1 ओ परमेशर, तूँ माखे आपणी महान शक्ति,

ओर आपणे महान प्रतापो रे जरिए माखे बचा ओर आजाद करी लो।

2 ओ परमेशर, मेरी प्रार्थना सुणी लओ;

मेरे वचना रिया तरफा खे त्यान लगा।

3 कऊँकि कमण्डी लोक मां पीछे पड़ी रे,

सेयो दुष्ट माणूं माखे काणा चाओए,

सेयो परमेशरो रा कोई आदर नि करदे। सेला

4 पर परमेशर मेरी मताद करने वाल़ा ए;

यहोवा मेरी रक्षा करने वाल़ा ए।

5 परमेशरो मेरे बरोदिया री बुराई तिना पाँदे ई वापस करी देणी।

ओ परमेशर, तूँ आपणी सच्चाईया ते तिना रा सत्यानाश कर।

6 ओ यहोवा, मां खुशिया साथे ताखे बलिदान चढ़ाणा;

मां ताखे तन्यवाद देणा कऊँकि तूँ पला ए।

7 तैं आऊँ सारे दु:खो ते छुड़ाई राखेया

ओर मैं आपणियां आखी ते आपणे दुश्मणा खे आरदे ऊए देखी राखेया ए।