Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
और परमेश्वरके राजके यी खुशीक खबर सारा संसारमे गवाहीक लग प्रचार करजाई, ताकि सक्कु जातिनके मनै यिहिहे स्वीकार करना मौका भेटाँइत। ओकरपाछे संसारके अन्त्य हुई।"
येशू कलाँ, "उ दिनमे डरलग्तिक संकटके समय ओराके सेकी ते सूर्य और जोन्ह्याँ ओजरार देहे छोरदिहीँ। तोरैँ आकाशमेसे गिरजिहीँ, और आकाशके सक्कु शक्ति यहोँरओहोँर डगमगाजिहीँ। तब् मनैयक छावक चिन्हा आकाशमे देखा परी। और पृथ्वीक सक्कु जातिन छाती ठथैहीँ। और ओइने मै, मनैयक छावाहे आकाशके बद्रीमे शक्ति और बरवार महिमक संग आइत देख्हीँ। मै, मनैयक छावा अपन स्वर्गदूतनहे तुरहीक भारी आवाजके संग पठैम। और ओइने आकाशके एक छोरसे दोसुर छोरसम चारु ओहोँरसे ओइन्हे जमा करहीँ, जेनहे मै चुनल बतुँ।"
तबेकमारे जागल रहो, काकरेकी कोन दिन तुहुरिन्के प्रभु आई, उ तुहुरे नै जन्थो। पर यी जानो, कि घरक मलिक्वा चोरवा रातिक कोन समयमे आई कहिके जानल रहत कलेसे, उ जागल रना रहे और अपन घर नै फोरे देना रहे। तबेकमारे तुहुरे फेन तयार रहो। काकरेकी मै, मनैयक छावा तुहुरिन्के नै सोँचल समयमे अइम।"
मै तुहुरिन्हे जोन आज्ञा देहल रहुँ, उ सक्कु आज्ञा पालन करे ओइन्हे सिखाऊ। हेरो, युगके अन्त्यसम सदादिन मै तुहुरिन्के संग बतुँ।"
"यी बात कोन दिन और कब हुई, यी केऊ फेन नै जानत, ना ते स्वर्गदूतनके, ना मै छावा। पर बाबाहे किल उ दिन और उ समय पता बतिस।
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
आब मोरिक कहल बातमे ध्यान देऊ, कि यी संसारके अन्तिम दिनमे महा कर्रा-कर्रा समय आई। काकरेकी मनै अपनहे किल माया करहीँ। रुपिया-पैँसक लाल्ची रहिहीँ। अपनहे अप्निहीँ सक्कुहुनसे भारी मन्हीँ। घमण्ड करहीँ। परमेश्वरके निन्दा करहीँ। दाई-बाबनके कलक नै मन्हीँ। दोसुर जहनके गुन कर्लक बिस्राजिहीँ। परमेश्वरके आदर नै करहीँ। दोसुर जहनहे नै सोगैहीँ। दोसुर जहनहे माफ नै करहीँ। दोसुर जहनहे दोष लगैहीँ। ओइन्के विवेकमे खराब-खराब विचार रहिहीन। खत्थाहा रहिहीँ। मजा कामहे घृणा करहीँ। दोसुर जहनसे विश्वासघात करहीँ। लापरवाही करहीँ। और घमण्डी रहिहीँ। और परमेश्वरहे प्रेम नै करहीँ, पर सुख-विलासहे रोजिहीँ। ओइने परमेश्वरहे देखावती सम्मान करहीँ। पर परमेश्वरके शक्ति ओइन्के खराबसे ओइन्के जीवनहे बदलना बातहे ओइने अस्वीकार करहीँ। असिन मनैनसे कौनो मेरिक सम्बन्ध ना धरहो।
आखिरी दिनमे असिन हुई कहिके परमेश्वर कथाँ।
‘मै सक्कु मनैनहे मोरिक आत्मा देहम।
और तुहुरिन्के छाईछावन अगमवाणी बोल्हीँ।
और तुहुरिन्के जवान मनै दर्शन देख्हीँ।
और तुहुरिन्के बुह्राइल मनै सपना देख्हीँ।
उ समयमे, मै अपन सेबक और सेविकनहे अपन आत्मा देहम।
