Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Zafnu ń fye ɓə gwo nyi, wo taa kwu fye zè afyenu, nabai nge fya gyianyì fyi n ədnawo m; n əkwoɓwi, Zafnu n fye ɓə gwo nyi, wo ɓə ɓe n fyei a gwo fye nu, n zhni anugwnu. Jesnu n əwoi nu n yi yi, "Abba, Dada." Zafnu n əwohni tukwoi, wo gbmiɓo lo n əyi zafnui nge yi zhni Shekwoyi aɓyi nu. Nsaiye ngye yi zhni aɓyi nu, a gye yi zhni abeɓyi nu. Shekwoyi abeɓyi, jesnu abeɓyi n kwnusnu n Kirisitii, ndəi ɓəhnihni yi ɓa kwnu azhnìgye nabai ń yi ɓə kwnu agbmada wo, əwo latu nya.
Ama shi əsa n a ɓə ncei shi nyi kwo ɓə la si cimcim, Shekwoyi wa tnu n əwo Nugwnui, nyikwoza wa ma wo. A ma wo dna n owa ɓwashi cala, wa shna aza yi n ɓa fyi n owa, nabai n a ɓa gwo ɓa fyi ge anugwnu ashishiyi. Ntuge fye zhni əwo anugwnu nu, Shekwoyi ɓə la tnu n əwo Nugwnu Zafnui fyi n əyi adu, Zafnu n wo yi, "Abba, Dada." Ntulonu ho to ye zhni fyenu nu m, ama Shekwoyi əɓyi, shikwonyi ho zhni əwo əɓyi nu nyi, Shekwoyi wo la ho je əgwúgyiyi zè.
Ntulonu dna n Kirisiti Yeisu əfye vnyanya fye zhni Shekwoyi aɓyi nu dna n gaiciyaga, ntuge əfye vnyanya n a ɓə zhni fye batizima fyi n Kirisiti nyi, fye kwu Kirisiti kpe əfyehni. Yahudiyi to ye shnasnu lo kwo Abyedo, kwo fyenu kwo əza loloiya, kwo a gna nge zanugbayi n nyikwozai m, ntuge əfye vnyanya fye zhni gbmanyi nu dna n Kirisiti Yeisu.
waa yi pmaknyi zhi ntuge wa gwo yi, n zhni anugwnu dna n Yeisu Kirisiti kwoi vyi əwo agbmada ɓədo n əwo ɓəyei; kwa ɓé ǹ cicii əwo shebmyashi latu nya, n wo la ga yi dna n əza n wo ye ncei nyi.
Aduwazhni ntu n Afyisuyi ɓo
Ntu dəye ɓo, mi ceakwokwo shi nyi n Dada abye, aba n pwuwa dəhodəhoi n əshemi ɓədo n anyii ɓwa əkwo əye.
Dudulonu əɓa vnyanya ń ɓa ɓə la wo gwo, aza yi ń ɓa ɓə kwu gaiciyaga dna n əwo əye, wa ga ɓa ikwo ɓá kwu zhni Shekwoyi aɓyi; aɓyi ń a to ɓə ma ɓa fyi n nayi zokwo, kwo n zanugbayi ɓəye m, ama a ɓə ma ɓa fyi n Shekwoyi nu.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Fye to fa yezhi ɓo n abagbmanyi m, ngye shi azaho ɓa lá kwo shiɓwa ɓai zhni nyi m, ama n agwumyizhii ga aje; n gnasnusnu nsaiye, shi fye gye Nyipyei yi kwoi yawye wu ɓe nyi.
Fye kwu əmìfyi n azhnìgyei kwaa zhni tata; Shekwoyi shi fye ngye əwo aɓyi nu. Ntuge knyi əɓyi nu lo n əwo dada ta tá wo ma a? N a ta tá fye lo; shi zahozahoyii gwo tata m; a gye fye to zhni akwnusnuyi nu m, anugwnu ɓədo n anyigwnu ahnihnii m, nanyinanyi. Nshnisnusnu, əyi vnyanya yi ɓə kwu adada nayi nya ɓwa n ɓa ɓəə ta yi jesnu yi ɓə kwu mwamwa ga ɓa ntuce. A gye, yi ɓa gna əyihni gaga nu, n Dada azafnu nya akwnu nabai ya pwo! Ba ta yi n əsai fyewyi shi ɓa gye kwo gnadu n bmyabmya; ama Shekwoyi ta yi ntu n əyihni bmyabmya ɓo nu, nabai n yi ɓa ɓwa əwo gyigyi.
