Fim do mundo
A Bíblia fala sobre o fim do mundo como evento certo e definitivo. Céus e terra passarão, mas as palavras de Jesus jamais passarão. A questão não é se, mas quando.
Os céus passarão
Os céus e a terra passarão, mas as palavras de Jesus permanecerão para sempre. O mundo presente é temporário.
"Enyọñ ye isọñ eyebe efep, edi mme ikọ Mi idibehe ifep."
"Ndo ndo emi ukut mme usen oro edibede, utin eyeduk ekim, ndien ọfiọñ idiyamake aba, mme ntantaọfiọñ eyeduọñọ eto ikpa enyọñ, ndien eyenyuñ enyeñe mme odudu enyọñ."
Baba owo ndomokiet idiọñọke ibaña usen oro mme ñkanika oro, tutu osim idem mme enjel ke enyọñ idiọñọke, kpa ye Eyen Owo nde, edi, edi Ete ikpọñ ikpọñ ọdiọñọ.
"Nte ededi baba owo ndomokiet, edide mme asañautom Abasi ke enyọñ mme Eyen ke idem Esie, iduhọ emi ọfiọkde usen mme ini ñkanika emi mme ñkpọ emi editibede, ibọhọke Ete Mi ikpọñ ikpọñ ọdiọñọ.
O dia do Senhor
O dia do Senhor virá como ladrão. Os céus passarão com grande estrondo, e os elementos se dissolverão no fogo.
Edi usen Ọbọñ edidi nte inọ. Ke usen oro, ikpaenyọñ eyesop ye ọkpọsọñ uyom, eyefọp enyuñ esobo kpukpru mme odu uwem ñkpọ ke enyọñ, ndien ererimbot ye kpukpru se idude ke esit eyeta ikañ.
Edi enyọñ ye ererimbot emi edude idahaemi, eda kpa ukem ikọ Abasi oro etim mmọ enim enọ nsobo ke ikañ. Enim mmọ enọ usen emi edikpede ikpe inyuñ isobo mme mmọ emi mibakke Abasi.
Sia edibiatde kpukpru ñkpọ emi ke utọ usuñ emi, nso utọ uduot owo ke mbufo ekpedi? Akpana uwem mbufo asana, enyuñ eyak uwem mbufo ofuri ofuri enọ Abasi. Nte mbufo etiede ebet usen Abasi, enyuñ enam ofuri ukeme mbufo ndinam usen oro ọsọp edi. Usen emi ikpaenyọñ editade ikañ, edinyuñ ibiatde enye, ndien kpukpru mme odu uwem ñkpọ do ke ikpaenyọñ eyetara oto ke ufiop.
Ntak iduhọ ndiwet mbufo nditọ ete mbaña ini ye ifet emi mme ñkpọ emi editibede. Koro mbufo emefiọk ke idem mbufo nte ke usen Ọbọñ edidi nte inọ ke okoneyo. Ke ini emi kpukpru owo edọhọde ete, "Kpukpru ñkpọ edobo, ifure onyuñ odu," ke unana idorenyin, nsobo eyesim mmọ! Mmọ idibọhọke, editie nte ubiak emi esimde ñwan emi oyomde ndiman eyen.
Edi mbufo nditọ Ete, iduhọ ke ekim, ndien usen oro inyeneke ndibabuat mbufo nte inọ. Kpukpru mbufo edi mme mmọ emi edude ke uñwana enyuñ edude ke uyama usen. Ñnyin idighe mbio okoneyo mme mbio ekim.
