsakahamwe naye. 10 Ezra tsakelapfa kwa ghumoyo ghose mna ukwifunda na ukukinda ghamalaghitso gha IMNDEWA, na ukuwafunda iwanu wa Isiraeli wakinde imiko na ghamalaghitso ghake.

5 Mumkunde IMNDEWA, Imulungu wenu kwa ghumoyo ghwenu ghwose, na kwa ghumuhe ghwenu ghwose, na kwa tsingupfu tsenu tsose. 6 Mleke kwisemwa ghamalonga aghano ghanimlaghitsani leloli, ila mgheke mmoyo mwenu. 7 Muwafunde iwana wenu, muwapetele hamkala mkaye mwenu, na hamghenda mnzila, hamuwasa na hamlamka. 8 Mghohe mmoko mwenu, na mghapfale mchihanga mwenu ka msipi ili mghakumbukeghe. 9 Mghandike mna imilango yenu na mna ghamalango gha imiji yenu."

18 Hayosaghulighwa yawe imfalume, yaghandike keli ghamalaghitso. Yeyandikile chitabu chingi ka achino cha ghamalaghitso gha IMNDEWA chawalinacho iwatambika Walawi. 19 Na yawe nacho, na yachisome mna matsuwa ghake ghose, ili yadahe kumpfuka IMNDEWA, Imulungu wake na kukinda chila chinu ichili mna ghamalaghitso. 20 Naye hayatsochisoma ng’odaha kwibona ka yeye kanogha kubita Waisiraeli wayaghe, na yaleke kuhunduka akuno wala akula mna ghamalaghitso. Yang’atenda apfo, yeye na watsukulu wake watsotawala kwa matsuwa mengi mna isi ya Isiraeli."

Tsing’ungo pfatsiwapfila iwanu

1 Atsino tsing’ungo tsa Selemani, mwanaghe Daudi, mfalume wa Isiraeli. 2 Tsitsowapfila iwanu kuimanya ihekima na ghamahala, na kuwatenda wamanye tsimbuli tsina imaana ng’ulu. 3 Tsitsowafunda iwanu wawe na tsimbutsi, na watogholeke, na watende ghanoghile, gha haki, na ighanoghile. 4 Tsitsowatenda iwali wabotsi wakengele, na iwasongolo ukumanya, na wakale kwa kwalangitsa. 5 Iyakengele yang’atsitegheletsa, tsitsomwongetsela ukumanya, na iyotanga tsitsomlongotsa mna ighanoghile. 6 Nawo watsomanya imana ya tsing’ungo na imifano, ghamalonga na ipfitendawili pfa wanu wana ihekima.

Iwasongolo Wofundighwa

1 Mwanangu, uleke kughasemwa malangulitso ghangu, lekeni ugheke malaghitso ghangu mmoyo mwako. 2 Kwaapfila ghatsokongetsela matsuwa mengi na miyaka mingi ya ugima na kukala tseghamba.

13 Ghakinde ghamalaghitso, uleke kughaleka ghoke, ghakindilise ghendo kwaapfila agho ghagho ugima wako.

23 Kwa apfila ghamalaghitso aghano gha tala, na ghamahala aghano gha ghumwanga, ukukanyighwa iyo inzila ighenda kuna ugima,

24 Yesu kawedika, "Mwemwe mwakwagha kwaapfila ng’ammanya bae Ghamaandiko Mahenzeluka wala ngupfu ye Imulungu.

4 Chila chinu ichandikighwe mne Ghamaandiko Mahenzeluka, chandikighwa kutulangulitsa twetwe, ili kwa ukududumila na ukughumighwa ghumoyo ne Ghamaandiko agho, tudahe kuwa na lolelo.

17 Lekeni mwemwe sale tsangu, kwaapfila ma tsamuimanya mbuli ino, mwalangitse mleke kwaghisighwa ne matotso gha malangulitso gha ughutsu ghe iwanu ing’awokinda ghamalaghitso, ili mleke ukughwa kulawa hanu hamwimile. 18 Ila mghendelele kukula mne uluso na mne ukummanya Imtwatsa na Mkombotsi wetu Yesu Kiristu. Yatunyighwe sambi na ghamatsuwa ghose! Amina.

10 Manabii tsawatabili mbuli tsa uluso uno ka ung’awatsileni mwemwe, kuya tsawapelemba ng’ani na kwighutsaghutsa mbuli tsa ukombotsi uno. 11 Tsawabama wamanye ichipindi chachi na itsakuwatse kwa chinu acho ichilongighwe ne Ghumuhe wa Kiristu iyakalile mghati mwawo, iyalanguse Kiristu pfayatsoghaya ne utunitso iukutsa hambele.