Filhos de Deus

12 Bale, azü nɔ̂ ə̂në əndje yîndə əpʉ ye nə â zâ lɔsu əndje kə ətshə kɔ, tshə zâ äwä kə əndje ndə kə pa əndje do tə̂ əndje tə aneshe nə̂ Ndjapä. 13 Əndje zû əndje zû tə̂ äwä ə̈ndjï, wala tə̂ äwä əgo əndu əzü wala tə̂ äwä ərə ə̂në tshelə əzü kə yində nə kɔ ne, bale əndje zû əndje tə̂ äwä Ndjapä.

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

31 Bale, aərə sə̂ ə̂në əndje tâ əpʉ nə kɔ, ə sə ndə kə pa e yində nə də lɔsu e ə pa Jezu sə tə Kristə nə, tə Ɨrɨ Ndjapä, â tə̂ äwä kə yində nə də lɔsu e nə, e sə də sorô də əɨrɨ ye.

26 Mbrə ə̂në e sə nɔ̂ tə aləvu Ndjapä tə̂ äwä əpʉ lɔsu e lə Jezu Kristə nə. 27 Djatra əpʉ, e-e nɔ̂ ə̂në e zâ batamo də əɨrɨ Kristə nə gâ ye kɔ, e yî Kristə nə gâ tə̂ e gâ ye.

4 Bale, ə̂në alɔ nə lî gâ ye kɔ, Ndjapä nə wlâ Ɨrɨ nə, ə̂në yashe kə zû ətshə, tshekudu âgbɔ̂ əpʉ nə̂ Mayïzə kɔ, 5 ndə kə pa tshə tshɔ azü ə̂në əndje sə tshekudu âgbɔ̂ əpʉ nə kɔ, kanika əzə̂ do tə̂ əzə̂ tə aləvu Ndjapä.

7 Rəkɔ, bə sə sə kwatə̂zə tə kanga ne, bale, bə sə tə ɨrɨ nə; â kədə bə sə tə ɨrɨ nə, Ndjapä ə ko aərə ə̂në tshə gâmba mbrə aləvu nə kɔ kə əbə je ndje.

14 Mbrə ə̂në azü nɔ̂ ə̂në Yîrə̂ nə̂ Ndjapä nə sə kə yisə̂ äwä kə əndje kɔ sə tə aləvu Ndjapä nə. 15 Mbrə ə̂në ə də̂ yîrə̂ kə mbrə e tə akanga, ə̂në ə daka pə kə mbrə awa gâ lə e kɔ, də̂ e sɔ̂tə̂ nə kɔ ne, bale e sɔ̂tə̂ Yîrə̂ ə̂në tshə mbrə̂ e tə aləvu Ndjapä gâ ye kɔ, ə̂në tə̂ äwä ye a sə kə ta râwâ tə̂ Ndjapä ə pa: «Abba! Abä!» kɔ.

16 Yîrə̂ nə də ə̂tə̂ ye sə kə pa əpʉ kə yîrə̂ əzə̂ ə pa a sə tə aneshe nə̂ Ndjapä.

8 Âdâ əpʉ sə̂ kə də̂: ə də̂ aneshe ə̂në əndje zû əndje lə əzü tə̂ əndje kɔ də̂ kə sə tə aneshe nə̂ Ndjapä nə ne; kʉtə̂ aneshe ə̂në əndje zû əndje Lïndə̂ əpʉ ə̂në Ndjapä nə zâ ama də nə kɔ kə sə tə djatra aneshe nə̂ ye nə.

1 E wü marä tə̂ kə yində əzə̂ ə̂në Abä yîndə əzə̂ kɔ, ndə kə pa tshə e əzə̂ tə aneshe nə̂ ye kɔ, â tə̂ banda əpʉ, a sə tə aneshe nə̂ ye nə! Mbrə nə, tshepashɔ wusə̂ əzə̂ wu ne, mbrə ə̂në ə wûsə̂ Ndjapä nə wû ne.

10 Ərə ə̂në ə sə kə yisə̂ aneshe nə̂ Ndjapä nə də aneshe nə̂ djablo nə gashu kɔ kə səke: əzü nɔ̂ ə̂në tshə sə sə kə mbrə ərə də äwänə ne kɔ, tshə sə sə tə əzü nə̂ Ndjapä nə ne, gâ ndə əzü ə̂në tshə yində aye nə yi ndje ne kɔ.

9 Ənə̂ əndje tə ə̂rɔ̂nə,

azü ə̂në əndje sə kə ma ndə kə pa blatshe sə lə takpa tə̂ azü kɔ,

mbrə ə̂në əndje e əndje tə aləvu Ndjapä je!

15 Bale, Jezu yû əndje ə pa: «Ka ənə̂ e, e pa mə sə tə əde?» 16 Shemɔ Piarə kîrə əpʉ ə pa: «Əbə, bə də̂ Kristə, Ɨrɨ Ndjapä ə̂në tshə sə tə sorô kɔ.» 17 Jezu zâ əpʉ ə pâ kə ətshə ə pa: «Ənə̂ zə tə ə̂rɔ̂nə, Shemɔ, ɨrɨ Zââ. Əpʉ ə̂në bə pâ kɔ, ə də̂ əzü də̂ kə yisə̂ nə gashu kə əbə kɔ ne, bale, Abä əmə ə̂në tshə sə mâ lafɔ kɔ kə yisə̂ nə kə əbə kɔ.

7 Mbrə kə yisə̂ ərə kə e də̂ e wu əyo kɔ. Ndjapä sə kə mbrə tə̂ e rə tə aləvu nə. Ɨrɨ əde də̂ abä nə da ətshə da ndə kə yisə̂ äwä kə ətshə ne? 8 Kədə Ndjapä kə da e da mata aləvu nə nɔ̂ ndə kə yisə̂ äwä kə e ne kɔ, e sə sə tə djatra aləvu nə ne, bale e sə tə aneshe tsheshu.