Evangelização

19 Hinu mhamba mkavakita vandu va milima yoha kuvya vawuliwa vangu. Kuni mvabatiza kwa liina la Dadi na la Mwana na la Mpungu Msopi. 20 Muvawula kukamula malovi gangu goha ngati chenivalagizi nyenye, nene nivii pamonga na nyenye magono goha, hati pamwishu wa lusenje."

15 Hinu, akavajovela, "Muhambayi pamulima woha mkakokosa Linenu la Bwina kwa vandu voha.

8 Nambu lukumbi Mpungu Msopi peakuvahelelela nyenye, ndi yati mwipokela makakala na kuvya mwemwijova ndava yangu pagati ya muji wa Yelusalemu pamulima woha wa ku Yudea na ku Samaliya, na hati pamwishu wa mulima."

14 "Nyenye ndi ngati lumuli lwa pamulima! Muji weujengiwi panani ya chitumbi ufiyika lepi.

Mwinyu na lumuli

13 Nyenye ndi mwinyu wa pamulima! Nambu luyong’onyo lwaki lwakayaga yati yisopewa kiki? Yivya lepi na lihengu kavili yati kutagika kuvala na vandu vakuyilivatila.

15 Vandu vipambika lepi hahi na kuigubika na chiviga, muni yivikiwa panani ya chibokoselu kuvalangasa voha vevavi mugati. 16 Mewawa lumuli lwinu luvalangasa palongolo ya vandu, vagalola matendu ginu gabwina, vamlumbalila Dadi winu mweavi kunani."

17 Kuhumila lukumbi lwenulo Yesu atumbwili kukokosa, "Mumuwuyila Chapanga, muni Unkosi wa kunani kwa Chapanga uvi papipi!"

Makakala ga Linenu La Bwina

16 Nikuliwonela lepi soni Linenu la Bwina, ndava lina makakala ga Chapanga ga kumsangula kila mundu mweisadika, kutumbula kwa Vayawudi kangi kwa vangali Vayawudi mewawa.

17 Ndi, sadika yibwela kwa kuyuwana ujumbi, na ujumbi wenuwo ubwela mu kukokosa Linenu la Kilisitu.

2 Muni penavi kwinu naamwili nikotoka kumanya chindu chochoha chila nambu kummanya Yesu Kilisitu ndu, yula mweavambiwi pamsalaba.

Uyukiswa wa Kilisitu

1 Hinu, valongo, nigana kuvakumbusa lila Linenu la Bwina lenivakokosili, na nyenye mukayipokili na kuyima cha kukangamala mugati yaki. 2 Kwa njila yaki msanguliwi, ngati mukamula malovi genivakokosili. Manya ngati mwasadiki waka.

14 Chapanga avakemalili lijambu lenili kwa njila ya Linenu la Bwina letavakokosili. Avakemili muni muvyai na pandu pa muunkosi wa Bambu witu Yesu Kilisitu.

15 Nambu mumgundamila Kilisitu mugati ya mitima yinu na mumtopesa mwene ndi Bambu. Magono goha jitendelekela kuvayangula vevakuvakota mambu ga huvalila yeyivi mumitima yinu,

35 Mukagananayi, vandu voha yati vimanya kuvya nyenye ndi vawuliwa vangu."

8 Ukulu wa Dadi wangu ulangasika ngati nyenye mwipambika matunda gamahele na kuvya vawuliwa vangu.

47 Muni Bambu atilagazili aga,

‘Nikuviki lumuli lwa vandu va pamulima, muni vandu voha vasanguliwa pamilima yoha.’ "

24 Nambu nivalanga lepi wumi wangu kuvya chindu, kwa nene ndi kumalakisa utumi wa lihengu lila leanipelili Bambu Yesu, kujova ndava ya Linenu la Bwina la ubwina wa Chapanga.

18 "Mpungu wa Bambu uvi pamonga na nene,

anihagwili nene ndava ya kuvakokosela vangangu Linenu la Bwina.

Anitumili nivakokosela vavanda kulekekeswa kwavi

na vangalola vahotola kulola,

anitumili nivasangulayi voha veving’ahiswa,

29 Yesu akayangula, "Chakaka nikuvajovela, mundu yeyoha mweailekili nyumba amala valongo amala valumbu amala mau amala dadi amala vana na migunda ndava yangu na ndava ya Linenu la Bwina, 30 yati ipokela mala miya ng’onyo mulukumbi lwa hinu. Yati ipokela nyumba na valongo na vahaja na valumbu na mau, pamonga na mang’ahiso. Na palukumbi lwelubwela yati ipokela wumi wa magono goha wangali mwishu.

35 Ndava mundu mweigana kusangula wumi waki, yati akuuyagisa, nambu mundu mweakuuyagisa wumi waki ndava ya nene na ndava ya Linenu la Bwina, yati akuusangula.

27 Chapanga mwene aganili kuvamanyisa vandu vaki mfiyu wenuwo wewuvili ukulu na ubwina wewayenili kwa vandu voha vevangava Vayawudi na yene ndi iyi, kuvya Kilisitu avi mugati yinu, na nyenye mewa yati mwipata lilundu linu muukulu wa Chapanga.

Mawuliwu ga chakaka

1 Nambu veve uganikiwa kukokosa mawuliwu gachakaka.