परमेशर म्हारी रक्षा करने वाल़ा ए
यात्रा रा गाणा
1 मां आपणियां आखी पाह्ड़ा रिया तरफा खे लगाणियां।
माखे मताद केथा ते मिलणी?
2 माखे मताद प्रभुए रिया तरफा ते मिलोई,
जो सर्ग ओर तरतिया खे बनाणे वाल़ा ए।
3 यहोवा तेरी रक्षा करने वाल़ा ए,
ओर से ना तो सऊणा ओर ना तूँ रूड़ने देणा।
4 देखो, इस्राएलो री रक्षा करने वाल़े खे ना तो नींजा रे टमके आऊणे,
ना ई से सऊणा। 121:4 यहोवा हमेशा जागदा ओर चौकस रओआ।
5 यहोवा म्हारी रक्षा करने वाल़ा ए,
से तेसा छाई जेड़ा ए जो आसा खे तूपा ते बचाओई।
6 ना तो दिने तूपा रे
ओर ना ई राती री चानणियाँ ते तेरा कोई नुकशाण ऊणा।
7 यहोवा से आ जो हर खतरे दे तुसा री देखपाल़ करोआ।
से तुसा रे जीवनो खे बचाई की राखोआ।
8 प्रभुए तेरे जाणे-आऊणे रे
तेरी रक्षा एबुए ते लई की सदा तक करदे रणा।