1 तन्य ए से जो यहोवे रा आदर करोए,

जो तेसरिया आज्ञा रे मुताबिक जीवन बताओए।

2 तां आपणे आथो रिया मईणता री कमाई खाणी;

तूँ सुखी ऊणा ओर तेरा पला ई ऊणा।

3 तेरे कअरो रे पीतरे तेरी लाड़ी फल़ ल्याऊणे वाल़ी अंगूरा री बेला जेड़ी ऊणी;

तेरे खाणे रे मेजो रे चऊँ कनारे जैतूनो रे पौधे जेड़े तेरे बाल़क ऊणे।

4 देखो, जो माणूं प्रभुए रा डर मानोआ,

तेस एड़ी ई आशीष पाणी।

5 प्रभु ताखे सिय्योनो ते आशीष देओ

ओर तूँ सारी जिन्दगी यरूशलेमो री बढ़ोतरी देखदा रये!

6 बल्कि तूँ आपणे दोईते-पोतेया खे बी देखी सके!

इस्राएलो पाँदे शान्ति बणी दी रओ!