Estudar a Bíblia
Estudar a Bíblia é mergulhar na mente de Deus. A Palavra é lâmpada para os pés, espada do Espírito e alimento para a alma. O cristão que estuda cresce em sabedoria e maturidade.
A importância do estudo
Os bereanos eram mais nobres porque examinavam as Escrituras diariamente. Estudar a Bíblia é mandamento e privilégio.
ईंयां लोग तै थिस्सलूणी नगरी यहूदी का भलै अर बडै च़ाऊआ करै बैण मनी रहै धैल़ तिंयां पबित्र शास्त्रा दी लोल़ै-भाल़ै लागी कि ईंयां गल्ला शुची आसा या एथ किज़ै दोश आसा।
खास्सी मैन्थ कर ताकि तूह आप्पू परमेशरा सेटा पेश करी सके अर परमेशर ताह करै खुश होए। तूह कर बधिया मिस्त्री ज़िहअ काम ज़हा शर्मिंदअ नां हणअ पल़े अर ज़ुंण शुचै बैणा ठीक ज़ाणा खोज़ी।
तंऐं आसा होछ़ी उझै बधान समझ़अ द, तेता करै भेटा ताह ऐहा गल्ला समझ़णा लै मज़त कि ज़ेभै तंऐं मसीहा ईशू दी विश्वास किअ तेभै बच़ाऊअ तूह परमेशरै।
सारअ पबित्र शास्त्र आसा परमेशरो बैण ज़ुंण परमेशरै तिन्नें मन्नैं पाअ ज़ुंणी अह लिखअ, हाम्हैं सका एता करै लोगा का परमेशरो सत्त सखाऊई, तिन्नां मणछा सखाऊई ज़ुंण गलत करा, एता करै लागा हाम्हां का थोघ कि म्हारी ज़िन्दगी दी किज़ै गलती आसा अर धर्मीं ज़िन्दगी किहअ करै लागा ज़िऊंणीं। ताकि परमेशरो मणछ सज़ाण होए अर सोभै भलै काम करी सके।
ज़ेभै तैणीं हुंह निं एछूं, तेभै तैणीं रह शास्त्रा का पहल़दअ, सखाऊंदअ अर शिक्षा दैंदअ धैल़ी-राची लागी।
"तम्हैं लोल़ा पबित्र शास्त्रा दी, इहअ समझ़ी कि सदा रहणैं आल़ी ज़िन्दगी भेटणीं तम्हां, अर अह आसा सह ई ज़ुंण मेरी शाजत दैआ।
Meditar e guardar
Não se aparte a lei do Senhor da tua boca. Medita nela de dia e de noite para que cumpras tudo o que nela está escrito.
बधाने अह कताब निं लोल़ी तम्हैं कधि बिस्सरी, एता करै धैल़-राच उझ़दी-बेशदी पहल़ी अर ज़ुंण एथ लिखअ द आसा, तेऊ साबै लोल़ी तम्हैं ज़िन्दगी ज़िऊई। तै हणैं तम्हैं ऐहा ज़ैगा सोभी गल्ला दी सफल।
बधानो प्रैश्शअ
तेरअ बैण आसा मुल्है सलाह दैणैं आल़अ दीअ अर
बाता आजू हांढणा लै प्रैश्शै ज़िहअ।
बधाना लै झ़ूरनअ
हुंह झ़ूरा तेरै बधाना लै खास्सअ!
हुंह रहा सारी धैल़ी तेते ई बारै सोठदअ लागी।
हर बगत रहा मेरै दिलै तेरै हुकम अर
तेता करै हआ हुंह आपणैं दुशमणा का खास्सअ अक्ली आल़अ।
मुंह आसा आपणैं सोभी गूरू का बी खास्सी समझ़,
किल्हैकि हुंह डाहा तेरी गल्ला दी आपणअ धैन-मन्न लाई।
बधाने साबै ज़िन्दगी ज़िऊंणीं
खारकै मणछ सका बिधाते हुकम मनी
शुची ज़िन्दगी ज़िऊई।
हे बिधाता, हुंह रहा तत्त-दिला का तेरी च़ाकरी लागी,
तूह निं मुंह आपणैं बधाने बिधी का कबाता दैई पेशणैं।
मंऐं आसा तेरअ बधान आपणैं दिलै डाहअ द,
ताकि हुंह ताखा किछ़ पाप करदअ निं शुझिए।
हे बिधाता, हुंह करा तेरी ज़ै-ज़ैकार,
तूह खोज़ मुखा आपणीं बिधी आप्पै।
ज़ुंण बधान तंऐं खोज़अ,
सह खोज़णअ मुंह आपणीं खाखा का सोभी का।
तेरअ हुकम मनी भेटा
बडै सेठ हणैं का बी खास्सी खुशी।
मुंह दैणअ तेरै बधाना दी धैन अर
तेरी शिक्षा दी रहणअ मुंह बच़ार करदै लागी।
मुंह हणअ तेरै बधाना दी सुखी,
मुंह डाहणीं तेरी सोभै गल्ला आद।
तेरअ धर्मीं बधान शिखल़ी करै करनअ मुंह
शुचै दिलै तेरअ शूकर अर तेरी ज़ै-ज़ैकार।
Estudo diligente
Esdras preparou o coração para buscar e ensinar a lei. O estudo exige disciplina, constância e coração aberto.
