Filhos
Os filhos são herança do Senhor — bênção e responsabilidade sagrada. A Bíblia orienta sobre a criação dos filhos com amor, disciplina e instrução nos caminhos de Deus.
Herança do Senhor
Os filhos são herança do Senhor e o fruto do ventre é seu galardão. Bem-aventurado o homem que enche deles a sua aljava.
देखो, बच्चे प्रभुए रा दित्तेया दा पाअग ए,
गर्भो रा फल प्रभुए रिया तरफा ते दित्तेया रा प्रतिफल ए।
जवानिया रे पैदा ऊईरा पाऊ वीरो रे आथो रे तीरो जेड़ा ओआ।
से माणूं बऊत ई तन्य ए जेसगे एड़े कई तीर ए।
न्याय रिया जगा पाँदे आपणे दुश्मणा ते मिलदे ऊए से कदी आरना नि।
तन्य ए से जो यहोवे रा आदर करोए,
जो तेसरिया आज्ञा रे मुताबिक जीवन बताओए।
तां आपणे आथो रिया मईणता री कमाई खाणी;
तूँ सुखी ऊणा ओर तेरा पला ई ऊणा।
तेरे कअरो रे पीतरे तेरी लाड़ी फल़ ल्याऊणे वाल़ी अंगूरा री बेला जेड़ी ऊणी;
तेरे खाणे रे मेजो रे चऊँ कनारे जैतूनो रे पौधे जेड़े तेरे बाल़क ऊणे।
देखो, जो माणूं प्रभुए रा डर मानोआ,
तेस एड़ी ई आशीष पाणी।
तन्य ए से जो यहोवे रा आदर करोए,
जो तेसरिया आज्ञा रे मुताबिक जीवन बताओए।
तां आपणे आथो रिया मईणता री कमाई खाणी;
तूँ सुखी ऊणा ओर तेरा पला ई ऊणा।
तेरे कअरो रे पीतरे तेरी लाड़ी फल़ ल्याऊणे वाल़ी अंगूरा री बेला जेड़ी ऊणी;
तेरे खाणे रे मेजो रे चऊँ कनारे जैतूनो रे पौधे जेड़े तेरे बाल़क ऊणे।
म्हारे माठे जवानिया रे बखते पौधेया जेड़े बढ़े रे ओ
ओर म्हारिया बेटिया तिना कुणे वाल़े खम्बेया जेड़िया ऊई जाओ,
जो मईलो खे बणाए जाओए;
तेसरा वंश देशो दे महान ऊणा;
सच्चे माणूंआ री ल्वादा परमेशरो ते आशीष पाणी।
ओर परमेशरे तिना खे आशीष देंदे ऊए बोलेया, "फल़़ो-फूलो ओर तरतिया रे परी जाओ ओर तरतिया खे आपणे वशो रे करी लो ओर समुद्रो रिया मछलिया, सर्गो रे पंछी ओर तरतिया पाँदे सारे लूरने वाल़े जन्तुआ पाँदे अक्क राखो।"
तन्य ओ तेरी ल्वाद,
तेरी जमीना री फसल,
गाय, पेड, बाकरिया रे बच्चे।
तूँ सारे देशा रे लोका बीचे जादा आशीषित ऊणा, तां बीचे ना तो कोई जवाणस, ना कोई मर्द बिना वंशो ते ऊणे ओर तेरे डांगरा बीचे बी एड़ा कोई नि ऊणा।
Instruir e disciplinar
Instrui a criança no caminho em que deve andar, e quando envelhecer não se desviará dele. Disciplina é amor em ação.
बाल़का खे सखाओ कि तिना किंयाँ जिऊणा चाईयो,
ओर सेओ इजी खे आपणियां पुरिया जिन्दगिया दे याद राखणा।
बच्चेया रा सबाओ ई मूर्खा जेड़ा ओआ,
पर जे तुसे तिना खे सजा देओए तो तिना मूर्खता रा काम करना बंद करी देणा।
जो बाओ आपणे बच्चेया खे खरी शिक्षा नि देंदा, से आपणे बच्चेया रा बैरी ए,
पर जो तेस साथे प्यार राखोआ, से जिऊए ते तेसखे शिक्षा देओआ।
जेस बच्चे रे माये-बाओ तेसखे डण्डे री बाओए ओर चिड़को ए से ज्ञानी बणी जाओआ,
पर जेस बच्चे खे ईंयाँ ई छाडी देओए, से आपणी माया खे शर्मा री बजा बणोआ।
बच्चेया खे सुदारने रिया तँईं तिना खे थिड़कदे रणा,
कऊँकि जे तूँ तेसखे डण्डे साथे बाएगा तो से नि मरना बल्कि तां से बुराईया ते बचाणा।
ओ मेरे बच्चेयो, आपणे बाओ रिया शिक्षा खे त्यानो साथे सुणो,
ओर मन लगाई की समजो।
बच्चेया रा अक्लमंद ऊणे ते तिना रे बाओ खे खुशी मिलोई,
पर मूर्ख बच्चेया रिया बजा ते तिना रिया माया खे दु:ख ओआ।
यो आज्ञा जो आऊँ आज ताखे सुणाऊँआ सेयो तुसे सदा याद राखणियां। ओर तैं यो आपणे बाल-बच्चेया खे समजयाई की सिखाणियां ओर कअरे बैठे रे, बाटा रे चलदे, लेटदे, उठदे इना री चर्चा करदे रणा।
O amor de Deus por crianças
Deixai vir a mim as crianças. Jesus acolheu, abençoou e honrou as crianças como modelo de fé e humildade.
