1 ओ यहोवा, मैं बऊत पारी मुसीबता रे बखते ताखे आका पाईया!

2 ओ प्रभु, मेरी पुकार सुण!

तेरे कान मेरे मतादा रिया तँईं पुकारने रिया तरफा खे त्यानो साथे लगे रे रओ!

3 ओ यहोवा, जे तुसे म्हारे पापा रा लेखा-जोखा राखोए,

तो दोषी ठराणे ते कुण बचाई सकोआ?

4 पर तूँ माफ करने वाल़ा ए,

ताकि आसे तेरा आदर करिए।

5 आऊँ बेसब्रिया ते यहोवे रिया मतादा री बाट देखदा रऊँआ,

ओर तेसरे वचना पाँदे माखे परोसा ए।

6 प्याग ऊणे रा इन्तजार करने वाल़े पईरेदारो ते जादा, आ,

प्याग ऊणे रा इन्तजार करने वाल़े पईरेदारो ते जादा मेरा प्राण प्रभुए रा इन्तजार करोआ।

7 ओ इस्राएल, प्रभुए पाँदे उम्मीद लगाई की राख!

कऊँकि प्रभु करूणा करने वाल़ा ओर पुरिया तरअ ते छुटकारा देणे वाल़ा ए।

8 यहोवे इस्राएलो रे लोक तिना रे बुरे कामा ते बचाणे।*