1 यहोवे री स्तुति करो! ओ यहोवे रे सेवको, स्तुति करो,

यहोवे रे नाओं री स्तुति करो!

2 यहोवे रे नाओं री स्तुति आजो ते लई की सदा तक ऊँदी रओ।

3 पूर्वो ते लई की पच्छमा तक,

यहोवे रे नाओं री स्तुति कित्ती जाओ।

4 प्रभु सारे देशा पाँदे महान ए

ओर तेसरी महिमा सर्गो ते बी ऊच्ची ए।

5 म्हारे परमेशर यहोवे जेड़ा कोई पनि ए।

से तो ऊच्चिया जगा पाँदे विराजमान ए,

6 पर से सर्ग ओर तरतिया पाँदे बी,

नजर करने खे चुकोआ।

7 से कंगाल़ा खे माट्टिया पाँदा ते

ओर गरीबा खे स्वाई रे टेरो पाँदा ते चकी की ऊच्चा करोआ।

8 ताकि तेसखे परदाना साथे,

मतलब आपणी प्रजा रे परदाना साथे बठयाल़ो।*

9 से बांझ जवाणसा खे बच्चेया री खुशी मनाणे वाल़ी माये बणाओआ।

यहोवे री स्तुति करो!