और ओइने अगमवाणी बोल्हीँ।
मै उप्पर आकाशमे अचम्मक चमत्कार देखैम।
और तरे पृथ्वीमे खुन, आगी और धुँवक मोँजक बद्रीमे अचम्मक चिन्हा देखैम।
प्रभुक महान और गौरवमय दिन अइनासे आघे सूर्य अंधार होजाई।
और जोन्ह्याँ खुन हस होजाई।
और उ समयसे आघे जे-जे परमप्रभुक नाउँ लिहीँ,
उ सक्कु जाने मुक्ति भेटैहीँ।’"
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
काकरेकी हम्रे प्रभु येशूक वचन अनुसार तुहुरिन्हे यी कथी कि जब प्रभु येशू फेनदोस्रे फिर्ता अइहीँ। तब जोन विश्वासीन पैलेहेँ मुसेकल बताँ, ओइने हम्रिहिन्से आघे येशूसे भेँटा हुइहीँ।
काकरेकी प्रभु येशू ख्रीष्ट अप्निहीँ स्वर्गमेसे उत्रिहीँ। उ समयमे येशू बरवार आवाजमे आदेश दिहीँ, और प्रधान स्वर्गदूत जोरसे बोली, और परमेश्वरके तुरही फुँकजाजाई। और पहिले ओइने जित्ती होके उठ्हीँ, जोन विश्वासीन मुसेकल बताँ।
तब् हम्रे जेने जित्ती और बँचल रबी, हम्रे फेन ओइन्के संग बद्रीमे उठाजिबी। और हमार भेँटा आकाशमे प्रभु येशूसे हुई, और उ समयसे सदादिन हम्रे प्रभुक संग रबी।
तबेकमारे यी बातसे तुहुरे एकदोसर जहनहे उत्साहा देती रहो।
तबेकमारे हम्रिहिन्हे अविश्वासीनके हस सुत्ले रहे नै परत। असिन ना होए कि प्रभुक अइना दिन हम्रे बिना तयारीक भेटाजाई। पर हम्रिहिन्हे जागल पलिरहे परत, और अप्निहीँ सचेत हुई परत। काकरेकी जेने सुत्थाँ ओइने रातके सुत्थाँ। और जेने मदुवा रथाँ ओइने रातेके मतवार हुइथाँ। काकरेकी हम्रे दिनके सन्तान हुइती, तबेकमारे हम्रे अपनहे नियन्त्रण करे परत। विश्वास और प्रेमहे घाललेऊ, जेने ओस्तेहेँके हमार रक्षा करथाँ जसिके एकथो कवच सैनीकके रक्षा करत। और हम्रिहिन्हे यी आशा बा कि हम्रे सदाकालके दण्डसे बँचगिल बती, और हम्रिहिन्हे मुक्ति मिलगिल बा। और यी आशा उ खोप्रिहीक हस हो, जोन सैनीकहे रक्षा करत। काकरेकी परमेश्वर हम्रिहिन्हे यी कारणसे नै चुन्लाँ कि ऊ अपन क्रोधसे हम्रिहिन्हे दण्ड दिँत। पर हम्रे अपन प्रभु येशू ख्रीष्टसे मुक्ति भेटाइक लग ठहरागिल बती।
येशू कलाँ, "तबेकमारे तुहुरे हौश्यार रहहो, असिके तुहुरिन्के मनके लापरवाही, मद्वापन और जिन्गीक चिन्तासे तुहुरिन्के मन सुस्त ना होजाए। और उ दिन तुहुरिन्के उप्पर एकफाले फाँदा हस ना आजाए। काकरेकी अस्तेहेँके पृथ्वीमे रहुइयन सक्कु जहनके उप्पर यी आजाई। तबेकमारे जक्ति रहो, और हर समय प्राथना कर्तिरहो ताकि तुँ यी सक्कु अइना घट्नासे बँचे सेको। और मै, मनैयक छावक आघे ठरह्याइक लग योग्य बने सेको।"
