Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Yɛ ɛ́ Mɔn tak ɛ di mɛkas mɛ duma ɛ Zɛɛb. Yɛ ɛ́ nyɛy ɛ di elyaal dáa Zɛɛb di ɛ. Nyɛ ɛ́ di epyet esonok djas nɛ ghwyil mɛkpa mɛ nuub’ɛ. Bhii nyɛ nasilal ɛdis ɛ bot edhuud e mesyem mɔɔ ɛ, nyɛ naazɛnɔɔ nyel disi pɛ tɔ gwoo, pɛ mbɔ eghɛŋ ɛ Zɛɛb na-ghaa mɛbwala. Zɛɛb naasa náá, Mɔn’ɛ di kɔ elo e efofop. Etɛɛ náá, nyɛ naadjɛ nyɛ boo din ɛ mɛbwala dhaa yii efofop.
Mɛkpa nadi ɛ́, ye moo mot. Mot tak naazɛbe di tɔ lena. Mena naabeeka Mɛkas mɛ, yɛ ɛ́ Mɛkas mɛ Sɛɛŋɛlɛ sim Mɔn di ebela nɛ Sɛɛg ɛ, lwoodela nɛ enɛm nɛ embɛɛ e Zɛɛb nɛ etsɛɛtsɛ.
Ye tok nɛ mot ngɔt nabee Zɛɛb sok. Tin, sɛɛŋɛlɛ sim Mɔn’ɛ ɛmet, nyɛy mot di Zɛɛb ɔ, nyɛ di ɛ́ é di wat bɛ nɛ Sɛɛg. Yɛ ɛ́ Mɔn ɛ di elyaal bot Sɛɛg.
Deenek, Yezu eezɛbɔɔza nɛ nɔɔ náá: «Mɛlu djas, Saagam ɛpesa mɛsa, dɔɔ nɛ mam pe, mɛ ɛpesa mɛsa.» Kɔ ɛsu ɛ etɛp binek, ekukuma eYuda nadi esaa dáa sa étɛp bɛ neegó nyɛ. Bɛ nadi esa deenek ɛ́ etɛɛ náá, Yezu nabɛ ɛ́ ààdi eduwal dwoo saba, nyɛ baadi eke ɛ́ náá, Zɛɛb ɛ́ Sɛɛg met. Yɛ ɛ́ deenek ɛ́ nyɛ nadi egek náá, nyɛ tyee wat nɛ Zɛɛb.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Pyɛɛd eezɛlɛɛ náá, Yezu ɛ́ Mɛsia
Yezu eezɛkum kɔ kyee bɔs Sezaale ɛ Filip. Nyɛ ɛ́ boozɛdji bɛdjekel bɛ náá: «Bot ke dáa dum nɛ Sɛɛŋɛlɛ Mɔn Mot?» Bɛ eezɛbɔɔza nɛ nɛ náá: «Bɛdhiiti ke ɛ́ náá, wɔ ɛ́ Zaŋ Nduuel-bot, bak náá, wɔ ɛ́ Eli. Bɛdhiiti kabaake ɛ́ náá, wɔ ɛ́ Zeelemi nɛghu dhiiti ngoolel-Mɛkpa ɛ Zɛɛb.» Yezu ɛ́ boozɛdji bɛ náá: «Haaa! Biyɔ, bi ke náá, mam ɛ́ zɛ?» Tin, Simɔŋ Pyɛɛd zɛbɔɔza náá: «Wɔ ɛ́ Mɛsia, Mɔn ɛ Zɛɛb di nɛ tsik na kɔm-kɔm ɔ.»
Dáa Yezu naduwa Zɛɛb ɛ, wyisa nyɛ nazowyis tɔ mɛdii ɛ, é di tak wat, wɔ gwaa, gwoo zɛbɛŋel. Bhii tak, Sisim na Dɛɛ eezyɛ, zɛsul kɔ lɛ tyee ɛghum. Dhiiti gwood eezɛgék tɔ gwoo náá: «Nwyak ɛ́ mɔn’am mɛ di kwyɛl ɔ. Mɛ eedyeebamyaala nɛ nɛ ɛbuɛpe.»
Deenek, mot ɛ myaal é mis mɛ bot náá, Yezu ɛ́ Mɔn ɛ Zɛɛb ɔɔ, Zɛɛb aadi ɛ́ sama wat nɛ nɛ, mot tak aadi ɛ́ sama nɛ Zɛɛb.
Beeka dáa Zɛɛb di elyaal náá, nyɛ nɛ kwyɛl mena ɛ: Nyɛ naadhis Sɛɛŋɛlɛ Mɔn’ɛ kɔ ɛko ɛ bɔs, étɛp bot neebela tɛtɛ tsik kɔ ɛsu ɛ lɛ. Beeka sa di edjóoaa kwyɛl ɛ: Ye tok náá, menabɛlka ɛ́ nakwyɛl Zɛɛb, tin, yɛ ɛ́ nyɛ ɛ nakwyɛl mena. Nyɛ bookadhis Mɔn’ɛ, mot naka nyel’ɛ é buwa étɛp ɛpelak ɛ mesyem mena ɔ.
