पजन 124

परमेशर आपणे लोका री रक्षा करने वाल़ा

दाऊदो री यात्रा रा गाणा

1 जे यहोवा आसा रिया तँईं नि लड़दा ऊँदा, तो क्या ऊँदा?

इस्राएलो रे लोको, एबे ज्वाब देओ

2 जे प्रभु तेस बखते म्हारी तरफा खे नि ऊँदा

जेबे म्हारे दुश्मणे आसा पाँदे अमला कित्तेया,

3 तो तिना तेसी बखते आसे जिऊँदे ई खाई जाणे थे,

जेबे तिना रा गुस्सा आसा पाँदे पड़केया था।

4 आसे तेस बखते ई पाणिए रे डूबी जाणे थे

ओर पाणिए रिया छालिया साथे हड़ी जाणे थे;

5 ओर उछल़दे पाणिए बीचे आसे तेसी बखते हड़ी जाणे थे।

6 आओ आसे यहोवे रा तन्यवाद करूँए,

जिने आसे म्हारे दुश्मणा रा शकार ऊणे नि दित्ते!

7 चीड़ीमारो रे जाल़ो ते छूटे रे पंछिए जेड़े म्हारे प्राण बची गे;

तिना रा जाल़ फटीगा ओर आसे बची की निकल़ी गे!

8 प्रभु जो सर्ग ओर तरतिया खे बनाणे वाल़ा ए,

म्हारी मताद तेसरे ई नाओं ते ओई।