1 मूर्खे आपणे आपू ते बोलोआ, "कोई परमेशर अया ई नि।"

सेयो प्रष्ट ऊईगे रे, तिने बुरे घिनौने काम करी राखे;

एड़ा कोई पनिए, जो पलाईया रे काम करो।

2 परमेशरे स्वर्गो ते माणूंआ पाँदे नजर दित्ती,

ताकि देखो कि कोई एड़ा माणूं अया कि जो समजा साथे काम करोआ

या परमेशरो खे टोल़ोआ।

3 पर सब माणूं परमेशरो रिया बाटा ते अटी गे रे;

सारे एक जेड़े प्रष्ट ऊईगे;

एड़ा कोई पनि ए जो पलाई करो,

एक बी नि ए।*

4 परमेशरे पूछेया, "क्या सेयो नि जाणदे? क्या सेयो बुरे काम करने वाल़े नासमज ए? सेयो मेरेया लोका खे लूटी की जिऊणे लगी रे,

ओर सेयो मां परमेशरो ते प्रार्थना पनि करदे।"

5 पर तुसे पईले ते जादा डरे दे ऊणे। परमेशरो आपणे दुश्मणा रिया आड्डिया ओरे-पोरे सेटी देणियां,

ओर जेबे परमेशरो तुसे ठुकराणे, तेबे तुसे बदनाम ऊई जाणे।

6 पला ऊँदा जे सिय्योनो ते इस्राएलो रा पूरा उद्धार निकल़दा!

जेबे परमेशरो आपणे लोक बंधुआईया ते वापस लई आऊणे,

तेबे याकूब मगन ओर इस्राएल खुश ऊणा।