Tin, mot di ekɛ tɔ ɛsyem ɔ, nyɛ ɛ́ mɔn dim mot mɛkɔŋ, etɛɛ náá, dim mot mɛkɔŋ nakan ɛsyem ɛ́ é mɛkɛn mɛ bhwak. É di’enek, Yezu Mɔn ɛ Zɛɛb natuula ɛ́, étɛp ɛzɛpul embee mɛsa mɛ dim mot mɛkɔŋ.
Mot di ekɛ sama wat nɛ Mɔn ɔ, nyɛ ɛ́ nɛ tsik tak. Tin, mot di ààkɛ sama wat nɛ Mɔn ɛ Zɛɛb ɔ, nyɛ tok nɛ tsik tak.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Zɛɛb naadyeebakwyɛl bot kɔ bɔs, étɛp tak ɛ nyɛ ɛ́ nadhis sim Mɔn’ɛ met. Etɛɛ náá, mot aadum koŋ nɛ nɛ ɔ, needi ààgwyɛ, nyɛ neebela tsik na kɔm-kɔm.
Etɛɛ náá, Sɛɛg nɛ gomal bot tɔ ɛsyee, da djɛ bɛ tsik. Yɛ ɛ́ deenek ɛ́ Mɔn’ɛ pe nɛ djɛ tsik nɛ mot nyɛ di ekwyɛl ɔ. Sɛɛg ààpɛ́ɛ bot, tin, nyɛ naadjɛ Mɔn eghɛŋ e ɛpɛ́ɛ ɛ bot. Deenek, bot djas needuwal Mɔn, dáa Mɔn di eduwal Sɛɛg ɛ. Mot di ààduwal Mɔn’ɛ ɔ, nyɛ ààduwal Sɛɛg mot nadhis Mɔn ɔ.
Tsɛɛtsɛ nɛ tsɛɛtsɛ, mɛ lɛɛ bin ɛ́ náá, ɛwala ɛpezyɛ, ɛwala ɛ tak eezekum, ɛwala bot ɛ nazegwyɛ ɔ aagwak gwood Mɔn ɛ Zɛɛb. Tin, bot djas aagwak gwood tak ɔ, bɛ waabela tsik. Yɛ waasael etɛɛ náá, tyee wat nɛ dáa Sɛɛg di ɛsuk ɛ tsik ɛ, deenek, nyɛ eesa náá, Mɔn pe di ɛsuk ɛ tsik.
É di’enek, bot djas aamyaal nyɛ ɔ, bot aadum koŋ nɛ nɛ ɔ, Mɛkpa waadjɛ bɛ ghwyil ɛdi ɛ́ bɔn ɛ Zɛɛb. Bɔn ɛ Zɛɛb tak aanàkwaabyel-byelak ghiya, ààbɛ yii gwyes epuud, ààkobaabɛ-bɛak yii ɛkwosak ɛ mot. Yɛ ɛ́ ɛbyel nɛ ɛkwosak ɛ Zɛɛb ɛ.
Deenek, mɛ di nɛ tsik mos ɔɔ, ye tok mam di nɛ tsik, yɛ ɛ́ Yezu Klisto ɛ di nɛ tsik tɔ lam. Etɛɛ náá, tsik mɛ kadi nɛ yɛ mos kɔ ɛko ɛ bɔs’ak ɛ, yɛ ɛ́ kɔ ɛsu ɛ ɛdum ɛ koŋ ɛ lam nɛ Mɔn ɛ Zɛɛb, mot nakwyɛl mɛ, da djɛ tsik’ɛ étɛp mɛ neetsak ɔ.
Tin, dáa ɛwala ɛ Zɛɛb nakoobal ɛ nakadjala ɛ, Zɛɛb naazɛdhis Mɔn’ɛ. Moma ɛ́ nabya mɔn tak, nyɛ nawyelaa ɛ́ si etsi e Moiiz, étɛp nyɛ neepɛk bot ɛ nadi si bhel etsi ɔ, dɔɔ nɛ ɛsa náá mena dika bɔn ɛ Zɛɛb.
Deenek, ye neelyaal nɛ tsɛɛtsɛ náá, bi ɛ́ bɔn bɛ, Zɛɛb eedhis tɔ ebhum elyem binaka Sisim Mɔn’ɛ, Sisim di etuud: «Abha», ye kwyɛl ɛlɛɛ ɛ́ Saagam.
É ghɛŋ mena nadika mena dinaaka bot ɛ mɛbhuka ɛ Zɛɛb ɛ, nyɛ naabulal ɛgwakel nɛ nena dum nɛ ɛsyee ɛ Mɔn’ɛ. Nenak, dáa ye di náá, Mɔn’ɛ ɛ́ nɛ tsik ɛ, nɛ dáa di náá, nyɛ eebulal ɛgwakel nɛ nena ɛ, yɛ ɛ́ tsɛɛtsɛ náá, nyɛ waatsik mena.