एक खरे माणूंए री प्रार्थना
दाऊदो रा पजन
1 ओ यहोवा, मेरा न्याय कर,
कऊँकि मेरा चाल-चलण निर्दोष ए;
ओ यहोवा, तां पाँदे मैं परोसा जो करी राखेया ओर से पक्का ए।
2 ओ प्रभु, माखे जांच ओर परख;
मेरे मन ओर मेरे दिलो खे परख।
3 तेरी करूणा तो मेरिया आखी सामणे ए
ओर आऊँ तेरी सच्चाईया पाँदे चलदा आई रा।
4 आऊँ चूठ बोलणे वाल़ेया साथे नि बैठेया
ओर ना ई मां कपटिया री संगति करनी,
5 आऊँ बुरेया लोका रिया संगतिया ते कृणा करूँआ
ओर ना ई मां दुष्टा साथे बैठणा।
6 मां आपणे आथ निर्दोषो रे पाणिए साथे तोणे,
तेबे ओ प्रभु, मां तेरी बेदिया री प्रदखणा लणी।26:6 पजन 73:13
7 ताकि तेरा तन्यवाद जोरे की करुँ
ओर तेरे सारे अचम्बे रे कामा रा बखाण करुँ।
8 ओ प्रभु, आऊँ प्यार करूँआ तेस मईलो ते से जो तेरा धाम ए;
तेसा जगा ते जो तेरी महिमा री रणे री जगा ए।
9 हे यहोवा, मेरी मौत पापी माणूंए जेड़ी नि ओ,
ओर मेरी जिन्दगिया खे अत्यारेया साथे नि मिला।
10 सेयो तो बुरे काम करने दे लगे रे रओए
ओर हमेशा रिश्वत लणे खे त्यार रओए।
11 पर आऊँ तो खराईया साथे चलूँआ।
तूँ माखे छुड़ाई लओ ओर मां पाँदे दया कर।
12 आऊँ सबी खतरेया ते बचेया दा ए,
मां पग्ता रिया सभा रे प्रभुए री स्तुति करनी।