3 Oosse Duuchchi Woddike Goottixxe uwwan;

tinni godobiinxi gumma isixxe eebban.

4 Dargageessummati i’linaaxxi labbaxxi oose

loliinke manjixxe anga’ni hedheeke gabetike mogidishshaten.

5 Konne Gabetike mogiduwwishsha hexxeexxa heddo labbaxxa oose

afeeke manijchchixxa wodo;

ifike naaphinni qachchiinke dalla’ixxe hula’n falamaa wodda isi shookabaan.

1 Duuchchi Woddika Gootta sodaataakeerixxa

ora isike’ninna me’aake manjixxa wodo.

2 Eloote alfitetteelcho itatton;

eebbisendatton; ati’anna qajeeldaan.

3 Are atixxi mine atik giddo gumma callixxe woyineshsha kaddaan;

oose atixxinna atixxe qoreke qarqara’ni ejersiinke golqishshaten.

4 Duuchchi Woddika Gootta sodaataak manj

iitta eebbisemaan.

1 Duuchchi Woddika Gootta sodaataakeerixxa

ora isike’ninna me’aake manjixxa wodo.

2 Eloote alfitetteelcho itatton;

eebbisendatton; ati’anna qajeeldaan.

3 Are atixxi mine atik giddo gumma callixxe woyineshsha kaddaan;

oose atixxinna atixxe qoreke qarqara’ni ejersiinke golqishshaten.

12 Labbaxxi no’oxxi oose dargageessummate’ni

elo qico kadee nophphammake hiddichchishsha kaddowwaal;

meyyaxxi no’oxxi oosenna mootummatika mine dancheessatee’e

bocemeemmake kasi kasiinke utuphuwwishsha kaddowwaal.

2 Horte isixxi bogi giddo hunna afe’eexxe kaddaan;

qajeeli mannixxi ila eebbisendaan.

28 Magenikinna insa’nee «Horre; butta duuchcha wo’me; ise’nna mowwe; abbaayya giddixxa qulxu’muwwa, iima phirrissaaxxa ci’annaa buttate’ni lubbo afe le’maachcho duuchcha mowwe» hiyye eebbise.✝

4 Duuchchi Woddik Gootti oose atixxa, boga atikixxa midha, laliinxa jabbe, gedhebiinxanna re’etixxa beltanna eebbisan.

14 Ardi duuchchi irra ati eebbisendattoni; atiki labbakinna meyyaki mannji yookaani hori atiki labbakinna meyaaki horabaaki hedhabaani.

6 Belto atika me’iyyo hasissaaka ora duuchcha iso’o baraachissi:

hedheeke baro duuchcha’ni isoo’o hordofa’ni hedhaan.

15 Oose hundaayyet haakito affe’en:

kutinxi gane kinn insa’ne’e hiissitaan.

24 Kutik belto ifika gana sodaataak belto ifika gibaaken,

belto ifika eyyaaki kinni xexe’achchoti xixaan.

15 Oose kutik gananna xixa muxxe kandaasha assitaan,

nossichcho ba’eeki belti kinni ildeenxa ama salphisaan.

13 Belto xixichcho waaldoxxe;

kutik gandeetexxe’e reyabaan.

1 Anxe oose! Anniinka gorsa laqqe;

dho’o hitine caqqassineexxi qalbeeffachchotanna alfe.

1 Solomoonka mammaassuwwa,

Muxxe belti anna gammachchiisa,

hawwawwi belti kinni amatee yaaddote ila.

6 Telcho ati’a uwwaanneka konnee ajajuwwa godoba galchedhi. 7 Atixxe oose’ninna barsiisi: mine atike’ni ofoldato woddanna: ora me’itatto wodda; diiphphatto woddanna kexxatto wodda konne ajajuwwixxe’e jabeesite barisiis.

14 Yessuusi tennee uudee mufateexxi ifixxa hordofeeyye hiyyee qici «Oose anibaa dagguuni: insa’nee hoyyitinoqqe’e: Mageniinxi mootumma iitta insa’neeshsha hedhakixxeni.

11 Eeganni ha’no elobaake manna kaddineexxi oose ha’nooxe’e eloxxa uwwa uwwiyyo egendinoole iima hedheek ha’nook Annifa’i iso’o soodataakeeri’a hittata sa’isseexxi eloxxa yaane uwwa gophata?

52 Yessuusinna Magen edonna manji edo beekkumik, ejjumikinna elleti nophpha’nemman.✝

13 Oose ifixxee anni godoba ba’latamma qicishsha

Duuchchi Woddik Goottinna isoo magnoofataakeeri’a ba’lataan.

1 Mageniinxe oose hiyyemmennexxi ye’emmonaa Aabi dhangalaase duneexxi jaalala hittata lumoxxe kaddeexxa uuddee! Iittanni no’onna isixxe oosen. Butta duuchchi no’oo egendebaachchi isoo ege’na gophpheemmaxxeeten.

24 « ‹Duuchchi woddike Gootti atee eebbisoo;

atee heqqoo;

25 Duuchchi Woddik Gootti ati’a alba farri hiyyoo;

ati’anna mararoo;

26 Duuchchi Woddik Gootti alba atibaa wirri hiyyoo;

nage’a ifikanna ati’a uwwoo.› »

28 Mageni iimii’n woja uwwowwaali,

bogi atikanna liishsho kadowwaal,

midhatinna woyine ati’a muldu hite missowwaal.

29 Mootummuwwa duuchcha ati’a hirende galdowwaal

gosa gosak ardi duuchchi ati’a heeshshiqokki hiyyowwaal.

