तन्यवादो रा पजन
बजाणे वाल़े परदानो रिया तँईं तारा वाल़े बाजे साथे पजन, गीत
1 ओ परमेशर आसा पाँदे दया करो
ओर आसा खे आशीष देओ;
तूँ आसा पाँदे आपणे मुंए रा प्रयासा चमका। सेला
2 ताकि पूरी दुनिया रे लोक तेरी इच्छा जाणी लो;
ओर सबी जातिया रे तेरे उद्धारो खे जाणी लो।67:2 लूक 2:30,31, तीतुस. 2:11
3 ओ परमेशर, देशो-देशो रे लोक तेरी सराईणा करो;
देशो-देशो रे सब लोक तेरी सराईणा करो।
4 दुनिया रे राज्य-राज्य रे लोक खुशी मनाओ
ओर जयजयकार करो; कऊँकि तां दुनिया रे देशा रे लोका रा न्याय निष्पक्षता साथे करना
ओर तरतिया रे राज्य-राज्य रे लोका खे सई बाट बताणी। सेला
5 ओ परमेशर, दुनिया रे देशो-देशो रे लोक तेरी सराईणा करो,
दुनिया रे देशो-देशो रे सब लोक तेरी सराईणा करो।
6 आसा रिये जमीने खरी फसल पजाई राखी, ओर परमेशर,
जो आसा रा परमेशर ए, तिने आसा खे आशीष देई राखी।
7 परमेशरो आसा खे आशीष देणी
ओर तरतिया रे दूर-दूर देशो रे लोका तेसरा आदर करना।