1 मेरी शरण परमेशर ए।

तेबे मां साथे मत बोल कि माखे पंछिये जेड़े पाह्ड़ो पाँदे उडणे री जरूरत ए।

2 कऊँकि देखो, दुष्ट आपणा धनुष चढ़ाओए

ओर आपणा तीर धनुषो री डोरिया पाँदे राखोए

ताकि सीदे मनो वाल़ेया माणूंआ पाँदे न्हेरे तीर चलाओ;

3 जेबे लोका खे नियम न मानणे रिया बजा ते सजा नि मिलदी;

तो तिदे तर्मी लोक क्या करी सकोए?

4 प्रभु आपणे पवित्र मईलो रे ए; प्रभुए रा सिंहासन स्वर्गो दे ए,

तेसरिया आखी माणूंए रिया ल्वादा खे सदा देखदिया रओईया

ओर तेसरिया पलका तिना खे परखो इया।

5 प्रभु तार्मिक ओर दुष्ट माणूंए खे परखोआ,

तेसरी आत्मा लड़ाई-चगड़े ते प्यार राखणे वाल़ेया लोका ते कृणा करोई।

6 तेस दुष्टा पाँदे आग ओर गन्धक बरसाणी

ओर चुल़सणे वाल़ी प्रचण्ड गर्मिया री लूआ ते तिना खे सजा देणी।

7 कऊँकि प्रभु तर्मी ए,

से तार्मिकता रेई कामा ते खुश रओआ;

तर्मी माणूंए तेसरा दर्शण पाणा।