पजन 98

परमेशरो री सच्चाईया रिया तँईं स्तुतिगान

पजन

1 यहोवे रिया तँईं नया गीत गाओ,

तिने आपणी शक्ति ओर तागती ते महान ओर अचम्बे रे काम

ओर बऊत बड़ी जीत ऊई

2 यहोवे सबी लोका खे दखाया कि तेसगे बचाणे ओर न्याय करने री सामर्थ ए,

3 यहोवे इस्राएलिया रिया तँईं आपणा उद्धार करने रा वादा पूरा कित्तेया,

देशो-देशो रे सबी लोका रिये आखी देखेया कि म्हारा परमेशर दया करने वाल़ा ए।*98:3 लूका 1:54, प्रेरित 28:28

4 ओ सारी तरतिया रे लोको, प्रभुए री जयजयकार करो;

जोशो साथे जयजयकार करो, ओर पजन गाओ!*98:4 यशायाह 44:23

5 बीणा बजांदे ऊए प्रभुए रा पजन गाओ,

बीणा बजांदे ऊए मीठिया आवाजा रे पजन सुणाओ।

6 तुरही ओर रड़सिंगे री आवाजा रे प्रभु राजे री जयजयकार करो।

7 समुद्र ओर तिजी बीचलिया सारिया चीजा;

दुनिया ओर तिदे रणे वाल़े खुशिया साथे बड़ी आवाज करो!

8 नदिया पाणिए रा शाद करो;

पाह्ड़ मिली की जयजयकार करो।

9 कऊँकि यहोवा तरतिया रा न्याय करने खे आऊणे वाल़ा ए।

तेस तार्मिकता साथे दुनिया रा

ओर सच्चाईया साथे देशो-देशो रे लोका रा न्याय करना।*98:9 प्रेरित 17:31