यीशुए ये देखी की तिना खे रोषो रे बोलेया, "बाल़का खे मांगे आऊणे देओ और तिना खे ना नि करो, कऊँकि परमेशरो रा राज्य एड़े रा ईए।
तो तेबे तुसे बुरे ऊई की आपणे बच्चेया खे खरी चीजा देणा जाणोए, तो तुसा रे स्वर्गिय पिते आपणे मांगणे वाल़ेया खे अच्छी चीजा कऊँ नि देणियां?
यीशु बुद्धि और डील-डौल, परमेशर और माणूंए री कृपा रे बढ़दे गये।
जेड़ी दया बाओ आपणे बाल़का पाँदे करोआ,
प्रभु बी आपणे पग्ता पाँदे तेड़ी ई दया करोआ।
जरा सोचो तो सई कि पिता परमेशरे आसा ते केड़ा प्यार कित्तेया कि आसा खे परमेशरो री ल्वाद बोलो और सच्ची आसे तेसरी ल्वाद आए बी। पर जो लोक दुनिया रे ए से नि जाणदे कि आसे परमेशरो री ल्वाद ए, कऊँकि सेयो पिता परमेशरो खे बी नि जाणदे।
Bênção e promessa
O Senhor te abençoe e te guarde. Os filhos dos justos serão abençoados e suas gerações caminharão na retidão.
यहोवा ताखे आशीष देओ
ओर तेरी रक्षा करो
यहोवा तां पाँदे आपणे मुंए रा तेज चमकाओ
ओर तां पाँदे दया करो:
यहोवा तेरी पलाई करो,
ओर ताखे शान्ति देओ।"
परमेशर ताखे सर्गो ते पाल़ा,
ओर जमीना री खरिया ते खरी फसल,
ओर बऊत सारा नज्ज ओर नया शराब देओ;
दुनिया रे प्रदेशो रे लोक तेरे अधीन ओ
ओर हर जातिया रे लोक तांगे माथा टेको;
तूँ आपणे पाईया रा मालक ओ
ओर तेरी आम्मा रे पाऊ तांगे माथा टेको।
जो ताखे स्राप देओ, से आपू ई स्रापित ओ,
ओर जो ताखे आशीर्वाद देओ, से आशीष पाओ।"
कऊँकि त्याये लोका रिया तँईं मा पाणी बरसाणा। सूकिया जमीना दे खाड्डा बाह्णियां, मां तेरे बच्चेया पाँदे आपणी आत्मा ओर तेरी ल्वादा पाँदे आपणी आशीष लटणी। बच्चे तिना बियूँसा रे डाल़ा जेड़े बढ़ने जो पाणिए कनारे काओ बीचे ओए।"
तेरे सारे बच्चे यहोवे रे सिखाए रे ऊणे ओर तिना खे बऊत शान्ति मिलणी।
"आपणी माया रे गर्भो दे बणने ते पईले ई आऊँ ताखे जाणूंआ ओर पैदा ऊणे ते पईले ई मैं तेरा अभिषेक कित्तेया, मैं तूँ जातिया रा भविष्यबक्ता ठराया।"
इस्राएल ओर यहूदा रे लोक मेरे आपणे लोक ऊणे ओर आऊँ तिना रा परमेशर ठईरना। मां तिना रा एक मन ओर तिना री एक चाल करी देणी, ताकि सेयो सदा मेरा डर मानदे रओ, जेते कि तिना रा ओर तिना ते बाद तिना रे कराने रा बी पला ओ।
मेरे मनो रा स्वामी तो तूँई ए,
मेरिया माया रे गर्भो रे तैंई आँऊ बणाई राखेया।
मां तेरा तन्यवाद करना, कऊँकि आऊँ खतरनाक ओर अद्भुत तरीके रे रची राखेया।
तेरे काम कितणे अचम्बे रे ए ओर आऊँ इजी खे ठीक-टंगो रे जाणूंआ।
जेबे मेरी आड्डिया बणने लगी रिया थिया, तो त्यानो साथे आपणियां माया रे पेटो दे राखणे लगी रे थे,
जेबे आऊँ तेती गुप्त रूपो दे बढ़ने लगी रा था, तो तुसे जाणो थे कि आऊँ तेती था,
तेरिये आखी मेरा बांगा-टेडा शरीर बणदा देखेया
ओर मेरे सारे अंग जो हर दिन बणदे जाओ थे,