तिंयां लागै साज़ै च़ैत्रै नऊंऐं संबते धैल़ी बाबेल देशा का यहूदा मुल्खा बाखा हांढदै, बिधाता किई तिन्नें मज़त अर तिंयां पुजै साज़ै शाऊंणै एरुशलेम नगरी। एज्रा काटी आपणीं सारी ज़िन्दगी बिधाते बधाना शिखल़णा लै अर तेते साबै आपणीं ज़िन्दगी ज़िऊंणां लै। तेखअ रहअ आपणीं ज़िऊंदी ज़िता बधाने बिधी अर शिक्षा इज़राईली परज़ा का सखाऊंदअ लागी।
तम्हैं करै आपणैं परमेशर बिधाता लै आपणअ सारअ मन्न, प्राण अर आपणअ सारअ ज़ोर लाई झ़ूरी। बिधाते बधान अर बिधी ज़ुंण मंऐं आझ़ खोज़ी लाऐ, तिंयां लोल़ी तम्हैं आपणैं दिलै सदा आद डाहै। इना डाहै तम्हैं आपणैं शोहरू-माठै का भिई-भिई बोली खोज़ी। हर बगत करनी तिन्नां संघै एते ई बारै गल्ला, घअरै-बणैं, हांढदी-फिरदी, बैल़ी सुत्तदी अर दोत्ती उझ़दी करै तम्हैं एते ई बारै गल्ला। एता डाहै तम्हैं जंतरी-पत्री दी लिखी संघा डाहै आपणैं नल़ै अर दोहरी भृहुंई मांझ़ै माथै दी बान्हीं नछ़ैणा ज़िहै ताकि तम्हां सदा आद रहे। इना बधाना डाहै तम्हैं आपणैं दुआरे द्रींडा अर नगरीए प्रऊल़ी दी लिखी।
"बिधाते सारै बधाने असली पोथी रहणीं प्रोहता का ज़ुंण लेबी गोत्रा का आसा। तेखअ ज़ुंण थारअ राज़अ बणी राज़गाद्दी दी बेठे, सह डेओऐ प्रोहता सेटा लै, संघा च़ुआल़ै तिन्नां नदरी आपणैं हाथै लिखी बधाने कताबे एक नकल आप्पू लै। बधाने तैहा च़ुआल़ी दी पोथी डाहै सह सारी अमरा आप्पू का। संघा करै धैल़ तेता पहल़ी अर ज़िहै बिधाता हुकम आसा खोज़ै दै, तेता मनै तिहै ई, ताकि सह डरदी-काम्बदी बिधाते च़ाकरी करनी शिखल़े। तै निं तेऊए मन्नैं इहअ घमंड एछणअ कि सह आसा तेऊए सोभी भाई-बंधा का खास।
"ज़ै सह राज़अ बिधाते बधाने पठी हुकम मने, तै करनअ तेऊ अर तेऊए आजू आद-लुआदा इज़राईला दी खास्सी साला राज़।"
अक्ली एछणेंओ मूल़
ईंयां सैणीं गल्ला आसा इज़राईल मुल्खे राज़ै दाबेदे शोहरू राज़ै सुलैमाने:
ज़ुंण इना गल्ला पहल़े, तिन्नां एछणी अक्ल, सबर
अर तिन्नां समझ़णीं ईंयां सैणीं गल्ला राम्बल़ै करै।
एता करै लागणअ तिन्नां का थोघ कि
किहअ करै लागा सुंबल़ी सोर डाही ज़िन्दगी ज़िऊंणीं,
अर एता करै लागणअ तिन्नां का थोघ कि धर्म, नसाफ
अर मानदारी किज़ै आसा।
एता का सका आम मणछ बी शिखल़ी कि
छ़ल़ैघ किहअ करै हणअ,
खारकअ मणछ सका एता का ज्ञैन अर सुंबल़ी सोर शिखल़ी।
इना सैणीं गल्ला करै एछणी अक्ली आल़ै मणछा होर बी खास्सी अक्ल
अर छ़ल़ैघ मणछ समझ़णअ
सैणीं गल्लो, कहाबतो अर
