1 É ghɛŋ na mwa, Zɛɛb naalii nɛ bɛbhaab’enaka esok nɛ esok. Nyɛ naalii nɛ nɔɔ nɛ membi mɛ mɛzel djas tɔ enuub bɛngoolel ɛ Mɛkpa ɛ Zɛɛb, 2 tin, é mɛlu mɛ mɛsik mena dika mos’aak, nyɛ kalii nɛ nena ɛ́ tɔ nuub Mɔn’ɛ. Yɛ ɛ́ nyɛy ɛ di mot aalik nɛ esa djas ɔ, dum nɛ nɛ ɛ́ Zɛɛb nakus gwoo nɛ bɔs1.2 Zaŋ 1.3 . 3 Yɛ ɛ́ Mɔn tak ɛ di mɛkas mɛ duma ɛ Zɛɛb. Yɛ ɛ́ nyɛy ɛ di elyaal dáa Zɛɛb di ɛ. Nyɛ ɛ́ di epyet esonok djas nɛ ghwyil mɛkpa mɛ nuub’ɛ. Bhii nyɛ nasilal ɛdis ɛ bot edhuud e mesyem mɔɔ ɛ, nyɛ naazɛnɔɔ nyel disi pɛ tɔ gwoo, pɛ mbɔ eghɛŋ ɛ Zɛɛb na-ghaa mɛbwala1.3 Mɛd 110.1 . 4 Zɛɛb naasa náá, Mɔn’ɛ di kɔ elo e efofop. Etɛɛ náá, nyɛ naadjɛ nyɛ boo din ɛ mɛbwala dhaa yii efofop.
5 Yɛ ɛ́ tsɛɛtsɛ náá, Zɛɛb dinaa ààpake nɛ dhiiti fofop’ɛ ngɔt náá:
«Yɛ ɛ́ wɔy ɛ di Mɔn’am, kana dwoo pan mos’ak,
mɛ ɛ́ Soog1.5 Mɛd 2.7.»
Tin, nyɛ ààpakoke-keak nɛ dhiiti fofop náá:
«Mɛ waaboodi nɛ nɛ ɛ Sɛɛg,
nyɛ aadi nɛ nam ɛ́ Mɔn1.5 Sm2 7.14.»
6 Tin, é sok Zɛɛb nadhis Mɔn mɛgwyak mɛ kɔ bɔs ɛ, nyɛ nabɛ ɛ́, nyɛ naake náá:
«Efofop ɛ Zɛɛb djas goka ɛ́ nɛ ɛduwal ɛ́ nyɛ1.6 Dɛt 32.43 !»
7 Dum nɛ efofop, ye nabɛ ɛ́ Zɛɛb naake náá:
«Zɛɛb eesa náá, efofop bɛ di tyee epup.
Tin, nyɛ naasa náá, bot ɛ mɛsa mɛ di tyee ngel du1.7 Mɛd 104.4.»
8 Tin, dum nɛ Mɔn, nyɛ naake náá:
«Zɛɛb, bóó mɛkoozi mɔ ɛ́ kɔm-kɔm sii nɛ kɔm.
Deenek, yɛ ɛ́ é ɛkɛ tɔ epiki ɛ wɔ di edjɛɛd ɛyoŋ ɛ lɔ.
9 Wɔ kwyɛl ɛ́ epiki, da wɔ ɛ́ bhina ɛbiyo,
dum nɛ tɛp tak ɛ, Zɛɛb Sɛɛg, Zɛɛb’ɔ natɔ wɔ étɛp wɔ di mot-mɛsa mɛ.
Nyɛ naso wɔ mul mɛ ebotan kɔ lo ɛ́ étɛp tak,
tɔ sama bɔn-nyoog djas, yɛ ɛ́ wɔy ɛ nyɛ nasɛ́ɛ1.9 Mɛd 45.6-8.»
10 Zɛɛb naabaake náá:
«É mɛken tɔɔɔ, yɛ ɛ́ wɔy Ghɛŋ ɛ nakus bɔs,
dɔɔ nɛ wɔy ɛ́ nasa gwoo nɛ mɛmbɔ mɔ met.
11 Esonok binek djas aadi ɛ́ nɛ ɛsik,
yɛ ɛ́ kabɛ wɔy ɔ, wɔy aadi ɛ́ kɔm-kɔm.
Gwoo nɛ bɔs ɛ́ waapulel dáa ekaad.
12 Wɔ waabwaada bɛ dáa bɛ di ebwaada kaad ɛ,
deenek, wɔ waakaswoola bɛ ɛ́ dáa bot di eswoola ekaad é nyel ɛ.
Yɛ kabɛ wɔy ɔɔ, wɔy ààswoola, tsik’ɔ tok nɛ ɛsik1.12 Mɛd 102.25-27.»
13 Zɛɛb nabɛ ɛ́ ààke nɛ dhiiti fofop’ɛ ngɔt náá:
«Da disi pɛ kyee mbɔ eghɛŋ bam,
kɛkum dwoo mɛ aasa náá, bot ɛ mɛbhuka mɔ di dáa poba wɔ di ekɛl mɛbɔ mɔ kɔ tak ɛ1.13 Mɛd 110.1.»
14 Efofop ɛ́ bɛzɛ? Bɛ tok esisim di esa mɛsa mɛ Zɛɛb ɔ? Zɛɛb lwom bɛ ɛ́, étɛp bɛ neegheekwyee-kwyee bot aabela tsik na kɔm-kɔm ɔ.
/images/a/Tcg2NiV7ce24OT6kCIQGR)
/images/a/qHG3xNP8jqR-HqIiucz0L)