35 Iimanna butta saxxaan, hiyyichchi ank kinni haranga sa’abaan.

29 «Eettene rakkotixxe barran uduma hirbange’n arishsho dukkandaan, agenjikinna ifa uwwaba’a; urjuwwatinna iimi’ni ibba, iimixxi hunnuwwanna lele’mitaan.✝

36 «Eettenee barranna eettenee yanna Aabii malee’e, iimixxi ergannanna kaddo’o Aabike Beltokenna kado’o ayyinna ege’naba’a.

32 «Yaane kinni eettenee barranna eettenee yanna Annake kaddole malee iimixxi ergannanna kaddo, Beltokenna kado, fedheekinna ege’nabaani.

10 Goottiinxi barra kinni moodhalchiinsha daggaan; eettene barra iimuwwa lumooke luuljinni saxxaan; iimuwwatixxi daduwwanna lumoke giirake eebbinjinni baxxaan; buttatinna ise’ni hedheechchi duuchchi gubataan.

7 Ookkone hiyyichchinninni ta’aa hexxeexxi iimuwwanna butta cubbaaleeyye baxxaaxxe murtetixxe barra qici’aa giiratee heqqende turtaan.

11 Yoona duuchchiinxi yaane iitta baxxa’neechchinni ha’no hitta hexxinaake manna kada hasissutaa? Ee, woyyummatinna Mageno fakkaatati hedha ha’noo hasissaan. 12 Iittanni ha’noo Mageniinxa barra heqqexxina’ni dago isika muddansa hasissaan; eettene barra iimuwwa giirati itendeexxi baxxaan; iimuwwatixxi daduwwanna jabake eebbinjinni baqqaan.

1 Dayyuwwa tenne kaddaaxxe yaanuwwaxxee, yannatixxeenna baruwwiinxee no’o ha’no’aa borreessa hassissabaan. 2 Tininna kaddaachchi moodhalchi hashsha dagammashsha Goottiinxi barranna iittanni daggaaxxa ha’no umo ha’noongenninni adda egendine’een. 3 Manni, «Duuchchiinxi yaane nege’aken hedhenegeechchi hedhebaan» hiyyaa’na ciniinto meyyaxxe’n daggammashsha iittanni ba’ne dadhange’n insa’ne’n daggaan; insa’nenna haranga baanje fullabaan. 4 Ha’noo kinni dayyuwwa tinni barra moodhalchiinsha ha’no’ni daggabaashsha ha’noo dukkana giddo hexxinebaan. 5 Ha’noo duuchchiing ifiinkenna barrike mannan. No’o hashshike yookaan dukkanatike mannabaan.

4 Ha’noo kinni dayyuwwa tinni barra moodhalchiinsha ha’no’ni daggabaashsha ha’noo dukkana giddo hexxinebaan. 5 Ha’noo duuchchiing ifiinkenna barrike mannan. No’o hashshike yookaan dukkanatike mannabaan. 6 Yoona dammanqo; no’oo umo ifika hirro malee’e mugaammake wele mannishsha kandonnoqqe’e. 7 Mugaaki hashsha mugammashsha; machcho’akirinna hashsha machcho’aan. 8 No’o kinni barrike manna kandeennaxxe’ee jaalalatanna amana qoma golle’namaake bagediink mi’yishsha oddo’wino; anjirematixxa adde ifi faachcheffantammaxxe bagediinxe gulleshsha umoke’ni uggudhdhino. 9 Mageni no’oo ye’eechchi anjirensha Gootta no’oke Yessuusi Kiristoosi darree’n alfinannoshshate malee mufe ifixxa no’o’ni dirriso’atebaan.

14 «Jabaxxi Duuchchi Woddike Goottixxi barra bayya hexxeebaan;

shiqo hexxeen; isenna rakke daggaan:

Duuchchi Woddike Goottixxe barra’ni laqendaaxxi oodhishsha qaraartotten;

ookko loliink manninna hiiqisee oodhaan.

