Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
अरु राज्य को यो सुसमाचार पुरा जगत मे प्रचार कर्यो जाये, कि सब राष्ट्रहोन पर गवाही हुये तब खतम हुइ जाये.
इन्सान का बेटा को डबल जन्म
उ दिन क्लेश का बाद झल्दी सुरज अंधारो हुय जाये, अरु चांद को ऊजालो जातो ऱ्हीये, अरु तारा बद्दल से गिरी जाये अरु बद्दल की शक्ति हली जाये. तब इन्सान का बेटा को चिन्ह बद्दल मे बतायो जाये अरु तब पृथ्वी का सब कुल का दुन्या छाती पीट्ये; अरु इन्सान का बेटा की बडी सामर्थ्य अरु महिमा का सात बद्दल का बद्दल पर आते देख्ये अरु उ पिपडी का बडा बोल का सात, अपना स्वर्गदूतहोन खे भेजो, अरु वे बद्दल का या पार से वा पार तक, चारी दिशा से ओका चुन्या हुया खे जमा कर्हे.
येका लिये जागता ऱ्हे, क्युकी तुम नी जानस की तुम्हारो प्रभु कोनता दिन आह्ये. पन यो जानी ले कि अगर घर का स्वामी खे यो मालुम हुये की चोर कोनता टेम आये ते जागतो ऱ्हेस. अरु अपना घर मे चोरी नी होन देस. येका लिये तुम भी तैयार ऱ्हे, क्युकी जो टेम का बारे मे तुम सोचस भी नी, उ टेम इन्सान को बेटो अय जाये.
अरु उनखे सब बात जो मेने तुमखे आज्ञा दी हइ, ओको पालन करणो सिखा. अरु देख, मी जगत का आखरी तक हमेशा तुमारा सात ऱ्हीयु."
गतसमनी बगीचो मे यीशु कि प्रार्थना
उ दिन या उ टेम का बारे मे कोय खे कुछ पतो नी, नी स्वर्ग मे दुतहोन खे अरु नी अभी इन्सान का बेटा खे फक्त परम बाप परश्वमेर जानस हइ.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
आखरी दिन मे इन्सान को चलीत्र
पर यो याद रखी खे आखरी दिन मे कठिन टेम आस. क्युकी इन्सान स्वार्थी, लोभी बडाइ करण वाला, अभीमान, नीन्दक, माय बाप की आज्ञा, टालनआला, हरामखोर, अपवित्र, बिना दया को, बिना कृपा को, चुगल लगानआलो मन पर काबू नी रखनवालो, ढीठ ऱ्हेनवालो, अच्छा काम खे नी पसंद करणवालो विश्वासघाती, ढीठ, घमण्डी, अरु परमेश्वर को प्रेम नी जब सुखविलास, चानआला हुये. वे भक्ति को भेस धऱ्यु, पर ओकी शक्ति के नी मान्यु. असा से दुर रीहे.
परमेश्वर बोलस हइ, कि आखरी का दिनहोन मे असो हुये
कि मी अपनी आत्मा सब इन्सानहोन पर दिह्यु
अरु तुम्हारो बेटो अरु तुम्हारी बेटीहोन भविष्यव्दाणी कर्ये
अरु तुम्हारा जवान दर्शन देख्ये
अरु तुम्हारा बापदादा दृष्टान्त देख्ये.
क्युकी मी अपना दासहोन अरु अपनी दासीहोन पर भी उन दिनहोन
मे अपना आत्मा मे से दिह्यु अरु वे भविष्यव्दाणी कर्ये.
अरु मी उपर बद्दल मे अदभुत काम
अरु नीचे धरती पर चिन्ह मंनजे खुन अरु आंग
अरु धुवा को बद्दल दिखायु.
प्रभु को महान अरु तेजस्वी दिन का आना से पैयले सुरज अधारो
अरु चाद खुन सो हुइ जाये.
अरु जो कोय प्रभु का नाम लिये उ उध्दार पाये.
आखरी को टेम
"उही टेम मीकाएल नामको उ राज को बडो मुखिया, जो तरा दुनियाहोन को पक्ष करन खे खडा ऱ्हेस हइ, उ उठे. तब असो मुसीबत को टेम हुये, जसो कोय जात का पइदा होना का टेम से लिखे अब तक कभी नी हुयो, नी हुये; पन उ टेम तरा दुनियाहोन मे से जतना को नाम परमेश्वर कि लिखन किताब मे लिख्या हुया हइ, वे बची निकले. जो जमिन का निचे सोयो ऱ्हीहे ओमे से भोत सा दुनिया जागी उठे, कतना तो हमेशा का जीवन का लिये, अरु कतना अपनी नामधराइ अरु हमेशा तक अत्यन्त घिनोनो ठहरन का लिये. तब ज्ञानीदुन्या कि चमक आकाशमण्डल का जसो हुये, अरु जो भोतजन खे धर्मी बनास हइ, वे हमेशा तारहोन का जसा प्रकाशमान ऱ्हीहे.
