Fim do mundo

35 Tshelafɔ də ashɔ sə kə ro nə, bale, aəpʉ ama əmə sə sə kə ro nə bale ne.»

29 «Trale, mandâ aəlo aərə əyo səkɔ, tshela alɔ sə kə bu nə, yipʉ sə sə kə tɔ kwatə̂ye ne, aambrepe sə kə afɔ mâ lafɔ ə yɔ gâ tə̂ ashɔ, Ndjapä sə kə meme aawlra tshelafɔ.

Əzü bale wusə̂ alɔ kə gu Âgbɔ̂ Əyïngerə wu ne

36 «Əzü bale wusə̂ əlo nə də alɔ nə wu ne. Atrawaya nə̂ Ndjapä ə̂në əndje sə mâ lafɔ kɔ wala Ɨrɨ Ndjapä nə wusə̂ əlo nə wu bale ne, kʉtə̂ Abä tshî kə wusə̂ nə.

Əzü bale wusə̂ alɔ kə yi kumu Âgbɔ̂ Əyïngerə wu ne

32 «Əzü bale wusə̂ əlo nə də alɔ nə wu ne. Atrawaya nə̂ Ndjapä ə̂në əndje sə mâ lafɔ kɔ wusə̂ əlo nə wu bale ne wala Ɨrɨ Ndjapä nə bale ne, kʉtə̂ Abä tshî kə wusə̂ nə.

10 Bale, əlo kə gu Âgbɔ̂ Əyïngerə sə kə sə mata alɔ kə na əyïangba. Tə̂ əlo nə səkɔ, tshelafɔ sə kə ro nə də əsərɨ nə tə âgbɔ̂, aambrepe sə kə ju nə â tshelə əndje sə kə gba nə â ashɔ də aərə ə̂në azü mbrə̂ pâ ashɔ nɔ̂ kɔ sə kə ro nə*.

7 Bale, tə̂ äwä kʉtə̂ əpʉ ama Ndjapä nə bale də̂ tshə kô tshelafɔ də ashɔ tshe kpəsəye tʉ mbrə əwo, tə̂ əlo ngbanga də əlo kə liwu azü kə mbrə aəmbrʉ aərə kɔ.

11 Rəkɔ ə̂në aərə səkɔ nɔ̂ sə kə ro nə ə ro kɔ, kə sə e lï ndə kə sə atâ a? E mbrə̈ tə̂ e tə azü ə̂në e sə kpî ə tɔ̂ popo Ndjapä gâ ye kɔ 12 ka ə sə kə ka mbrə kə wutu əlo nə̂ Ndjapä nə ə sə kə dra əlo nə ə dra. Tə̂ əlo nə, əwo sə kə ju tshelafɔ â sə kə gba tshelə nə nɔ̂, aambrepe sə kə ju nə â tshelə əndje ə gba nɔ̂ je.

Əzü bale wusə̂ alɔ kə gu Âgbɔ̂ Əyïngerə wu ne

1 Alaye, gâ pâ əpʉ alɔ də əlo aərə səkɔ, ə sə sə tə ə̈bə̈ ərə ə̂në ä ta ngrowô ə ta də əpʉ nə kə e ne. 2 Mbrə ə̂në e wusə̂ nə də ə̂tə̂ e tə ə̂rɔ̂nə ə pa əlo kə gu Âgbɔ̂ Əyïngerə sə kə sə mata əlo kə na əyïangba də tsheləbu. 3 Alɔ ə̂në azü sə kə pa nə ə pa: «A sə də blatshe, ə̈bə̈ ərə kə mbrə tə̂ əzə̂ guta gu ne!» Kôto də̂, bə pa bə dji, tshefô sə kə jerə pâ əndje mata yashe ə̂në əgblə sə kə ka ətshə kɔ â əndje sə sə kə tɔ lə nə bale ne. 4 Bale, e-e, alaye, e sə sə lə əbutshe ne ndə kə pa əlo səkɔ te e mata əyïangba ne. 5 E sə nɔ̂ tə aneshe ə̂yîalɔ, tə aneshe ə̈kü alɔ. A sə sə tə azü tsheləbu wala azü əbutshe ne.

4 Bale, e-e, alaye, e sə sə lə əbutshe ne ndə kə pa əlo səkɔ te e mata əyïangba ne. 5 E sə nɔ̂ tə aneshe ə̂yîalɔ, tə aneshe ə̈kü alɔ. A sə sə tə azü tsheləbu wala azü əbutshe ne. 6 Rəkɔ, a lö lö mata ə̂dû azü ne, bale ala əzə̂ sə̈ tə ə̈kü nə, tshelə ala əzə̂ sə̈ ambanə. 7 Azü ə̂në əndje lo əlo kɔ, əndje lo əlo də tsheləbu, â azü ə̂në əndje ndju ə̂pî kɔ, əndje ndju də tsheləbu. 8 Bale, əzə̂ ə̂në a sə tə azü ə̈kü alɔ kɔ, tshelə ala əzə̂ sə̈ ambanə. A tëgbɔ lɔsu əzə̂ də kə yi tə̂ nə̂ əzə̂ mata kandalinga kowɔ də̂ a yi kɔ ə tëgbɔ əpʉ kə she əzə̂ lə kuzu ə̂në lɔsu əzə̂ ka gâ pâ əpʉ nə kɔ mata kpɔtɔ kowɔ də̂ a yi kɔ.* 9 Mbrə ə̂në Ndjapä kê əzə̂ kê ndə kə pa əkɔ nə̂ ye te pâ əzə̂ ne, bale tshə kê əzə̂ ndə kə pa a sɔtə̂ sorô nə̂ alɔnɔ̂ tə̂ äwä Âgbɔ̂ Əyïngerə nə̂ əzə̂ Jezu Kristə,

