Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Nugwnu nu zhni nasheya Shekwoyi latu nya jesnu əwo dogbe cimcim shi wo wu, n anyai wnafyi vnyanya n əwo akwnu, n əwo ɓədagbma kalá nyai. She wo ɓə la pwo aleifyi pmyapmya tnutnu, waa sasetu n Latu Duduyi ɓwaizheɓwa dna n əshemi.
Ntulonu, wo ɓə la zè əza n wo du amaləka n mwamwa, n ɓwasnu ngye əye n wo ɓə gyi əkwo əgwú nyi, kwo ɓə du əɓa nya.
Ɓədagbma kwo ɓə la zè nayi jesnu waa dna n əyi atasni. Yi kwu əwo latu gyewye, latu Nugwnu ɓyigba nya, ń wo ɓə gbmi n Dada aba, n nunui n shebmyashii ɓədo n gaiciyanunuii.
Əzaho to lo ń wó shni Shekwoyi wyegye m, akpəge Nugwnu ɓyigba gbmanyi, ń wo zhni Shekwoyi nu n əwohni nyi, əwo nu gna wó lo vyivyiwyi n Dadai, əwo nu n kwu Dada wu yi.
Yeisu wa gna ɓa, "Əmi Dada zhni əwo tnutnu lo ciici nya n naiye, əmihni ce, mi zhni tnutnu lo." Ntu n ɓəye ɓo, ɓa gna aɓo znaznashni nu nabai ɓa wu wo; ntuge wo to ɓə ɓwa Sibyiwyi owa nu bmaya m, ama woi yi Shekwoyi nge əwohni Dada, woi zè əwohni nsnu dəidəi n Shekwoyii.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
She Yeisu ɓə ɓe Kaisariya Fyilibyi əknyi, wa nya əwo amwutuyi əɓo, "Aza gna nge Əza Nugwnu zhni nyika nu a?"
Ɓa dnaɓəgbe, "Azaho gna Yohana Batizimazhniyi nu; azaje gna nge Iliya; dudulonu azaje gna Irimyiya nu, kwo sheɓəgwognayi ho."
Wa nyaɓo, "Ama əfye ma a? Fye gna ge mi zhni nyika nu a?"
Sima Byitusu wa dnaɓəgbe, "Ho zhni Masifu nu, Shekwoyi wyewyeyida Nugwnu."
Shi a ɓə zè n Yeisu batizimazhniyi, wa gbmiɓe n nuwna. Nsayisayii, əshemi kwa gwuya, wa gye Shekwoyi Zafnu kwoi shnizhi ɓe ngye lukpe kwoi yatu n əwo. Njesnu bəgye kwa gbmi n əshemi kwoi gna, "Əmi Nugwnu nu nyi, n mi ye; ǹ woi nu n mi ɓwa bwugbada dəidəi."
Əzahozahoyi n wa ye nge Yeisu zhni Shekwoyi Nugwnu nu, Shekwoyi dnalo n wo jesnu əwohni n dna n Shekwoyi.
Shekwoyi ɓə wu əwo yeye dna n əyi atasni nlai nu: Wo ɓə tnu n əwo Nugwnu mamayi gbmanyi kəto dna n anyi, nabai n yi ɓa myi ya gyianyì dna n əwo. Dəye nu zhni yeyewu: toge yi ɓə ye Shekwoyi nu m, ama nge əwo nu ɓə ye yi jesnu wa tnu n əwo Nugwnui n zhni tagba nyagbmi ntu əyi aleifyi zo ɓo.
Əza n wo zhni leifyi, wo zhni Shetam nya nu, ntuge Shetam nu ɓə ya leifyizhni n kpmisnuyi. Ɓətukwo n kwo ɓə zhni Shekwoyi Nugwnu wa kpeyaɓe nyi, əkwo nu nge wa kwu Shetam tnutnu zhniagbma.
Zahozahoyi n wo n Nugwnui lo, wo n wyewyeyii lo; zahozahoyi n wo to n Shekwoyi Nugwnui lo m, wo to n wyewyeyii lo m.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Ntuge Shekwoyi ɓə ye n anyìi n mwa, kwa zhni wo waa əwo Nugwnu mamai ɓyigba ga, nabai əzadəhodəhoyi n wo ga wo gaiciya, n wo to ɓə ɓwu m, ama woi ɓwa wyewyeyi nyalonyalo nya.
Ntuge n ɓwasnu shi Dada kwú azafyí kala n əfyi, woi ga ɓa wyewyeyi nyi, nlonu n Nugwnu ga zahozahoyi wyewyeyi n kwa da wo, nge wo ga wo. Ntuge Dada ta da zaho owa m, ama wo kwu owada vnyanya yafyi n Nugwnu akwnu, nabai aza vnyanya ɓa ga Nugwnu mwamwa ngye shi ɓa ga Dada mwamwa nyi. Əzadəhodəhoyi n wo to ga Nugwnu mwamwa m, wo too ga Dada mwamwa n wo ɓə tnu n woi nyi m.
Ɓəhnihni əmi nu gna fye, əsa ɓe lo jesnu nsaiye kwo la ɓe, əsa n afyífyiyi ɓə wo Shekwoyi Nugwnu bəgye; aza n ɓá wo, ɓa ɓə ɓwa wyewyeyi. Ntuge shi Dada n wyewyeyii lo dna n əwohni nyi, nlonu, wo la kwo ga Nugwnu cè wa ɓwa wyewyeyi dna n əwohni.
Dudulonu əɓa vnyanya ń ɓa ɓə la wo gwo, aza yi ń ɓa ɓə kwu gaiciyaga dna n əwo əye, wa ga ɓa ikwo ɓá kwu zhni Shekwoyi aɓyi; aɓyi ń a to ɓə ma ɓa fyi n nayi zokwo, kwo n zanugbayi ɓəye m, ama a ɓə ma ɓa fyi n Shekwoyi nu.
A lá mi znudu n kwnusnu n Kirisitii, əmi nu to ye gyianyì m, ama Kirisiti nu gyianyì dna nsaiye n əmi. Anyìgyi ń mi gyi dna ń nayi nsaiye nyi, mi gyi ɓa dna n gaiciyai ga nu dna n Shekwoyi Nugwnu, əwo n wo ɓə ye mi, wa ga əwohni tukwo ntu əmi ɓo nyi.
Ama shi əsa n a ɓə ncei shi nyi kwo ɓə la si cimcim, Shekwoyi wa tnu n əwo Nugwnui, nyikwoza wa ma wo. A ma wo dna n owa ɓwashi cala, wa shna aza yi n ɓa fyi n owa, nabai n a ɓa gwo ɓa fyi ge anugwnu ashishiyi. Ntuge fye zhni əwo anugwnu nu, Shekwoyi ɓə la tnu n əwo Nugwnu Zafnui fyi n əyi adu, Zafnu n wo yi, "Abba, Dada."
Ntuge ngye əsa ń yi ɓə ye zhni Shekwoyi anuwnuyi, a ɓə la yi je yeɓədo n woi ntu əwo Nugwnu əfyi ɓo. To, nsayi, shi a la yi je yeɓədo nyi, yi ɓaa gna gnyignyi ɓwaɓwa nu dna n əwo wyewyeyi!