15 Iitti barra aaretixxe barra,

rakkotixxenna wixxi hiyyatixxi barra,

Weekenshatixxenna ba’netixxe barra,

dukkanatixxenna cuguggotixxe barra,

duumanchiinxexnna dimmi dukkanaxxe barra kaddaan:

16 Eettene barra kinotik dalla’inni ijaaremeeke qachchuwwinna

Qeerrarama kinjiinke minuwwa’ni,

malagatiink hafuurinna loliinxe raafemaxxi raare laqendaaxxe barra kaddaan.

17 Insa’ne balla’iinsha timminsaashsha,

mannake’ni rakko iyyedagannon;

insa’ne Duuchchi Woddike Gootta’ni cubbo hunjemmaxxee,

Munde insa’neexxi lola’iinsha lolaataan;

renshi insa’neek koriinsha afeemba hunemaan.

18 Duuchchi Woddike Goottixxe eettene mufexxa barra,

manna worqetinna birreti sibili insa’neek

Insa’ne anjira dande’abaan;

butta duuchcha giiratishsha hexxeexxe isixxe hinaafenni ittendaan;

Tinninna kaddaachchi buttate’ni hedheeki manni duuchchi,

dedhange’n mudaake kademmaxxeeten.»

9 Kunnise Duuchchi Woddike Goottixxi barra shiqqeen;

butta duwwi gatiso’a

Ise giddo hexxeexxa cubbaalleeyyenna balleesso’a

balatinna jabaxxe mufenni dagaan.

12 Gedhechchikinna jiyaka maxxansa tikaa’na’a uudenne; lummoxxi buttiniixxi lele’manna kadde. Arshotinna yaadotixxe seemmashsha xillexxe; agenjikinna mundetishsha diimmedhe. 13 Ode’inka haqicho jabaxxi diidallo lele’missammashsha raxemmabaaxxi gummanna isonaa’n harcaatammashsha iimatixxi urjuwwanna butti’a harcaate.

9 Iitti lumoxxi jawwe, olmik bofi huneme: isinna daabiloosi yookaan seexana hiyyeme ye’emeeke butta duuchcha dedhisaaken; isinna butti’a huneme; isixxi ergannanna isinni welti hunende.

25 Lebeexxi Yessuusi hiyyee qic: «Arishshote’ni, agenjoke’ninna uurijuwwate’n beesisuwwi kadaan. Buttatke gosa gosak ardi abbaayatike luuljonaa’ninna danbala’iinxe ganenshanaa’n kexxeexxa sodaantee wixxirri hinaan.✝ 26 Manni buttate’n daggaaxxa yaane heqqedhatenaa’n kexxeexxa alayik wekemaan. Eetene yanna iimatixxi daduwwa duuchcha sheke sheke hitaan.

36 Tennexxee kaddo’aa hexxeexxe duuchchanaa’ni gatatee’e, Manjiinke Belti edonna uuratee’e dandeetinaashsha duuchchi wodda jabaatinne soodatte.»

1 Ookkoneechchi uduma haaroxxa iimanna haaroxxa butta afenne, iitti siretixxi buttanna siretixxi iima sa’xxe’emman; abbaayyatinna ta’anni edi’a hexxabaan. 2 Iikki woyyichchi qachchi iitti haaroxxi Iyyerusaalemi ifike aro’i’aa seefateemmaxxe waajubichchoshsha qixxeffateexxi iimi’n Mageniinba’n butti’a dagaa wodda afenne. 3 Iittanni lumok hafuur eettene mootenaa’n hiyya’n fulaanaa laqenne qici: «Kunnise Mageniink galdum manjink weltiten; isinna insa’nenni welti hedhaan; insa’nenna isike arda kandaan; Mageni umo ifiken insa’nenni welt hedhaan; isinna Gootta insa’neeke kadaan. 4 Indiddo insa’neexxa duuchchanna insa’nexxe illetenaa’ni fiyaan; edixxi aadda saxxemmaxxee ta’anni edi’a reyo yookaan yaaddo yookaan oodhishsha yookaan seldo insa’ne’ni hexxabaan.»

5 Eettene moote hana ofo’lemmak, «Kunnise ani yaane duuchcha haarooxxe assannon» hiyye; higgenni anee, «Kunni hiyyichchi xuurameessakenna dhugaatike kademmaxxee borreessi» hiyye.