Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Bʉʼka Lyʉʉhəkə ndə Nyii kə kɔ́ tʉ bii, kə bɛ lyʉʉhə-fʉəhə-kə ndə ĩ gwè nə faa-kwu-kə tʉ bii fɛ, bɔŋ mbʉ kəLyʉʉhə nɔʼ chìi bii bɛ bə vâa-Nyii, kə́ tíi mbɔ, "Baba, Tie-yaʼ!" Mbʉ kəLyʉʉhə nə mbəŋ-ɛŋ nɔ fúu ghɔkə ghɔŋbə lyʉʉhəkə-ʉʼʉ ndə mənú gwù mbɔ bʉʼʉ nɔ bɛ vâa-Nyii. Bʉʼka bʉʼʉ bɛ vâa-bi, bʉʼʉ bu lʉ̀ yʉʉ ndə biʼbə ndə ɔ kə tʉ́ʼ tʉ bʉə-bi. Bʉʼʉbə Klai bɔŋ-bu-leʼ lʉ̀ yʉʉ ndəŋ biʼbə inchəŋ ndə Nyii kə shʉ̀tə tʉ́ʼ tʉ ɔŋ. Bɔŋ kaʼ bʉʼʉ bɛ ndə məkie məgʉə-e təmə bʉʼʉ nɔ kie ndə mənyíɛ ŋgʉəʼ bʉʼʉ bɔŋ mɔʼɔ.
Bɔŋ ndʉʉ ndə mbʉ ŋgwɔʼmbi kə kʉ̀ʼnə, Nyii tə́ŋ vaa-ɛ, woke bí ɔ, vɛʼ ndə bə nə kə́ bíe tʉ́ʼ nuʼ-Mushi, mbɔ ɔ chʉʼ chʉ̀ʼ tʉ-bʉə-kə hə ndəŋ nuʼ ndə i tʉʼ yá bɔŋ, mbɔ Nyii chʉʼ lʉ̀ bʉʼʉ ndə vâanchinə-bi. Bʉʼka bʉʼʉ bɛ vâa-bi, mbʉ Nyii nɔʼ tə́ŋ Lyʉʉhə-vaa-ɛ-kə kɔ́ mu mbʉə-bʉʼʉ, ɔ tʉʼ tíi mbɔ, "Baba, Baba-Tie-yaʼ." Nɔ, a leʼbie fʉə fɛ, bɔŋ a nɔ vaa-ɛ, kaʼ bɛ mbɔ a bɛ vaa-ɛ, təmə a nɔ bɛ nju-i tíŋ bɔ̂ŋ Nyii.
Bʉʼka bii mɔ̀ʼfyiihə-ii ndəŋ Klai Jiso, bii nɔ bɛ vâa-Nyii. Bʉʼka wotəmiyɔŋ ndə ɔ nɔʼ fí muu, nɔʼ fúu nuɔ ghɔŋbə Klai, nɔʼ mɔ̀ʼ məchimbi-Klai mbʉə-ɔ, ndə w̃o mɔ̀ʼ ndyi le. Nɔ, wo-Juu kaa ghɔ ŋkʉʉ ndəŋ wo ndə ɔ gòʼ təmə bɛ wo-Juu fɛ, fʉə bɛ ghɔ ŋkʉʉ ndəŋ wo ndə ɔ gòʼ təmə bɛ fʉə fɛ, təmə woləŋ kə bɛ ghɔ ŋkʉʉ ndəŋ woke fɛ, bʉʼka bii nɔ bɛ fɔkə imɔʼ mu Klai Jiso.
ɔ nɔʼ kə shʉ̀tə mbɔ bʉʼʉ bu nə bɛ vâanchinə-bi tíŋ hə bɔ̌ŋ Jiso Klai, ɔ nɔ nə chìi haʼ ndə ɔ nɔʼ kə shʉ̀tə ndə ŋkʉʉnə tʉʉ-i.
Ɔ nɔ nə chìi nɔ mbɔ bʉʼʉ chʉʼ kə́ lə̀ʼtə ɔŋ, bʉʼka fɔŋ buuŋjyu-i ndə ɔ dʉ̀ʼ tʉ bʉʼʉ, tíŋ hə bɔ̌ŋ Vaa-ɛ ndə ɔ kʉ̀ʉ daa.
Bɔɔ gháaNyii mbɔ N̈yii kɔ́ ghʉəʼ-kəLyʉʉhəNyii-kə tʉ bɔŋ
Bʉʼka nubə-ɔ̄ŋ, mɔ nɔ tʉʼ bè kweʼtəbə-ɔŋ sê bəshʉ-Nyii, mbʉ Tie, ndə tʉʼ tyú ɔ tyú yietə tʉ chu-fu-tə inchəŋ ndə i bɛ yuo ghɔŋbə chisêkə.