Edi mbufo nditọ Ete, iduhọ ke ekim, ndien usen oro inyeneke ndibabuat mbufo nte inọ. Kpukpru mbufo edi mme mmọ emi edude ke uñwana enyuñ edude ke uyama usen. Ñnyin idighe mbio okoneyo mme mbio ekim. Ke ntre, ikpanaha ñnyin ide idap nte mme mmọ eken, ñnyin inyene ndikpeme eyo ñnyuñ ndu ke mbeñeidem. Edi ke okoneyo ke mme owo ede idap, edi ke okoneyo ke mme owo ekpa mmin. Edi ñnyin idi mbon uñwaña usen, ndien inyene ndikpeme idem. Ñnyin inyene ndisine mbuọtidem ye ima nte mbọbọ ukwak ekọñ emi ebọpde ke ikpanesit, ndien idorenyin ubọhọ ñnyin nte itam ibuot.
Abasi ikemekke ñnyin ndibọ ukut iyaresit Esie, edi ndibọ edinyaña ñnyene emi otode ke Ọbọñ ñnyin Jisọs Kraist,
Destruição e renovação
O Dia do Senhor trará juízo sobre os ímpios, mas também novos céus e nova terra onde habita a justiça.
Ndien ami mma ñkut nte Eyen Erọñ okokubọrede ọyọhọ udian ñkpọ itiokiet. Ata ọkpọsọñ unyekisọñ ama ada itie, ndien utin akabade edi obubit, nte obubit ọfọñ ikpo emi edade idet ebot enam, ndien ọfiọñ akabade edi ndat ndat ofuri ofuri, nte iyip. Mme ntantaọfiọñ ema ediañade ke ikpa enyọñ eduọñọ ke isọñ, nte mme mfri udari eduọñọde ke etak ke ini ọkpọsọñ ofum enyeñede enye.
Ema etop urukikọt enyene mba emi eduọk! Enye edi akani urukikọt oro, ekotde defil mme setan, emi akabiañade ofuri ererimbot. Ekesio enye etop eduọk ke ererimbot, ye kpukpru mme enjel esie.
"Mme idiọñọ eyedu ke utin, ọfiọñ ye mme ntantaọfiọñ. Mi ke isọñ mme idut eyedu ke ntaedet ye ñkpeñeyeñ ebaña uyom akpa ye mbufut inyañ. Mme owo eyeyemede oto ke ndik ke edibet nse se iyomde ndisim ofuri ererimbot, koro eyenyeñe mme odudu ikpa enyọñ esioño ke mme ñkañ mmọ.
Eka iso ndikpeme kpukpru ini, enyuñ ebọñ akam kpukpru ini, man mbufo ekeme ndinyene ukeme ndibe ke ifure ke kpukpru mme ñkpọ ntibe emi editibede, ñnyuñ ñwọrọ nda ke iso Eyen Owo.
Do ndien ke ami ñkokut "obufa enyọñ ye obufa isọñ." Akpa enyọñ ye akpa isọñ ema ebe efep, ndien akpainyañ ama osop. Ndien ami mma ñkut Edisana akwa obio, obufa Jerusalem, nte ọsuhọrede edi oto Abasi ke enyọñ, ema ediọñ enye idem nte ñwan ndọ emi ebeñede idem ndisobo ye ebe esie.
Ami mma ñkop ọkpọsọñ uyo emi otode ke ebekpo, ọdọhọde, ete, "Idahaemi ebiet iduñ Abasi edidu ye mme owo! Enye eyeduñ ye mmọ. Ndien mmọ eyedi ikọt Esie, ndien Abasi ke idem Esie eyedu ye mmọ, ndien Enye eyedi Abasi mmọ. Enye eyekwọhọde kpukpru mmọñeyet ke enyin mmọ efep. Ñkpa ididuhọ aba, ukut ididuhọ aba, eyet ididuhọ aba, mme ubiak, koro akani ubonoñkpọ ebe efep."
Do ke Enyemi etiede ke ebekpo ọkọdọhọ, ete, "Ndien ke emi, Ami mmanam kpukpru ñkpọ edi obufa!" Enye ama onyuñ ọdọhọ mi ete, "Wet emi, koro mme ikọ emi edide akpanikọ, onyuñ edi se owo ekemede ndibuọtidem ke esit."