Estudar a Bíblia

11 Bereatɔwo ɖɔ ʋu wu Tesalonikatɔwo, elabena woɖo to Paulo ƒe nyagbɔgblɔ kple dzidzɔ. Woawo ŋutɔwo hã nɔa mawunya la me dzrom ɣe sia ɣi be yewoakpɔe ɖa be nyateƒenya gblɔm Paulo nɔ mahã.

15 Wɔ dɔ sesĩe ale be Mawu nate ŋu agblɔ na wò be, "Dɔ nyui wɔla, wòe le dɔ nyui wɔwɔ dzi." Nye dɔwɔla nyui, ame si ŋu makpe ne Mawu do wò dɔwɔwɔ kpɔ o. Nànya nu si eƒe nyateƒenya la gblɔ kple nu si wòfia.

15 Ènya ale si, esi nènye ɖevi sue la, wofia Ŋɔŋlɔ Kɔkɔe la wò, nu siawo na nèdze nunya be nàkpɔ Mawu ƒe ɖeɖe to Kristo Yesu dzixɔse me. 16 Mawu tsɔ eƒe nya la na mí to eƒe Gbɔgbɔ si wɔ dɔ le amewo me la dzi, eya ta Biblia nyo hena nufiafia tso nu siwo nye nyateƒe la ŋu kple ale si wòana míadze si nu siwo nye nu vɔ̃ le míaƒe agbenɔnɔ me. Edaa mí ɖe mɔ dzɔdzɔe dzi, eye wòkpena ɖe mía ŋu be míawɔ nu si nyo, eye wòdze. 17 Eyae nye Mawu ƒe mɔ si dzraa mí ɖo nyuie le go sia go me hena nyuiwɔwɔ na ame sia ame.

13 Va se ɖe esime mava mia gbɔ la, xlẽ Ŋɔŋlɔ Kɔkɔe la na hame la, eye nàɖe eme na wo; gblɔ Mawu ƒe nya la ɣe sia ɣi.

39 Miedzroa mawunya la me tsitotsito, elabena miexɔ se be miakpɔ agbe mavɔ le eme. Evɔ mawunya siae ɖi ɖase le ŋutinye,

8 Mègana Segbalẽ sia nado le wò nu me o, de ŋugble le eŋu zã kple keli be nàwɔ nu siwo katã woŋlɔ ɖe eme la dzi nyuie. Ekema dzɔgbenyui kple dzidzedze anɔ wò mɔ dzi.

105 Wò nya la nye akaɖi na nye afɔ

kple kekeli na nye mɔ.

97 O, ale gbegbe mehelɔ̃ wò se lae!

Medea ŋugble le eŋuti ŋkeke blibo la.

98 Wò sededewo wɔm nunyalae wu nye futɔwo katã,

elabena wole gbɔnye ɖaa.

99 Gɔmesese su asinye wu nye nufialawo katã,

elabena medea ŋugble le wò ɖoɖowo ŋu.

9 Aleke ɖekakpui awɔ,

be eƒe mɔ dzi nanɔ dzadzɛe ɣe sia ɣi?

To agbenɔnɔ ɖe wò nya la nu mee.

10 Madi wò kple nye dzi blibo,

eya ta mègana matra tso wò sewo gbɔ o.

11 Meɣla wò nya ɖe nye dzi me,

be nyemawɔ nu vɔ̃ ɖe ŋuwò o.

12 O! Yehowa, woakafu wò ɖaa;

fia wò sededewom.

13 Matsɔ nye nu axlẽ se siwo katã

do tso wò nu me la afia.

14 Melé wò ɖoɖowo me ɖe asi dzidzɔtɔe,

abe ale si ame kpɔa dzidzɔ ɖe

kesinɔnu gbogbowo ŋu ene.

15 Mede ŋugble le wò ɖoɖowo ŋu,

eye melé ŋku ɖe wò mɔwo ŋu.

16 Wò sededewo doa dzidzɔ nam,

nyemaŋlɔ wò nya la be o.

ג Gimel

7 Makafu wò le dzi dzɔdzɔe me,

ne mele wò se dzɔdzɔeawo srɔ̃m.

9 Edze mɔ tso Babilonia le dzinu gbãtɔ ƒe ŋkeke gbãtɔ dzi, eye wòva ɖo Yerusalem le dzinu atɔ̃lia ƒe ŋkeke gbãtɔ dzi, elabena eƒe Mawu la ƒe amenuvevesi nɔ edzi. 10 Ezra tsɔ eɖokui na Yehowa ƒe Se la sɔsrɔ̃ kple emeléle ɖe asi eye nenema kee wòtsɔ eɖokui na eƒe sededewo kple ɖoɖowo fiafia le Israel.

