पाप ओर पापिया ते बचाव रिया तँईं प्रार्थना
दाऊदो रा पजन
1 ओ प्रभु, माखे गल़त काम करने री इच्छा ते ओर बुरेया लोका रिया दुष्टता दे शामिल ऊणे ते बचा।
आऊँ कदी बी तिना रिया पाट्टिया दे ईसा नि लऊँ।
2 मेरी प्रार्थना तां सामणे खुशबूदार तूप ओर मेरा आथ जोड़ना,
साँजके बखतो री नज्जो री बलि मानी जाओ!141:2 प्रकाशित 5:8, प्रकाशित 8:3,4, नसी 3:25,1 पत 3:6
3 ओ यहोवा, माखे गल़त गल्ला नि बोलणे दे;
मेरे ओठा री रखवाल़ी कर!141:3 याकूब 1:26
4 मेरा मन केसी बुरिया गल्ला रिया तरफा खे फिरने नि देया;
आऊँ बुरे काम करने वाल़े माणूंआ साथे, तिना रे बुरे कामा रे नि लगूँ
ओर आऊँ तिना रे स्वाद खाणे रिया चीजा बीचा ते कुछ पनि खाऊँ!
5 तर्मी लोक माखे सजा देओ ओर दया ते माखे बको, पर मां बुरेया लोका ते इज्जत कदी नि लणी,
कऊँकि आऊँ सदा तिना रे बुरे कामा रे खलाफ प्रार्थना करूँआ।
6 जेबे दुश्मणा रे शासक थाले सेटी देणे,
तो लोका मानी लणा कि मेरी गल्ल सच्ची थी।
7 लकड़िया खे जिंयाँ दाल़ी की छोटे-छोटे टुकड़ेया दे बाडेया जाओआ,
तिंयाँ ई तिना रिया आड्डिया दूजिया कब्रा रे नेड़े जमीना दे बखेरिया जाणिया।
8 पर ओ मेरे यहोवा, आऊँ तां पाँदे परोसा राखूँआ।
आऊँ तांते शरण चाऊँआ; माखे मरने नि दे!
9 जो फन्दा तिने मेरिया तँईं लगाई राखेया
तिजी ते ओर बुरे काम करने वाल़ेया रे जाल़ो ते मेरी रक्षा कर!
10 दुष्ट लोक आपणे जाल़ो रे आपू ई फसो,
पर आऊँ बची जाऊँ।