3 Wꞌoor Ukwaasanaay umatuun rhisiini, aree baruuh Ukwaasana ookna tꞌiiteebi. Kastaah taana barooh ooknaay ibhaliyi akriree diimaab daayeen. Baruuh toomaag atehariyaayt harꞌii, Wꞌalyaanaay umaygwadii dehaay tibreeteeb nꞌati isꞌa. 4 Aflaay baruuh imalakeeka winneet tageegakaab iki. Uusim baruuh kwasaamaab ikatiyi han imalaki simaayeeka tageegaakaabi.

14 Ibhali bashar ikeena, aree uun baruuh geeboon ikwiri. Hinin bariiyooh umatuun rhina, Gaalꞌooriib umatuun Ubaabaay eeyaab, nꞌimaatwa sidikwa ataabi.

18 Ukwaasana gaal han rhaab kiiki. Wꞌoor Gaalalaay Ukwaasana tꞌiiteeb masi aree Ubaabaay dar ikatiib, baruuh barooh isookin.

17 Yasuuꞌa bareeyooh dehaay, "Aniib Ubaaba oon oombꞌi diimaab shagaamiini, ani han shagaamani." idi. 18 Een ibhaliyi sabbii Iyahuudi sidik Yasuuꞌi madar yhariwna. Baruuh toosabti gaanuun ikitꞌeet toona kitti, laakiin Ukwaasana han barooh ooknaay ubaabaayt waliikiya. Ugarooyooh Ukwaasanaay geeb nadiir ikwasi.

13 Yasuuꞌa Gaysariyaab Filiibusi haashiib eeyanihoob, ikwiriyaatayeeh raatiya, "Uudehay Wꞌaadami Oor aabu iyadna?" idi.

14 Baraah igwibiina, "Gwadi Yuuhanna umoosana iyadna, wari Eelyaab iyadna, masi wari Irmiyaab tari inabiyaayee gaalu iyadna." idiin.

15 Yasuuꞌa "Baraak aree? Ani aabu tiyadna?" idi.

16 Siimoon Bitrus igwibi, "Baruuk Umasiih tikatiya, Ukwaasana udhhaniinaay Oor." idi.

16 Yasuuꞌa itoomaasihoob, willa iyamee asti yakiya. Been oodoor taabri ifdagna, aree Ukwaasanaay Eeshuuk kwibheeriitiit hayꞌaatii tikweewwa bariiyooh kehii talaweewwa rhiya. 17 Malya hiss tibireetee, "Uun baruuh wꞌooru ani areeyaniyeebu, barooh ani winneet geeb afirhaabu." idi.

15 Yasuuꞌa Ukwaasanaay Oor ikatiyeet toona gaal han isookiineek, Ukwaasana bariiyooh kwanri, baruuh han Ukwaasanaay kwanri.

9 Ukwaasana ureerooh ibitkeen bak rhisiya: baruuh Gaalꞌoorooh tuduniyaatii dehaay diigwatiyaayt, aflaay bariiyooh geebii umidhhan nimeer nikati. 10 Uun baruuh ooreer ikati: Ukwaasana areenaayi sabbii kiiki, laakiin baruuh areeya hoon akay tumaagtuun afoomtinyi jillaay Wꞌoorooh diigwatiya.

8 Maagnaayt danꞌiibka oobliisiib ikati. Uubliis tibadootee akay maagnaayt shagaamiya. Ukwaasanaay Wꞌoor haay lawiyaneeb usabab aree, baruuh oobliisi shaga kwidhsiiniyi jillaay lawiya.

12 Wꞌoor ibariibka umidhhan han ibari. Ukwaasanaay Oor baabariibka umidhhan kiibari.

16 Ukwaasana tuduniya winneet areeyiini akay Gaalꞌoorooh yhii. Aflaay barooh aamaniiniibka iiyyi kiidi, laakiin daayim midhhan imaar indi.

21 Ubaaba yꞌayaab yaksiit ishidhhiineet toonaatiit, Wꞌoor han ishidhhin indiyeeb bak midhhan iniiw. 22 Ubaaba uukna gaal han kahaakamiya. Laakiin whaakamti hag kassooh Wꞌoorooh hiiyyaabi. 23 Aflaay uudehay kassaah Ubaaba hamooysiiniib Wꞌoor han bak hamooysi iyadna. Wꞌoor baahamooysii, Ubaaba barooh ifdig han kahamooyisiya.

25 Oosdik andi hookna: damaan yꞌiini aree oontꞌa suur akay yꞌaabu, yꞌaya Ukwaasanaay Oori hiss iimsaw iyadna. Baliin yꞌeemsiiw aree midhhan imaar iyadna. 26 Ubaaba uukna midhhani gwꞌad ikatiyeet toonaatiit, Wꞌoorooh han bak midhhani gwꞌad ikwaas.

12 Laakiin gwadi barooh yꞌashishniit haay aamaniyaan. Aflaay bareeh Ukwaasanaay ar haay ikatiini hag yhii. 13 Aan baraah takwaakw firaay wꞌaadami niyaamiit ikwasiyeeb tari takiit niyaatee ikatiin firaay kiikeen. Laakiin Ukwaasanaay faray ikatiin.

20 Ani Umasiihi geeb sallabaman aree shaawti ikwaar kaadi, laakiin Umasiih aniit tehooyteeb kwarri. Aree oontꞌa ani Ukwaasanaay Wꞌooriib wꞌiimaanii akwarri. Baruuh areeyaheeb, aree anii jillaay ugarooyooh nuuniya.

4 Laakiin udamaan winneet timmiimaa eeyanihoob, Ukwaasana Wꞌoorooh diigwatiya, barooh takat tifri, whaggi whii ifri, 5 aflaay baruuh whaggii isfadig hoon, aree hinin Ukwaasanaay ar niki. 6 Oontꞌa hinin bariiyeeh ar nikatiyayt, Ukwaasana Wꞌooriyeeh Eeshuuk hineeb iginꞌaayeeb ifdig. Aree Ishuukaah Ukwaasana Baaboon ikatiyeet toona sooyeen hoon.

10 Hinin Ukwaasana ashoosamaab niiktiyihoob, Wꞌooriitooh tuyatii bariiyooh geeb nimꞌaddaaleek, aflaay amꞌaddilaab nikatiyihoob aree bariiyooh umidhhanii kak hadiit needhhani!