सेयो रचे जाणे ते पईले, तेरिया कताबा रे लिखी राखे थे।
आऊँ जन्मो तेई तांगे सम्बाल़ी ता था,
माया रे गर्भो तेई तूँई मेरा परमेशर रया।
आऊँ बचपनो ते लई की स्याणदे बखतो तक देखदा आई रा;
प्रभुए ना तो कदी कोई तर्मी माणूं छाडेया
ओर ना ई तेसरी ल्वाद पीख मांगदे ऊए देखी।
तर्मी माणूं तो सदा दया करी की कर्ज देओआ
ओर तेसरा वंश आशीषा रा जरिया बणोआ।
प्रभुए रा गुणगाण ओर तेसरी सामर्थ ओर अचम्बे रे काम जो तिने कित्ते,
सेयो आसा तिना री ल्वादा ते गुप्त नि राखणे
बल्कि आऊणे वाल़िया पीढ़िया रे लोका गे तिजी रा बखाण करना।
स्याणेया री शोभा तिना रे पोते-दोईतेया ते ओई,
ओर बाल-बच्चेया री शोभा तिना रे माये-बाओ ए।
तर्मी जो खराईया ते चलदा रओआ,
तेसते बाद तेसरे बाल-बच्चे भाग्यशाली ओए।
Criação e obediência
Pais, criai vossos filhos na disciplina e instrução do Senhor. Filhos, obedecei a vossos pais — isto é justo e agradável a Deus.
ओ बाल़को, आपणे माया-बाओ रे आज्ञाकारी बणो, एड़ा करना तुसा खे पला ए कऊँकि तुसे प्रभुए रे ए। "आपणे माया-बाओ रा आदर करो।" ये एड़ी पईली आज्ञा ए जेते साथे वादा बीए। से वादा ये ए कि, "कि तेरा पला ओ और तूँ तरतिया पाँदे बऊत दिनो तक जिऊँदा रओ।"
ओ बाल-बच्चे वाल़ेयो! आपणे बच्चेया खे रिस नि देओ, पर प्रभुए री शिक्षा और चेतावणी देंदे ऊए, तिना खे पाल़ो-पोषो।
ओ बाल़को! सबी गल्ला रे आपणे-आपणे माया-बाओ री आज्ञा रा पालण करो, कऊँकि प्रभु इजी ते खुश ओआ।
ओ बाल-बच्चेया वाल़ेयो! आपणे बाल़का खे तंग नि करो, एड़ा नि ओ कि तिना रा सब्र टूटी जाओ।
तैं आपणे माये बाओ री इज्जत करनी ताकि जो देश तेरा परमेशर यहोवा ताखे देओआ, तेते देशो रे तूँ बऊत दिनो तक जिऊँदा रई सके।
तुसे दु:खो खे पिते री डांट समजी की सयी लो। परमेशर तुसा खे पाऊ समजी की तुसा साथे बर्ताओ करोआ। से कुण जा पाऊ ए जेसरी ताड़ना पिता नि करदा? से ताड़ना जो सबी खे मिलोई, जे तेसखे नि मिली री ओ, तो तुसे परमेशरो रे असली पाऊ निए।
और जे केसी बिदुआ रे बच्चे या दोईते-पोते ओ, तो सेयो पईले आपणे ई कराने साथे आपणी जिम्मेबारी नबाई की परमेशरो रा भग्त ऊणा सीखो और आपणे माए-बाओ री देखपाल़ करी की कर्ज चुकाओ। कऊँकि परमेशरो खे येई अच्छा लगोआ।
जेबे जवाणस बच्चा पैदा करने लगोई, तो तेसा खे पीड़ ओई, कऊँकि तेसा रे दु:खो री कअड़ी आयी पऊँछोई, पर जेबे से बाल़क जम्मी चुकोई, तो तेबे एसा खुशिया साथे कि दुनिया रे एक माणूं पैदा ऊआ, तेस दु:खो खे फेर याद नि करदी।
तेबे यहोवे आसा सबी खे बोलेया, "तेबे तुसा रे बाल-बच्चे जिना रे बारे दे तुसे बोलोए कि यो लूटा रे चली जाणे ओर तुसा रे बाल-बच्चे जो खरे-बुरे रा पेत नि जाणदे, सेयो तेती जाणे ओर तिना खे मां से जमीन देणी ओर सेयो तेथो रे अक्कदार ऊणे।