माणूंआ री मूर्खता ओर दुष्टता
बजाणे वाल़े रे परदानो रिया तँईं दाऊदो रा पजन
1 मूर्खे आपणे मनो रे बोलेया, "कोई परमेशर अया ई नि,"
सेयो बिगड़ी गे, तिने बुरे काम कित्ते,
एड़ा कोई पनिए जो पलाईया रा काम करो।
2 यहोवे स्वर्गो ते माणूंआ खे देखेया
कि देखूँआ कि कोई समजदार,
परमेशरो री आराधना करने वाल़ा अए कि नई।
3 सेयो सारे के सारे पटकी गे, सब प्रष्ट ऊईगे,
एड़ा कोई पनिए जो पलाईया रा काम करो।14:3 रोमी 3:10,11
4 क्या सेयो बुरे लोक कदी नि सीखणे कि परमेशर तिना खे सजा देणे रिया तँईं क्या करी सकोआ?
सेयो यहोवे रे लोका रे खलाफ चगड़े रा काम करोए,
जबकि से जो खाणा देओआ तेस खाओए,
ओर कदी बी यहोवे ते प्रार्थना नि करदे।
5 पर एक दिन एड़ा आऊणा कि सेयो बऊत डरने,
कऊँकि परमेशर आज्ञा मानणे वाल़े तर्मी लोका बीचे हमेशा रओआ।
6 बुरा काम करने वाल़े हमेशा ईमानदार लोका रे खलाफ बुरी योजना बणओए,
पर यहोवा आपणे लोका री रक्षा आपू करोआ।
7 मेरी इच्छा ए कि यहोवा यरूशलेमो ते आऊणा आसा इस्राएली लोका खे बचाणे!
ओ यहोवा, जेबे तुसे आपणे लोका खे फेर आशीर्वाद देओए,
तो आसे सारे इस्राएली लोक,
जो याकूबो रे कुलो रे, खुश ऊणे।14:7 पजन 53:6; लूक 1:69