Bɔŋ tʉ bʉə bənchəŋ ndə bɔ̂ŋ kə lʉ̀ ɔ mu fyii-bɔŋ, tʉ bʉə ndə bɔ̂ŋ kə bɛ́ŋ ɔŋ, ɔ kɔ́ ghʉəʼkə tʉ bɔŋ ndə məbɛ vâa-Nyii. Təmə bə bí bɔŋ bə ndə məbí kəlɔŋ fɛ, byuunɔ ndə ŋkʉʉnə tʉʉ woməsʉʉ fɛ, byuunɔ ŋkʉʉnə tʉʉ woləŋ fɛ, bɔŋ bɛ nə ŋkʉʉnə-tʉʉ-Nyii.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
təmə lèʼnə ndə mə-kə́-chə̀ŋtə kəyəŋ kəmɔʼ fɛ, ndə bəbɛʼbʉə nɔʼ lʉ̀ bɛ nuʼ-yʉə, b̈ʉʼʉ bɔŋ kə́ kwèʼhə ŋwɔŋtə-ʉʼʉ, fɔŋ ɛŋ kə́ bɛ ndə bii tʉʼ nyíɛ ndə mbʉ kəChî Tiekətʉ tʉʼ kə́ŋhə gwè.
B̈ii yá fyiihə-ii ndə ŋgʉəʼ ndə bii bɛ muŋgɔ ndə i bɛ nə ŋgwɔŋ ndə tie-vaa gwúu vâa-bi nə yɔŋ. Ŋgʉəʼ-yii nɔ tʉʼ dʉ̀ʼ mbɔ Nyii nɔ tʉʼ lʉ̀ bii nə vâa-bi. Vaa bɛ ghɔ ndə tie-e gòʼ təmə kə́ gwúu ɔ fɛ mɛ? Kaʼ ɔ gòʼ təmə kə́ gwúu bii ndə ɔ gwúu vâa-bi bənchəŋ fɛ, i dʉ̀ʼ mbɔ bii kaa ŋkɛŋ vâa-bi fɛ, təmə bii nɔ bɛ vâa-bəghaa. Nɔ bɛ haʼ nɔ ndə bʉʼʉ nɔʼ kə kie bətie-bʉʼʉ kəchisê fɛ̄ŋ ndə bɔ̂ŋ kə́ gwúu bʉʼʉ, bʉʼʉ bɔŋleʼ kə́ yʉ́ chu-yʉə. Nɔ, bii kwɔ̀ʼtə ndʉʉghɔfii mbɔ bʉʼʉ kie ndə məké ŋwɔŋtə-ʉʼʉ tʉ Tie-yʉʼʉ yɔ́ŋyɔ́ŋ ndə kie ɔ kie lyʉʉhəbə-ʉʼʉ, mbɔ bʉʼʉ chʉʼ kə́ chí mbi fe?
Bʉʼka bətie-bʉʼʉ kəchisê nɔ kə gwúu bʉʼʉ ndə vaa kəŋkwutə məniʼ ndə ntɛ ndə bɔ̂ŋ kə kwɔ̀ʼtə mbɔ i kʉ̀ʼnə tʉ bɔŋ, bɔŋ T̃ie-yʉʼʉ nɔ gwúu bʉʼʉ ndə bʉʉ-yʉʼʉ mbɔ bʉʼʉ chʉʼ bɛ ŋkʉʉ haʼ ndə ɔ bɛ ŋkʉʉ.
Nɔ bɛ haʼ nɔ, bʉʼʉ bɛ yɔ́ŋyɔ́ŋ nɔ, bɔŋ kə́ bɛ mbʉə imɔʼ ndʉʉ ndə bʉʼʉ tùo bʉʼʉbə Klai, bʉʼʉ bənchəŋ bɔŋ-nɔʼ-leʼ fúu ŋwɔŋtə-ʉʼʉ nə yəŋ-mbʉə-bə ndəŋ mbʉə imɔʼ, bʉʼʉ bənchəŋ bɔŋleʼ bɛ tʉ ŋwɔŋtə-ʉʼʉ.
Kaʼ mbyu kəyəŋ imɔʼ kə́ nyíɛ ŋgʉəʼ, bɔ̂ŋ bənchəŋ nyíɛ ŋgʉəʼ ntuo, kaʼ mbyu kəyəŋ imɔʼ kie məgʉ́ə, bɔ̂ŋ bənchəŋ kie tʉʉjyu ghɔŋbə maa-yīŋ.
