Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Koro Spirit emi Abasi ọkọnọde mbufo ikanamke mbufo edi ifin, emi akpanamde mbufo ekop ndik, utu ke oro, Spirit akam anam mbufo edi nditọ, emi otode ke odudu Spirit ñnyin ifiori ite, "Ete, Ete." Spirit Abasi ke idem Esie adiana ye Spirit ñnyin, ndidi ntiense nte ke ñnyin idi nditọ Abasi. Ndien sia ñnyin idide nditọ Esie, ñnyin iyenyene udeme ke edidiọñ emi Enye enimde ọnọ ikọt Esie; ndien ñnyin ñko iyenyene udeme ye Kraist ke se Abasi ekenimde ọnọ Enye, koro edieke ñnyin ibuanade ke ukut Kraist, ñnyin ñko iyenyene udeme ke ubọñ Esie.
Edi ke ñkem ñkem ini, Abasi ama osio Eyen Esie ọdọñ. Enye ekedi nte eyen emi eka obukidem amande, onyuñ odu uwem ke idak ibet mme Ju, man Enye afak mme mmọ emi ekedude ke idak ibet, man ñnyin idi nditọ Abasi. Man owut nte ke mbufo edi mme nditọ Esie, Abasi ama ọdọñ Spirit Eyen Esie ediduk ke esit ñnyin, Spirit emi ofioride ete "Ete, Ete mi." Ke ntre afo udighe aba ofin, edidi eyen. Ndien sia afo edide eyen Esie, Abasi eyenọ fi kpukpru se enye enyenede ọnọ nditọ Esie.
Oto ke mbuọtidem ke kpukpru mbufo ekabade edi nditọ Abasi emi enyenede ebuana ye Kraist Jisọs. Mbufo ekena babtisim ediana kiet ye Kraist, ndien kemi ema emen nti uwem Kraist ke idem esie esine mbufo nte ewura. Ke ntem, ukpuhọde iduhọ ke ufọt mme Ju ye mme mmọ emi midighe Ju, ke ufọt ifin ye eyen, ke ufọt iren ye iban, mbufo kpukpru edi kiet ke ebuana ye Kraist Jisọs.
Abasi ama ebebiere ete ke eyeto ke Jisọs Kraist, iyeda ñnyin inọ idem Esie nte mme nditọ Esie, emi ekedi uduak ye inemesit Esie.
Eyak ñnyin itoro Abasi ke utibe mfọn Esie, kabaña enọ mfọn emi Enye ọkọnọde ñnyin ke ntak edima Eyen Esie!
Ke ntak emi, ndien, ami nduọ ke edọñ mi ke iso Ete, Enye emi kpukpru ekpuk Abasi ke obio Ubọñ Abasi ye mi ke isọñ ebọde ata enyiñ mmọ.
Edi kpukpru mmọ emi ekedarade Enye enyuñ enimde enyiñ Esie ke akpanikọ, Enye ama ọnọ mmọ unen ndikabade ndi nditọ Abasi; mme nditọ emi emande itoho ke iyip, inyuñ itoho ke udọñitọñ obukidem, edi emana eto Abasi.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Yak ñnyin ikuyak ido edisobo idem ọtọ kiet iduọk, nte mme usuk owo ekade iso ndinam. Utu koro eyak ñnyin ikọkọrọ iñwam kiet eken, ke kpukpru usuñ, sia ñnyin ikutde ite ke usen Ọbọñ ke asaña ekpere.
Eyọ ufen emi mbufo ebọde ke esit nte ke edi ntunọ Ete, koro ukut mbufo owut ete ke Abasi anam ñkpọ ye mbufo nte nditọ Esie. Nte eyen baba kiet odu emi ete esie mitunọke enye? Edieke Enye mitunọke mbufo, nte Enye anamde ye kpukpru mme nditọ Esie, oro owut ete ke mbufo idighe mme ata nditọ Esie, edi, edi nditọ akpara. Ke ñkañ mme ete obukidem ñnyin, mmọ enọ ñnyin ufen ñnyin ikpono mmọ; adaña didie ndien ke ñnyin ikposuk idem inọ Ete ñnyin ke Spirit inyuñ idu uwem!
