पजन 70

मतादा रिया तँईं प्रार्थना

बजाणे वाल़े परदानो रिया तँईं : दाऊदो रा पजन, याद कराणे रिया तँईं।

1 ओ परमेशर, मेरा उद्धार कर,

ओ प्रभु, बिना देर कित्ते मेरी मताद कर!

2 जो माणूं मेरा प्राण लणे रिया टोल़ा रे ए,

तिना री बेज्जती कित्ती जाओ ओर सेयो कबराई जाओ!

जो मेरे नुकशाणो ते खुश ओए, सेयो पीछे टाए जाओ

ओर तिना रा नरादर कित्तेया जाओ।

3 जो मेरी बेज्जती करोए, सेयो दुश्मण बदनाम ऊणे चाईयो आपणियां आरी खे देखी की।

4 पर जितणे ताखे टोल़ोए, सेयो सारे तेरिया बजा ते खुश ओर आनंदित ओ

ओर जो लोक तेरे उद्धारो ते प्यार करोए,

सेयो लगातार ये बोलदे रओ, "परमेशरो री तारीफ ओ!"

5 पर आऊँ तो दु:खी ओर गरीब ए;

ओ परमेशर, चटचारे मेरी मताद कर!

तूँ मेरा मतदगार ओर छुड़ाणे वाल़ा ए;

ओ यहोवा, मेरी मताद करने दे देर नि कर!