Bii nɔ bɛ njaafɛ̀ʼndɛŋ Tiekətʉ
Nɔ nduɔ, mbəŋ-yii ndə bii gòʼ təmə bɛ bʉə-Juu fɛ, leʼbie bʉə-mətòʼ fɛ, təmə kə́ bɛ ndɔ-fɔŋ-kə fɛ. Bɔŋ bii nɔ bɛ vâa sê lɔʼɔ bii bəbʉə ndə bɔ̂ŋ nə bɛ bʉə-Nyii leʼnə nchinjaa-Nyii-hə. Bii nɔ bɛ njaa-ɛ ndə bə bɔ́ŋ ndəŋ yiesê ndə bɛ bəlɔntəŋ-bi ghɔŋbə bʉəyʉkəŋgieNyii-bi ndə Klai Jiso nə mbəŋ-ɛŋ bɛ mbʉ ŋgoʼ-fûu-njaa. Mbʉ bəsɔʼɔ njaa inchəŋ nɔ gwè fú ndəŋ ɔŋ, kóʼ bɛ njaafɛ̀ʼndɛŋNyii ndə i bɛ ŋkʉʉ tʉ Tiekətʉ. Tíŋ hə bɔ̌ŋ mbəŋ-ɛŋ, bii bɔŋ ghɔŋbə bəbɛʼbʉə nɔʼ fúu ŋwɔŋ-yii bɔŋ ndə məbɛ njaa ndə Nyii bu kə́ chí muŋgɔ nə Lyʉʉhəkə-i.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Ɔ bə̀ŋhə tʉ bɔŋ mbɔ, "Naa-ɔŋ bɛ nda ghɔŋ bəliŋ-bɔŋ bələŋ bɛ bənda?" Ɔ kʉ̂ʉ lɛ́nə bʉə ndə bɔ̂ŋ dùʼtə mbʉə ɔ ghɔ̀ŋ mbɔ, "Nɔ bɛ naa-ɔŋ nɔ ghɔŋbə bəliŋ-bɔŋ bələŋ! Bʉʼka mbɔ wo ndə ɔ tʉʼ fɔ̀ʼ nukə ndə Nyii kʉ̀ʉ, ɔ nɔ bɛ liŋ-ɔŋ woləŋ ghɔŋbə liŋ-ɔŋ woke leʼnə naa-ɔŋ."
Fʉə kyinə káa mu kəlɔŋ gɛ̀gɛ̀ fɛ, bɔŋ ṽaa-fu nɔ káa mu kəlɔŋ gɛ̀gɛ̀.
Jiso ghɔ̀ŋ tʉ bɔŋ mbɔ, "Nyii kʉ̌ʉ bɛ Tie-yii, təmə bii nɔ kʉ̀ʉ mɔ bʉʼka mɔ nɔ gwè hə bəshʉ-Nyii, kə́ bɛ fɛ̄ŋ. Mɔ gwè nə yɔŋ-yə tʉkə fɛ, nɔ kə tə́ŋ ɔŋ tə́ŋ mɔ.
Tʉ̂ʼtə te bʉə ndə bɔ̂ŋ nɔʼ bɛ́ŋ Nyii
Kə a mə sɔ́ʼ woghəŋ shʉ́əshʉ́ə fɛ, kwə́ʼ tʉ ɔŋ buɔbuɔ fi nə ɔ bɛ tie-a. Lʉ̀ vâakəyɔwo bələŋ ndə bəliŋ-ba, kwə́ʼ tʉ bəke ghəŋ buɔbuɔ ndə bənaa-ba, bɔŋleʼ kwə́ʼ tʉ vâakəyɔwo bəke ndə bəliŋ-ba, fɔ̀ʼ nubə-ɔŋ inchəŋ nə fyii-a itʉ́ʉnə.
B̈ii nyíɛ ntɛ ŋkʉ̂ʉ ndə mbʉ Tie kʉ̀ʉ bʉʼʉ nə yɔŋ! Ŋkʉ̂ʉ-i tʉ bʉʼʉ nɔ yɔ́ŋ daa tə bə kə́ tíi bʉʼʉ nə vâa-Nyii, bɔŋ ndə ŋgie-shʉəŋ-kə, bʉʼʉ nɔ leʼ bɛ vâa-bi. Nukə ndə i chìi təmə bʉə-kəwʉʉnəmbi kínə bʉʼʉ fɛ, nɔ bɛ mbɔ bɔ̂ŋ kə kínə ɔŋ fɛ. Mbʉətə bətieŋkɔŋ-bɔ̄ŋ, bʉʼʉ nɔ bɛ vâa-Nyii nduɔ, bɔŋ nukə ndə bʉʼʉ bu nə sɛŋ bɛ yɔŋ chʉʼ kɛ̀ʼnə fɛ. Bɔŋ nukə ndə bʉʼʉ kínə nɔ bɛ mbɔ ndʉʉ ndə ɔ bu yi gwè nɔ, bʉʼʉ bɛ ndə ɔ, bʉʼka bʉʼʉ bu yi nyíɛ ɔŋ kɛŋ ndə ntɛhə ndə ɔ bɛ yɔŋ.
Nɔ, kaʼ bʉʼʉ kie fia, b̈ʉʼʉ fɔ̀ʼ bʉʉ tʉ bʉə bənchəŋ, fɔŋ ɛŋ kə́ bɛ tʉ bʉə ndə bɔ̂ŋ mɔ̀ʼfyiihə-ʉə ndəŋ Nyii.