पर प्रिय हो, जात्तिकमे यी बात ना बिसराऊ, परमेश्वरके लग एक दिन हजार साल हस और हजार साल एक दिन हस रथिन। हुँकिन्हे एक दिन और एक हजार दिन सक्कु एक्के हस रथिन। कौनो मनै सोँच्थाँ कि प्रभु अपन फिर्ता अइना वाचा पूरा करनामे बेर करतताँ। पर प्रभु उ मेरसे बेर नै करथुइँत। बेन ऊ तुहुरिन्हे धैर्यता देखाइतताँ। काकरेकी ऊ केऊ फेन नाश ना होए कहिके चहथाँ। पर सक्कु जाने अपन मन बदलके पाप करे छोरदिँत कना ऊ चहथाँ।
पर ख्रीष्ट पक्कै फेन घुमके अइहीँ। ऊ चोरनके हस नै सोँचल समयमे फिर्ता अइहीँ। उ समयमे आकाशमे बरवार आवाज आई, और आकाश हेराजाई। आकाशमे रहल सूर्य, जोन्ह्याँ और तोरैयाँ आगीलेके पूरा रुपमे नाश होजिहीँ। उ दिन, मनैनके पृथ्वीमे कर्लक सक्कु काम ओइन्के न्याय करक लग परमेश्वर देखैहीँ।
यी बात पक्का बा कि परमेश्वर असिके सक्कु चिजहे नाश करदिहीँ। तुहुरिन्हे पता बा कि तुहुरिन्हे कसिके जीवन जिए परत। तुहुरिन्के व्यवहार और तुहुरिन्के करना सक्कु काम पवित्र और परमेश्वरहे खुशी बनैना हुई परत। तुहुरे उ दिनके प्रतिक्षा करेबेर, जब परमेश्वर संसारके न्याय करे अइहीँ, उ दिन झत्तेहेँ आए कहिके अपन सेक्ना कोशिस करो। उ दिन आगी बरी और आकाशहे नाश करदी, और आगीक आँचलेके आकाशमे रहल सक्कु चिज गलादी। पर हम्रे विश्वासीन परमेश्वरके वाचा कर्लक लावा स्वर्ग और लावा पृथ्वीक डगर हेर्थी। वहाँ सक्कु ठाउँ मनै परमेश्वरके इच्छा अनुसार जिथाँ।
हेरो, मै तुहुरिन्हे एकथो रहस्य बताइतुँ: कि हमारमेसे सक्कु जाने नै मुबी, पर हम्रे सक्कु जाने बदलजिबी।
यी एकफाले हुई, अतरा झत्ते हुई कि जसिके केऊ अपन आँखी झप्काइत। जब अन्तिम तुरही बजाजाई, ते जोन-जोन मनै मुसेकल रहिहीँ, ओइने सदाकालके जीवन जिअक लग फेनदोस्रे जिवाजिहीँ। और हम्रे जे-जे जित्ती रबी, हमार शरीर बदलजाई।
तब् मै लावा स्वर्ग और लावा पृथ्वी देख्नु। काकरेकी पुरान स्वर्ग और पृथ्वी आब नै रहिँत। और आब समुन्दर फेन नै रहे। तब् मै पवित्र शहरहे फेन देख्नु, जोन लावा यरुशलेम हो। जोन शहर परमेश्वरके थेनसे स्वर्गमेसे तरे ओहोँर आइतेहे। उ शहरहे एकथो दुल्हन्याँ हस तयार करगिल रहिस, जिहिहे लुग्गा घलागिल रहिस, और शृंगार करगिल रहिस और जे दुल्हासे भोज करक लग तयार बा। तब मै एकथो आवाज सुन्नु जोन परमेश्वरके सिंहासनमेसे जोरसे बोलल, "हेरो, आबसे पक्कै फेन परमेश्वर मनैनके संग बैठिहीँ। और ओइने हुँकार अपन मनै रहिहीँ। ऊ अप्निहीँ ओइन्हे अपन मनैनके रुपमे स्वीकार करहीँ। और ऊ ओइन्के संग रहिहीँ। और ओइने फेन हुँकिन्हे अपन परमेश्वरके रुपमे स्वीकार करहीँ। और परमेश्वर ओइन्के आँखीमेसे सक्कु आँश पोँछदिहीन। और ओइन्मेसे केऊ फेन कब्बु नै मुहीँ। और कौनो मनै कबु फेन दुःखके महसुस नै करहीँ, या कबु फेन नै रुइहीँ और ना दुखाइक अनुभव करहीँ। काकरेकी पुरान संसार आब अस्तित्त्वमे नै हो। पुरान संसारके सारा चिज गायब होगिल बताँ।"