Mme ete obukidem ñnyin etunọ ñnyin ke esisit ini, nte mmọ ekutde ete ke enen. Edi Abasi anam ntre ye ñnyin ke ntak ufọn idem ñnyin, man otodo ñnyin inyene ebuana ke edisana uwem Esie.
Kpasuk ntre, okposuk edi emi ñnyin iwakde, ñnyin idi idem kiet ke ebuana ye Kraist ndien edian kpukpru ñnyin ebiet kiet nte asaña asaña mbak ke idem kiet.
Edieke mbak ikpọkidem kiet okutde ndutuhọ, kpukpru mbak ikpọkidem ekut ukut ye enye ñko; ndien edieke ekponode mbak ikpọkidem kiet, kpukpru mbak ikpọkidem eken etiene enye edara.
Ke ntem mbufo mmọ emi midighe mme Ju idighe isenowo; mme mme ntondi aba; idahaemi mbufo eyedi nditọ isọñ ye ikọt Abasi, ye nditọ ekpuk Abasi.
Ebọp mbufo ñko edori ke itiat idak isọñ emi mme Ọbọsuru ye mme Asiak uduak Abasi ekesinde, emi itiat inuk edide Kraist Jisọs ke idem Esie. Edi Enye omum ofuri ufọk adian ebiet kiet onyuñ anam enye ọkọri ọkọwọrọ edisana ebiet ke Ọbọñ. Ke edidiana ye Enye, enyuñ ebọp mbufo ọtọ kiet edian ye kpukpru mme mmọ eken, ndien mbufo ekabade edi ufọk emi Abasi oduñde oto ke Spirit Esie.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Jisọs ama obup mmọ ete, "Anie edi eka mi? Mme anie edi nditọ ete ye nditọ eka mi iren? Enye ama emenede enyin ese mme owo oro eketiede ekanade Enye onyuñ ọdọhọ ete, ‘Emi edi eka mi ye mme nditọ ete ye nditọ eka mi iren.’ Owo kiet ekededi emi anamde se Abasi oyomde enye anam edi eyen ete mi eren, eyen eka mi añwan ye eka mi."
Ofin inyeneke iwuk itie ke ekpuk, edi eyen edi inyene ekpuk ke nsinsi.
Jisọs ama ọdọhọ mmọ ete, "Edieke Abasi ekpedide Ete mbufo, mbufo ekpema Mi, koro Ami ntode ke Abasi, ndien idahaemi, Ami mmọ mi. Ami ñkedighe ke idem Mi, edi Enye ọkọdọñ Mi.
Kusua unọ enye emi ọsọñọde fi ke emana, edi kpekpe ye enye nte enye edi ete fo. Nam ñkpọ ye ñkparawa iren nte nditọ ete fo iren. Mme ikpọ iban nte mme eka fo, ye mme ñkparawa iban nte nditọ iban ke kpukpru edisana uwem.
Ima Ke Eda Ediọñọ Nditọ Abasi
Ese utọ ima emi Ete amade ñnyin, emi anamde ñnyin ikere nditọ Abasi. Ndien se ñnyin inyuñ idide edi oro. Ntak emi ererimbot midiọñọke ñnyin, edi sia mmọ mikediọñọke Enye. Mme ndima ufan, idahaemi ñnyin idi nditọ Abasi, edi iyarakede kaña nte ñnyin iditiede. Edi ñnyin imọfiọk ite ke ini Enye ediwọrọde iwut idem, ñnyin iyebiet Enye, koro iyekut nte Enye etiede.
Ke ntre, adaña nte ñnyin inyenyene ifet, eyak ñnyin inam eti ñkpọ inọ owo kiet ekededi, akpanakpan ye mme mmọ emi edide kiet ye ñnyin ke ekpuk mbuọtidem.