1 ओ परमेशर, मेरा न्याय कर ओर पापी लोका साथे मेरा मकद्दमा लड़;

माखे चूठ बोलणे वाल़े ओर बुरे माणूंआ ते बचा।

2 कऊँकि ओ परमेशर, तूँई मेरी शरण लणे री जगा ए, तैं आऊँ कऊँ छाडीता?

मेरेया दुश्मणा रे अत्याचारो रिया बजा ते माखे लगातार कऊँ दु:ख सईणा पड़ोआ?

3 तूँ माखे आपणी जोति ओर सच्चाईया खे पेज; ताकि तेतेरे जरिए आऊँ तेरे पवित्र पाह्ड़ सिय्योन ओर तेरे मन्दरो दे वापस पऊँची सकूँ जेती तूँ रएआ।

4 तेबे मां परमेशरो रिया बेदिया गे जाणा,

तेरी आराधना करनी, जो माखे खुश करोआ।

तूँ मेरा परमेशर आ ओर तेती मां तेरी तारीफ करनी। मां आपणियां बीणा साथे, परमेशर, तन्यवाद देणे रिया तँईं गाणा।

5 आऊँ दु:खी कऊँ आ? आऊँ बेचैन कऊँ आ? माखे तां पाँदे परोसा ए!

ओर मां फेर तेरी तारीफ करनी कऊँकि तूँ मेरी मताद करेया, ओर तूँ मेरा परमेशर ए। तूँ माखे बचाएआ।