पजन 120

परमेशरो ते मतादा रिया तँईं प्रार्थना

यात्रा रा गाणा

1 आपणियां मुसीबता रे बखते मैं प्रभुए खे पुकारेया,

ओर तिने मेरी सुणी ली।

2 ओ यहोवा, तूँ मांते चूठ बोलणे वाल़े माणूं,

ओर छल करने वाल़े माणूंए ते बचाई की राख।

3 ओ छल करने वाल़े माणूंओ, यहोवे तुसा साथे क्या करना?

तुसा खे तेस किंयाँ सजा देणी?

4 तेस तुसा खे एक सिपाईए रे पईनेया तीरा ते,

ओर लाल-गर्म फेऊआ ते सजा देणी!

5 तुसा बीचे रणा मेशेको दे या केदारा जगा रेया लोका बीचे रणे जेड़ा बुरा ए।

6 आऊँ बऊत लाम्बे बखतो ते एड़े लोका साथे रऊँआ जो शान्तिया ते नफरत करोए!

7 आऊँ तो शान्ति चाऊँआ;

पर मेरे बोलदे ई, सेयो लड़ना चाओए!