5 Ele be nàlɔ̃ Yehowa, wò Mawu la kple wò dzi blibo, wò luʋɔ blibo kple wò ŋusẽ blibo. 6 Hekpe ɖe esia ŋuti la, ele be nàbu se siwo mele nawòm egbe la ŋu ɣe sia ɣi. 7 Ele be nàkui ɖe to me na viwòwo, eye nàƒo nu na wo tso wo ŋu ne miele aƒe me alo ne miele tsa ɖim, le anyimlɔɣi kple fɔfɔɣi abe nu gbãtɔ ene le ŋdi me. 8 Tsi wo ɖe wò asibidɛ ŋu abe dzesi ene, bla wo ɖe wò ŋgonu, 9 eye nàŋlɔ wo ɖe ʋɔtrutiwo ŋu le wò aƒe me!

18 "Ne woɖoe fiae, eye wònɔ eƒe fiazikpui dzi abe fia ene la, ekema ele be wòaŋlɔ se siawo katã tso agbalẽ si le Levitɔwo, ame siwo nye nunɔlawo la si me. 19 Ele be eƒe seawo ƒe ŋɔŋlɔ sia nanɔ esi ɣe sia ɣi, eye wòaxlẽ nu tso eme gbe sia gbe le eƒe agbe me ale be, wòasrɔ̃ ale si wòavɔ̃ Yehowa, eƒe Mawu la to seawo katã dzi wɔwɔ me. 20 Se siawo xexlẽ ɣe sia ɣi ana be fia la mabu be yenyo wu Israelvi bubuawo o. Kpe ɖe esia ŋu la, axe mɔ nɛ be matrɔ tso Mawu ƒe seawo gbɔ le mɔ suetɔ kekeake nu o, eye wòana be eƒe fiaɖuɖu nadidi, eye wòadze edzi. Ekema via ŋutsuwo aɖu fia ɖe eyome."

1 Israel fia Solomo, David ƒe vi ƒe lododowo nye esiawo:

2 na nunya kple amehehe,

na nya goglowo gɔmesese,

3 hena agbe dzɔdzɔe kple agbe ɖevi nɔnɔ,

be woawɔ nu si dzɔ,

nu si le eteƒe kple nu si nyo,

4 be ame gblɔewo nadze aɖaŋu eye woana nunya

kple sidzedze sɔhɛwo,

5 nunyalawo neɖo to,

ne woasrɔ̃ nu akpe ɖe esi wonya xoxo la ŋu

eye ame siwo si sidzedze le xoxo la naxɔ aɖaŋu,

6 be woase nunyalawo ƒe lododowo

abebubuwo kple adzowo gɔme.

Nunya ƒe viɖe bubuwo

1 Vinye, mègaŋlɔ nye nufiame be o,

eye nàlé nye sededewo ɖe wò dzi me,

2 elabena woadidi wò agbenɔƒewo ɖe edzi

ƒe geɖe, eye woahe dzidzedzekpɔkpɔ vɛ na wò.

13 Lé nufiame ɖe asi, mègana wòado le asiwò o;

dzɔ eŋuti nyuie elabena eyae nye agbe na wò.

23 elabena sedede siawo nye akaɖi,

nufiafia sia nye kekeli eye ɖɔɖɔɖo

si amehehe hena vɛ la nye agbe ƒe mɔ,

6 Le simadzemadze ta nye amewo le tsɔtsrɔ̃m, esi mi,

nunɔlawo, miedo vlo sidzedze ta la,

nye hã megbe be miaganye nye nunɔlawo o,

eye esi mieŋlɔ miaƒe Mawu ƒe sewo be ta la,

nye hã maŋlɔ mia viwo be.

20 Mitrɔ ɖe nye nufiafia kple ɖaseɖiɖiwo ŋu. Ne nu siwo wogblɔ mesɔ kple nye nyawo o la, ekema kekeli alo nyateƒe aɖeke mele wo tɔwo me o.

24 Yesu ɖo eŋu na wo be, "Nu si le fu ɖem na mi lae nye be mienya mawunya alo Mawu ƒe ŋusẽ o,

4 Ele be nu siwo woŋlɔ ɖe Ŋɔŋlɔ Kɔkɔe la me gbe aɖe gbe ke la nafia dzigbɔɖi mí, eye woade dzi ƒo na mí, ale be míanɔ mɔ kpɔm na ɣeyiɣi si Mawu aɖu nu vɔ̃ kple ku dzi la.

17 Eya ta nɔvi lɔlɔ̃wo, esi mienya esia xoxo la, minɔ ŋudzɔ be sedzimawɔlawo ƒe nu tovo wɔwɔ makplɔ mi adzoe, be miage le teƒe si mieli ke ɖo la o. 18 Ke mitsi le amenuveve kple sidzedze míaƒe Aƒetɔ kple Ɖela Yesu Kristo me.

Eya ko tɔ anye ŋutikɔkɔe tso fifia yi ɖe mavɔmavɔ me! Amen.

10 Ɖeɖe sia tae Mawu ƒe nyagblɔɖila siwo ƒo nu tso amenuveve si le mia dzi va ge ŋuti la ku nu gɔme vevie kple beléle tɔxɛ, 11 hedze agbagba be yewoanya ɣeyiɣi kple nudzɔdzɔ si Kristo ƒe Gbɔgbɔ si le wo me la le asi fiam, esi wògblɔ nya ɖi tso Mesia la ƒe fukpekpewo kple ŋutikɔkɔe si akplɔe ɖo la ŋuti.