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
पर जो हम खुद खे सिखय रहा हइ कि उ प्रभु शिक्षा हइ अरु जो हम प्रभु का आना तक जिन्दा ऱ्हेस जब हम मऱ्या हइ उनका से आगे नी जाये. क्युकी प्रभु खुद ही स्वर्ग से उतरे. उ टेम पर बडो अवाज हुये खे अरु प्रधान स्वर्गदूत को शब्द को आवाज सुन्यो जायेका अरु परमेश्वर कि पिपडी फुकी जायेका अरु मसीह मे जो मऱ्या हइ, वे पैयले जिन्दा उठे. तब हम जो जिन्दा अरु बच्या ऱ्हीहे, ते उनका सात हवा मे बंद्दल पर उठ्यो लिये जायेका कि आकाश मे प्रभु से मीले, अरु अत: हम हमेशा प्रभु का सात मे ऱ्हीहे. येका लिये यो आवाज का सात एक दुसरा का सात प्रोत्साहित कर.
येका लिये हम बाकिहोन का जसा सोते हुये नी, पन जागता अरु सावधान ऱ्हेस. क्युकी वे जो सोस हइ, रात मे सोस हइ, अरु जो मतवाला होस हइ, वे रात मे मतवाला होस हइ. पन जो हम दिन को हइ येका लिये हम खे अपना आप मे कबजो रखनो हइ, आ विश्वास अरु प्रेम कि झिलम धारण करणो हइ कवच अरु उध्दार कि आस मुकुट धारण करीखे तैयार ऱ्हेस. क्युकी परमेश्वर ने हम खे घुस्सा का लिये नी पन येका लिये रोख्यो हइ कि हमखे हमारा प्रभु यीशु मसीह का वजेसे उध्दार मील्हे हुये ओकी घुस्सा का लिये नी.
जागते र्हेव की जरुरत हइ
"येका लिये हुशार र्हेव असो नी हुये कि तुमारा मन नशा अरु मतवालोपन अरु यो जिवन कि चिन्ताहोन से सुस्त हुय जाव अरु उ दिन तुम पर फन्दा का जसा अचानक अय गिरे. क्युकी व्हा सब जमीन का सब रेगनआला पर या रीति अय गिर्हे. येका लिये जाते र्हेव अरु हर टेम मे प्रार्थना करते र्हेव कि तुम या सब आनवाली घटना होन से बचनो. अरु इन्सान का बेटा का सामने खडो होन का योग्य बन."
हे प्रेम दोस, या एक बात खे मत भुलनु की प्रभु कि नजर मे एक दिन हजार साल मे कोय फरक नी हइ. वोका लिये यो दिन भी बराबर हइ. प्रभु अपनी प्रतीज्ञा का बारे मे देर नी कर्हे जसी कुछ दुन्या समजस हइ. पन तुमारा बारे मे धिर धरस हइ, अरु नी चाह्ये, कि कोय खतम हुये. क्युकी यो सब को मन फिराव को अवसर मील्हे.
पन प्रभु को दिन चोर का जसो अय जाह्येका वु दिन बद्दल गर्झना का सात नी दिखानो हुय जाह्ये वो का बाद बद्दल कि सब चिज पानी खे खतम हुय जाह्ये अरु पृथ्वी अरु वोका पर की बात गायब हुय जाह्ये. जब कि ये सब चिजहोन, या रीति से खतम होन वाली हइ, ते तुमखे कोय रंग का दुन्या जिवन पवित्र अरु परमेश्वर का तरप सर्मपित होनो चाह्यो. अरु परमेश्वर को वु दिन कि रस्ता कोय रीति से देखनो चाह्यो अरु वोखे झल्दी आन का लिये कोय इजा करणो चाह्यो, जो कारण बद्दल अंगार से खतम कर्यो जाह्येका अरु बद्दल की सब चिजहोन खुप गरम से तपीस खे गली जाह्ये. पन वोकी प्रतीज्ञा का जसो हम एक नवो बद्दल अरु नवी पृथ्वी की आस देखस हइ जेम्मे धार्मीकता वास कऱ्हे.
देखनु, मी तुम से भेद की बात बोलुस हइ कि हम सब तो नी सोये, पर सब बदली जाये.
अरु यो जरा भर मे, पलक मारते ही आखरी तुतारी फूकते ही हुये क्युकि पिपडी फुकी जाये अरु मुर्दा अविनाशी दशा मे जिन्दो उठाये जाह्ये अरु हम बदली जाये.
नवो बद्दल अरु नवी जमीन
फिर मे ने नवो बद्दल अरु नवी जमीन खे देख, क्युकि पयलो बद्दल अरु पयली जमीन जाते र्हेती थी, अरु समुद्र भी नी र्ही. फिर मेने पवित्र नगर को नवो येरुशलेम खे स्वर्ग से परमेश्वर पास से उतरते देख्यो.व्हा वा दुलीन का सामे थी जो अपनो अदमी का वासते सिंगरी गय हुये. फिर मे ने राजगद्दी मे से कोय खे जोरसे बोल्यो से यो बोलते हुयो सुन्यो, "देख्यो परमेश्वर को डेरो इन्सान का बिच मे हइ.व्हा वुनका सात डेरो कर्हे, अरु वे वोक दुन्या हुये खे अरु परमेश्वर आप वुन, सात र्हिये अरु वुनको परमेश्वर हुये. व्हा वुनकी आख से सब आसु पोछी डाल्हे. अरु येका बाद मरन को नी र्हियेका अरु नी शोक नी विलाप को नी पीडा र्हिये पयली बात जाती र्हेस."