Ntulonu dna ń Kirisiti, əyi, kwo shikwonyi, yi mwa bəgyé lo, yi zhni nayi gbmanyi nu, jesnu əga dəhodəhoi zhni aga aje vnyanya nya nu.
Ngye əga gbmanyi gyeazhnì lo, əga dəhodəhoi gyeazhnì lo n kwnusnu n kwoi; ngye əga gbmanyi ɓwa mwamwa lo, əga dəhodəhoi nya agbmada lo n kwnusnu n kwoi.
Ntu dəye ɓo, fye to ye zhni aknyidoda nu, kwo azhiɓeyi m, ama aknyida n kwnusnu n Shekwoyi azai, jesnu Shekwoyi apwuwada. A n fyei mikpe n atnutnuyi shnipa nu ɓədo n asheɓəgwognayi nyai, ń Kirisiti Yeisu əwohni tukwo nu zhni nyaknuɓwakwonu kwuta tukwo nyi. Dna n əwo nù n nyakwnu vnyanya yeɓədo n aba gbmanyi, kwoi mwagwnu kwaa zè dagayipwuwa gyigyiyi dna n Dagayi. Njesnu dna n əwo nu ce, ń a gnyi ai mi fye ɓədo fya kwu zè aseseba, aba n Shekwoyi sase dna n əwo Zafnu.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Wa nya, "Anyikado nu zhni əmi əya n əmi azaje a?"
Nlonu wa shi aza awye n ɓa ɓə sase zhi n shegwnu wo nyi, wa gna, "Əmi əya n əmi azajei nu zhi nyi! Əzahozahoyi n wo zhni Shekwoyi ɓəye, əwo nu zhni əmizado, əmi mapwii n əyai."
Njesnu fyenu to ń abai lo dna n pwuwa nyalonyalo m, ama nugwnu zhni pwuwa yi nya nu nyalonyalo.
Yeisu wa gna ɓa, "Ngye Shekwoyi ɓəə zhni əfye Dada nu, fye ɓə ɓa ye mi, ntuge ma gbmiɓe n Shekwoyi aba nu. Əmi nu to ɓe n əmihnii m; Shekwoyi nu ɓə tnu n mii.
Nyawu tu n anyigbayi, abyeda ɓədo n afyenuyii
To gnaknyi, əza n wo kwo ho, n minagyii m, ama dna wo bwugbakala ngye wo zhni əho dada nu. Gye aɓyikasa anugbai əwye ngye əho amaje, anyikwoza n ɓa kwo ho, ngye əho aya, jesnu anyikwoza n ɓa ce n əho avnu nyi, ngye əho amapwi n tnadodnai kwo cewyi.
Fye gyewye, yeye yaakwo n Dada wo la zepwi yi n əɓwai loloiya, nge a yi əyi ge Shekwoyi aɓyi! N kwusnu aza pya nu n yi zhni! Ɓətukwo n kwo zhni to anyi ɓai kpe yi əye nyi m, əkwo nu nge ɓa to ɓə kpe wo əye m. Anugwnudo ayeyeyi, nsaiye yi zhni Shekwoyi aɓyi nu, njesnu aza pya n yi ɓə kwu zhni nyi, a too wu yi kwo kpa m. Ama yi kpəlo nge əsa n Kirisiti ɓə kpeyaɓe, yi ɓə kwu wu ngye wo, ntuge yi ɓə gye wo əwye ngye shi wo nyi.
Ntucenu, əsa ń yi ɓwa aba ncei, fa ya zhni ɓəmanai ga aza vnyanya, Nshnisnusnu aza yi n ɓa fyi n avyiyi apwuwa nyi.