12 Mə lîshi alɔ ə̂në Aya Ndalimi nə djɔ̂ ama mindû amanə bale tapɔ nə kɔ, mə wû ashɔ ə même tə âgbɔ̂. Alɔ dô tə̂ ye tə əbu nə mata ləba mbadja, â yipʉ dô tə ye nɔ̂ tə ə̂drô nə mata ə̈ndjï, 13 aambrepe mâ lafɔ yɔ̂ gâ tə̂ ashɔ, a pa də aəkpi aleyɔ figə kə yɔ gâ tʉ alɔ ə̂në ə̈bə̈ âgbɔ̂ əyi meme nə kɔ.

9 Əndje wlî ətshə gâ tʉ, ətshə əmbrʉ agia nə, əkrɔ tshe leme-e nə, ətshə ə̂në əndje ê ətshə ə pa djablo də Sataa kɔ, ətshə ə̂në tshə djingli äwä tə̂ azü tshepashɔ nɔ̂ kɔ. Əndje wlî ətshə gâ pâ ashɔ gâ ye, ətshə də atrawaya nə̂ ye nə.

Əgblə nə̂ Əzü sə kə na gu nə

25 «Azü sə kə wu alabə̈ aəmbrʉ aərə lə ala alɔ də ala yipʉ də ala aambrepe. Lə aəgɔ tshepashɔ, âgbɔ̂ awa sə kə i azü gâ tə̂ nə mbrə əkɨ ə̂ngû əngbrʉ də kplaka ə̂ngû. 26 Azü sə kə tshu nə də awa aərə əyo ə̂në ə sə kə te gâ pâ azü pâ ashɔ kɔ, Ndjapä sə kə meme aawlra tshelafɔ.

36 E sə̈ də ə̈kü ala e ə yü Ndjapä alɔnɔ̂ ndə kə pa Ndjapä za awlra kə e ndə kə kpe aərə ə̂në ə sə kə wutu nə kɔ, ka e ka gâ lafɔ gâ ətshi Əgblə nə̂ Əzü.»

Tafa tshelafɔ də tafa ashɔ

1 Bale, mə wû ə̈bə̈ tafa tshelafɔ də ə̈bə̈ tafa ashɔ, mbrə ə̂në angbʉlî tshelafɔ nə də angbʉlî ashɔ nə rô gâ ye â ə̂ngû əngbrʉ sə sə kwatə̂ye je ne. 2 Â mə wû gala nə ə̂në ə sə kpî mbrə Ndjapä kɔ, tafa Jeruzalamə nə, ə̂në ə tô mâ lafɔ, mâ ngotə̂ Ndjapä nə â ə sə̂ kə jerə nə kɔ, ə gâmba tə̂ ye gâ ye mata yashe ə̂në koshe tô ətshə â tshə mbrə̂ gao ndə kə ka mbrə äkɔ̈ nə kɔ. 3 Mə djî ə̈bə̈ âgbɔ̂ tshema ə̂në ə tô djoko tə̂ mbata ngerə nə ə pâ əpʉ ə pa: «Ə̂sə̂ kə sə Ndjapä sə lə takpa tə̂ azü gâ ye! Ə̂sə̂ kə sə ətshə sə kə sə lə takpa tə̂ əndje â əndje sə kə sə tə azü nə̂ ye. Ətshə də ə̂tə̂ ye sə kə sə lə takpa tə̂ əndje, â tshə sə kə sə tə Ndjapä nə̂ əndje. 4 Tshə sə kə tru ngɔla nɔ̂ lə ala əndje. Kuzu ə sə sə je kwatə̂ye ne, â əpʉ mbadja wala əkɨ wala kə wu əyo ə sə sə je kwatəndje ne, mbrə ə̂në aangbʉlî aərə rô gâ ye.»

5 Â, ətshə nə ə̂në tshə sə̂ gâ tʉ gâ pâ mbata ngerə nə kɔ, tshə pâ əpʉ ə pa: «E wü-a, mə mbrə ərə nɔ̂ tə tafa nə.» Â tshə pâ kwatə̂ye ə pa: «Tä gâ lə fraka, mbrə ə̂në aəpʉ səke sə tə adjatra aəpʉ, ə̂në azü lï ndə kə za lɔsu əndje nɔ̂ gâ pâ nə.»