3 Wasaanigu ha wágurahabaña,

aban abiniruni rísiti hagía lun Aburemei.

4 Wasaanigu ha wágurahabaña dan le nibureingidiwa,

ítara haña kei gimara lúhaburugu aban wuriburuguna.

5 Fuleseiwatiña gürigia ha gagimaranbaña ítara!

Manügünbaña busiganu hagibugiñe háganiñu

danme le hageindaguni hakesin hagibugiñe aguseragüdütiña.

1 fuleseiwatibu, buguya le inebehabubei lun Aburemei

gaganbadi buguya lun.

2 Béigiba lídangiñe buadigimari,

gúndaabadibu, buídubei giñe lidin bun.

3 Ítara tuba búmari kei tídibu beibei to gíbetu tin;

ítara haba birahüñü geyegu lau bidabulan

kamá láhüchagun oliwu.

4 Ítara luba labiniruniña Aburemei

gürigia ha inebehabubaña lun.

1 fuleseiwatibu, buguya le inebehabubei lun Aburemei

gaganbadi buguya lun.

2 Béigiba lídangiñe buadigimari,

gúndaabadibu, buídubei giñe lidin bun.

3 Ítara tuba búmari kei tídibu beibei to gíbetu tin;

ítara haba birahüñü geyegu lau bidabulan

kamá láhüchagun oliwu.

12 Wéinamutiña warahüñü kei nadü lidan fuluri-agei;

ítara haña warahüñü würiña kei wagabu,

le ágüdahabalin túgubu luban Bungiu.

2 Habinirúba hadügawagun gürigia ha harumabaña,

ani gabafubaña giñe ubouagu.

28 aba labiniruniña lau dimurei le:

—Garahüñügua humá saragu, buíngüda huméi ubóu hau hirahüñü ani gumadi huméi, gumadi humañame úduraü hama dunuru hama sun animaalugu ha aduruuharügübaña múarugu.

4 Habinirúba giñe birahüñü luma sun balubahan hama bilügüniña bágasu, mudún hama sun híbiri bibiñanigu.

14 Habinirúba sügǘ hau sun híbiri gürigia, úabaña würiña ni wügüriña maraüheitiña haganagua, ni animaalugu maraüheitiña hadan hibiñanigu.

6 Arufudahabá buiti lun irahü dan le ñǘraügili;

íbini danme le wéiyaali mabulieidun lubéi.

15 Libidiounigan aau, ligía aban lídangiñe katei

le lídanbei hasaminan nibureingiña,

gama lumoun gidati hawéi dan le habeichúniwa.

24 Ha mererehantiña houn harahüñü, mínsiñetiña houn;

ha hínsiñehabubaña houn, ererehatiña houn.

15 Lau abeichúni luma ebechúni hafurendeira gürigia,

ánhañati isaanigu ha wéiriyati hínsiñegu rútiña busiganu tun háguchu.

13 Merederalá bererehan lun irahü,

máfarun lubéi abeichúni hilagubei;

1 Nisaanigu, teni humá lun le harufudahabei hagübürigu hun,

ru humá arigei lun, ibiha humaamuga gunfurandaü.

1 Isaanigu ha chúbaña aau, gúndaaguagüda hamutiña hagübürigu,

ánhaña ha ibidiouguabaña aau, súfurigüda hamutiña.

6 —Areidabei sun katei le ariñaga náalibei bun lidan bisaminan, 7 arufudahabei houn birahüñü súnwandan; adimurehabá houn luagu, dandu búbiñe kei luagu béibuguniwagu, danme le barounrun luma danme le básaarun.

14 Dan le larihini Hesusu, magundanti lau, aba lariñagun houn:

—Ígira humá lun hayabin irahüñü numoun, mamahara humá, ladüga ha ítarabaña kei irahüñü, hagía lílanabaña larúeihan Bungiu.

11 Anhein lubeiti lau lubéi sun wuriba humá, gíchigaditün katei buiti houn hisaanigu, gúbumegia líchiga Húguchi Bungiu le siélubei katei buiti houn ha amuriahatiña luma!

52 Anihamémeti Hesusu aweirideina dandu lidan úgubu keisi lidan saminaü, ani richati dandu ligibugiñe Bungiu kei hagibugiñe gürigia.

13 Areidati Aburemei houn ha inebehabubaña lun

kei ligaburi aban úguchili hama lirahüñü;

1 Ariha humá lueirin wínsiñe lun Bungiu Úguchili, darí lun gayara lan laguarúniwa woun «lirahüñü Bungiu», ani inarüni luagu lirahüñü wamá. Ligía siñá habaliwa lánigu ubóu gunfuranda lugundun ibidiñegili Hesukrístu houn.

24 «Binilabu Wabureme, góunigi lábume;

25 gundaalá Wabureme bau, arufudaléime lareini bun;

26 hínsiñehabula Wabureme bun, ru ligíame darangilaü bun».

28 Rulei Bungiu huya siélugiñeti bun,

lubuidun-agei alubahani múarugugiñe

saragu türigu tuma saragu diwéin.