Dayyuwwa atike duuchchi’a goottake kadi;

atixxe gode godobixxi oose ati’a heeshshi qokki hitowwaal.

Ate badinaakir badinemowwaal;

ate eebbisaakiir eebbisemowwaal.»✝

3 Wode’e gopheeke bogi’a wode’e uwwannon;

bagok buttinanaa’n muummuwwa yaataashsha assannon;

Hafuura anka oose atixxe’n dunannon;

eebba anxa oose atixixxe oosuwwa’a uwwannon.

4 Insa’ne wode’e adda ha’winseexxe badda’ashsha,

lagin qarqara hedhemmake hokkokotike haqichchishsha lantaan.

13 «Atixxi labbaxxi oose duuchcha Duuchchi Woddike Goottinaa’n baratteexxe kadda;

atixxe oosek nage’inna birasa’eeke kada.✝

5 «Anixxe amake godobi giddo atee’e dadebe’nogi ege’neennen;

ilendebexxo edi darre atee fi’leennen;

gosa gosake ardi’a wabeeka kaddattoshsha atee’e hariireenneni.»

38 Insa’nenna arda anke kandaan; aninna ina’neeke Mageno kadannon. 39 Insa’ne’anna, uduma insa’neexxe oose’a eloxxi kaddaashsha, duuchchii wodda anee sodaanto’a mitte godobanna mitte heduma insa’ne’a uwwannon.

13 Ati anxa giddixxa manjumma dada’eetten;

anxe amake godobi giddo

loobbe’e anee daddetek ateten.

14 Ani maso mambe’ake kadee’e dademeennaxxee’e

ateee saadda’eennen;

huje atixxi mambe’aken;

tenneenna ani adda ege’neennen.

15 Ani sho’ik dademenne wodda

dhi’moo godobi giddo dademenne wodda

micci anki duuchchinna ati edo sho’eemabaan.

16 Ille atixxi, anxee amake godoba’ni munde ititebaa wodda anee affeen;

ani’a murendeexxi barruwwa

atike maxaafa’n borreeseende’een.

10 Ama anxike godoba’ninna anee heqqiteteki ateten;

anxe ilenshaxxe barranaa’n ati, anke Magenon.

25 Ani dargageessummate’ni;

ta’anna cimo giddo,

qulliyye hunnendee’naa;

Oose insa’nexxinna ittaachcho gophpheexxi kadhata’naa haranga uude ege’nebe’no.

26 Isi duuchchi wodda ba’lataan, liqeessaan;

horte isixxinna welekee eebbate kaddaan.

4 No’oxxe oose’ni sho’nabe’non;

Duuchchi Woddike Goottixxe hunnaxxaara,

isi hujeexxa lumollamma hujeexxaaranna,

asseexxa mamibe’a yaanuwwaxxaara daggaaxxe ila’ni haasonnannon.

6 Oosetixxi oose akka’watee kallachaken,

annikinna ama oosetee’e hirreti hirboora.

7 Qullichchi ci’mendabaaxxe hedho hedhaa,

isi uduma iso’o hordoffaaxxi isixxi oose eebbisendeexxe.

1 Ha’no oosee! Goottiinke kaddineemmaxxe hado ha’nokee ajajemme! Tinni hasissaaxxe yaanen. 2 «Anna atikanna ama atixxa ulfeessi!» hiyyaak ajaji addachchiisatika hiyyichcho afeeke siretike ajaajan. 3 Tenneenna assittotole «Duuchchiinxi yaane ati’a qajeeldaan; tenne butta’ninna atixxi wogga qeerrexxaani.»

4 Ha’no annuwwaa! Oose ha’nooxxa Gootta Yessuusike seera’n akeekina’ninna barachchiisina’n nosse, malee’e insa’nee jinnissinoqqe’e!

20 Ha’no oose! Tinni Gootta gammachchissaaxxe kaddeemmaxxee duuchchiinxe yaanenni hado ha’nookee ajajemme!

21 Ha’noo oosetiki hadi! Oose ha’nooxxi godoba kultitabaashsha insa’nee hifachchiissinoqqe’e.

12 «Duuchchi Woddik Gootti atik Magen ati’a uwwaake boga’n wogga atixxi qeerrexxo’a anna atikanna ama atixxa ulfees.✝

7 Magen ha’noo ifixxe ooseshsha uude’een isike xixichchika gorsa ossitine adhdhe. Isinni anni xixabaak belti ayyete? 8 Oosse kadeek duuchchi adhdhitaaka xixichcho ha’noo adhdha gophphinoole ha’noo baanake malee’e seeriixxe oosebaan.

4 Hiini aro’o shi’witteexxi hiyyeette manjo oose yookaan oosetixxa oose afeexxe kaddoole tinni oose ediseexxi ifike mine’n Mageno fakkaata leellishate kaddo’a ifike hadi’a galata hiissa barattowaal; tinni Mageno gammachchiisaaxxe yaanen.

21 Meyyaxxi ildaa wodda ciniintotixxi isexxi barra gelteemmaxxee yaaddaani; yaane kinn ise ildeechchi uduma anno kaba butti’a daggeemmaxxee, ise gammashshotixxe bira sa’nenaa’n kexxeexxa ciniintoti woddixxa rakko deetaan.

39 Boji’endaan hitinemmaxxi, eloyo’oxxa egendebaaxxi ha’nooxxi shiixxaramma oose ookkonee boga’n aggaan; aninna insa’ne’a uwwe’naa boga ookone dhaallaan.