समझ़कार मणछै खोज़ी दी गल्लो गुप्त भेद।
खारकै मणछा लै सलाह
लान्हैंओ, मेरी शिक्षा निं बिस्सरी,
ज़िहअ हुंह तम्हां लै बोला तेता डाहै आद,
तेता करै हणीं थारी अमर खास्सी,
अर सुखी ज़िन्दगी।
मेरी शिक्षा डाहै सदा आद,
किल्हैकि अह ई आसा तेरी ज़िन्दगी, एते करै फाज़त।
किल्हैकि तिन्नें शिक्षा आसा लाटूए प्रैश्शै ज़ेही,
तिन्नों नैरनै-समझ़ाऊंणैं करै लागा ज़िन्दगी ज़िऊंणेंओ थोघ,
Proteção e crescimento
Quem ignora a Palavra perece. Toda Escritura é útil — crescei na graça e no conhecimento do nosso Senhor.
मेरी परज़ा हणीं खतम किल्हैकि तिंयां निं मुंह ज़ाणदै ई आथी। तम्हैं प्रोहतै समझ़अ मेरअ ज्ञैन बृथा अर तम्हैं निं मेरी शिक्षा मनी आथी! तैही हेरै मंऐं तम्हैं बी छ़ाडी अर नां हुंह आजू थारै शोहरू माठै प्रोहत मंदअ।
तम्हैं करै तिन्नां संघै बिधाते बधाने बारै ज़बाब दैई! ज़ुंण बिधाते बधाने साबै गल्ला नांईं करे, सह आसा पठी न्हैरै दी।
ईशू बोलअ तिन्नां लै, "तम्हां का नांईं ता पबित्र शास्त्रो थोघ आथी, अर नां परमेशरे शगतीओ थोघ आथी?
ज़ेतरी बी गल्ला पैहलै का आसा पबित्र शास्त्रा दी लिखी दी, तिंयां आसा म्हारी शिक्षे तैणीं लिखी दी कि हाम्हैं सबर अर पबित्र शास्त्रा करै हाम्हां हैअ अर आशा होए।
पर मेरै पैरै साथीओ, तम्हां का आसा पैहलै ई थोघ कि ईंयां गल्ला निभणी ज़रूर। तैही डाहै तम्हैं खैल कि ज़ुंण मणछ परमेशरे बधाने साबै ज़िन्दगी नांईं ज़िऊंदै, तिन्नें शल़ैघा करै निं लोल़ी तम्हैं कबाता पेठै। तिन्नें गल्ला मनी सका थारै मन्नैं तिन्नां शुची गल्ले बारै बैहम पल़ी ज़ेथ तम्हैं पाक्कअ विश्वास डाहा। पर तम्हैं लागा एऊ साबै ज़िन्दगी ज़िऊंणीं कि तम्हां म्हारै उद्धार करनै आल़ै प्रभू ईशू मसीहे जशो होर बी खास्सअ तज़ुर्बअ होए अर तम्हां तेऊए बारै होर बी थोघ लागे।
तेऊओ ई प्रतप्प लोल़ी आझ़ अर सारी सदा हुअ। एवमस्तू।
कई गूरै एऊ उद्धारे बारै खोज़अ द
एऊ ई उद्धारे बारै च़ाहा तै परमेशरे गूर होर बी खास्सअ थोघ लाणअ। तिन्नैं बोलअ एते बारै कि परमेशरा तम्हां संघै केही झींण करी दैणअ तम्हां लै उद्धार, ज़ेता जोगी तम्हैं नांईं आथी तै। तिन्नैं किई एते ज़बाबा लोल़णा लै खास्सी कोशिश। मसीहे आत्मां ती तिन्नां दी अर सह खोज़ा ती तिन्नां का कि मसीहा किहअ दुख ज़िरनअ अर तेखअ तेऊओ किहअ महान प्रतप्प हणअ। तिन्नैं लाअ एतो बी राम्बल़अ थोघ कि मसीहा कुंण हणअ अर सह केभै हणअ।