29 Seriwi hamabu saragu gürigia;

hudugua hamá néchanigu bigibugiñe.

Gumadibaña bíbirigu guánarügü;

hudugua hamá bigibugiñe!

Híñarawaguba sun ha íñaragutibu,

ha abinirutibu habinirúba».

3 lugundun nadüga lun léibaagun duna lidan fulasu mageirawati,

lirahüñü duna lidan fulasu mábeiti.

Níchuguba iseri ibagari houn badügawagun,

nóunahabei nabinirun hawagun.

4 Haweinamuduba kei híduru le túaguati

kei álamu laru duna.

13 Narufudahaba houn sun birahüñü,

buídubei dan houn sun hagía.

5 «Lubaragiñebei bágurahouniwa,

lídanbei turageirugugidibu búguchu, anúadira náadibu

ani direi numutibu lun profetabadibu lan houn néchanigu».

38 hagíaba numutuniña, aume Habungiute. 39 Nadügüba lun ninebedun houn lidan sun habagari, buidu láamuga lidin houn luma houn hadügawagun,

13 Buguya adügübalin sun núgubu;

buguya adügübalina turageirugu núguchu.

14 Alawaha numutibu, ladüga wéiritu nanigi,

ladüga wéiriguti katei le badügübei.

Chouru numuti lira!

15 Maramudagunti lafaragadagun núgubu buéi

sun meha nadügǘnbei aramudaguarügü,

sun meha nadügǘnbei lidan lilulin-agei múa.

16 Ariha lumuti bagu ladügǘn núgubu;

bürüwañu liña meha sun le tidan biliburun.

Arufuda baali meha átiribei lan dan nabagaridun

dan meha le miábingubeigidina ubouagun.

10 Lubaragiñebei nágurahoun,

rúatina lábugiñoun baríaahan;

lúmagiñe turageirugugiñe núguchu,

buguya Nubungiutebei.

25 Nibureintina meha, guentó wéiyaadina,

ani marihingidina láguruniña Bungiu gürigia ha buídubaña,

marihin naña hasaanigu arihadiha.

26 Gudemehabutiña súnwandan, afuredeiha hagía;

aban abiniruni hasaanigu.

4 maramudun wabéi hawéi wasaanigu.

Walawahabei Aburemei hama

iseri gürigia ha lúnbaña hayabin,

wadimurehaba luagu lubafu

luma burí luagu katei buiti le ladügübei.

6 Habañan wéiyaaña mutu haridinbei;

hagübürigu isaanigu hapantagüle.

7 Fuleseiwatiña isaanigu ha lígirubaña úguchili

le abagaridubei lidan arumani luma ísuruni.

1 Isaanigu, le lunbei hadügüni keisi afiñetiña lun gaganbadi humá houn hagübürigu, lugundun ligía richabei. 2 Anihán aban gumadi wéiriti lídangiñe lugumadin Bungiu le anügübei buiti woun lau wagunfuliruni: «Inebelá búguchi tuma búguchu bun 3 lun buidu lan dan bun ani migife ligíame bibagari ya ubouagu».

4 Huguya agübürigu, magañidagüda humaña hisaanigu, agüriaharügü humaña buidu lun gaganbadi hamá, arufudaheina houn kei labusenruni Wabureme.

20 Isaanigu, aganba humaña hagübürigu lidan sun katei, ladüga ligía hínsiñebei lun Bungiu.

21 Agübürigu, másügüraguala hagumadiruniña hisaanigu, ragühañein maguraasuni.

12 Ruba inebesei lun búguchi luma tun búguchu, migife láamuga bibagari ligibuagu ubóu.

7 Hasufuriruña lun haranseragun, lugundun lóuseruñadün Bungiu keisi lirahüñü. Anihein funagia úguchili mabeichun lumuti lisaani? 8 Anhaün mabeichun lan Bungiu keisi labeichuniña sun lisaanigu, mámarügü hiña lisaanigu ha tímatimaatiña.

4 Anhein garahüñü tubéi aban würi to hilaali túmari, gabaña tuguya, lunti hafurendeirun irahüñü hagía lun hetenirun furumiñe lun le hemegeirubei haduheñu luma lun háguyugüdüni ínsiñehabuni le hadúeirubei houn hagübürigu; lugundun buiti katei le, gúndaati giñe Bungiu lau.

21 Dan le táguraha lan aban würi, súfuritu ladüga chülüha lan tóurate; lárigiñe lágurahoun irahü, maritagunhaaru luagun gáriti, ladüga ugundani le tasandirubei luagu águrahaaru lan aban irahü ubouagu.

39 —Ñéingiñe aba lariñagun Bungiu woun: "Hirahüñü ñǘbürigiña, ibidiñegili le wuribabei houn lumoun le buídubei. Ani huguya haritagun yebe luagu héiguaduba lan irahüñü ha háhaburugun áganiñu. Lau sun lira hagíaba ebelura lidoun múa le füramasewabei. Níchugubei múa le houn ani hagíaba laburiña.