Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
Ndin eyaekwọrọ eti etob abioubọọñ ami ke afịd ederimbod nte ntiense enọ afịd idịd. Idaha ado ndin ke utịd adiidi.
"Ndutʌhọ ini ado amaasʌk ikwekweeñe,
" ‘utịn ayaabre,
afiọñ idiinọọhọ unwana amọ aba,
mme ntantaafiọñ eyaeduọññọ eto ikpaanyọñ ke isọñ,
ndin eyaenyeeñe mme adudu e-ebaaha ke hefịn.’
"Ke ini ado idiọọñọ Ayịn Awo ayaawuọ ada ke hefịn. Ndin afịd uduod awo ke ederimbod eyaefʌhọ ke ammọ emaekịt Ayịn Awo naña adi ke ntọñanyọñ hefịn ke adudu ye ekamba ubọọñ. Anye ayaadọñ mme enyere amọ edifịt adukpoñ ke akpọsọñ uyio enam ikood, ndin ammọ eyaekoono mme andimek ikọd amọ eto ke afịd inuuk afịm inaañ tọọñọ ke utịd mme hefịn keed tutu awuọ utịd uko.
"Ke ntoro ikpeme, sia ndufo idiọọñọke me nsoo usen ke Abọọñ ndufo adiidi. Ado idiọọñọ ntom: Adieke anieufọk akpekediọọñọke ini akonayio i-inọ adiidi ufọk amọ, anye akpaakekpeme ufọk amọ, ndin ikpikiyakka nọ inọ adʌk. Ndin ana ndufo ñko ebeeñe idem, sia Ayịn Awo adiidi ke awa a-ndufo mmiibeeñeke ibed anye.
inyʌñ ikpeep ammọ adinịm afịd mme mbed a-ami inọọhọ ndufo. Ndin ke akpanikọ, ami mbaba ye ndufo afịd ini, tutu asịm utịd emana."
"Amaado usen ado, me awa ñkanika ado, awo ndomokeed idiọọñọke; kpak mme enyere ke hefịn, me Ayịn, ke imiibọhọke Ete ikpọọñ.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
Nekke diọọñọ ami ate ke akpọsọñ mfịna ayaaba ke utịd ayio. Mme awo eyaedoñño mme amaidem, mme ama akʌk, enyʌñ ewọk inua, ekokko idem, enyʌñ etañ abʌd-abʌd ikọ. Ammọ eyaesọñ iwuod ye mme ete ye mme eka ammọ, enana esịd ekọọm ye uteeñe Abasi, enana ima uduudawo, ifeene inọ awo, ebiat awo anyịñ, enana mfadidem, edu afai-afai uwem, imaaha eti ñkpọ. Ammọ eyaetap mme awo enọ mme asua, enie ifiobesịd, enyʌñ ema inem uwem ederimbod ami ekan ima Abasi, enie ido ukpono Abasi ado ekañ adudu amọ. Kuudʌk ndʌk ye utọ ibon ado.
" ‘Ke mme akpatre usen, Abọọñ Abasi atañ,
ami ñyaanwañña Sịbidịd mmi nduọk afịd uduud awo.
Nditọ ideen ye nditọ ibaan ndufo eyaetañ prọfesi,
ñkparawa ideen ndufo eyaenyʌñ ekiit ñkukịd,
ikpọ ideen ndufo eyaedappa ndab.
Ñko ñyaanwañña Sịbidịd mmi nduọk nditọufọk mmi ideen ye ibaan
ke mme usen ado,
ammọ eyaenyʌñ etañ prọfesi.
Ami ñyaawọt mme utịppeñkpọ ke hefịn ye mme
idiọọñọ ke isọñ,
iyiib ye ikañ ye mme eboho nsʌñikañ.
Utịn ayaakappa ado ekịm
afiọñ anyʌñ akappa iyiib
mbemiso usen Abọọñ Abasi adi, akwa usen itooro.
Ndin awo akeedodo a-akoodo
anyịñ Abọọñ Abasi ayaabọkkọ.’
"Ndin ke ami amaaboiyo,
ami ñyaanwañña Sịbidịd mmi nduọk afịd awo ke idem.
Nditọ ndufo ideen ye ibaan eyaetañ prọfesi,
ñkaan ideen ndufo eyaedappa ndab,
ñkparawa ideen ndufo eyaekịt ñkukịd.
Kpa ye nditọufọk mmi, ideen ye ibaan,
ami ñyaanwañña Sịbidịd mmi ndot ammọ ke mme usen ado.
"Ke ini ado Maikel, akwa akpanabọọñ a-akpemeke mbon mfo, ayaadakka ada. Ini ukuud ayaaba a-adooho utọ ado ibaaha akpa tọọñọ ke ntọọñọ mme idịd tutu idaha ado. Ado ke ini ado ikọd mfo, afịd awo e-ekịtte ke emaewet anyịñ ke ñwed eyaebọkkọ. Ataa uwak mme awo ekedaiyake ke ntọñ isọñ eyaedemme: ubaak ekaa uwem nsi-nsi, ubaak ebọ abuud ye nsi-nsi ndọk. Mbon aniọñ eyaeyamma nte unwana anyọñ ye mbon se idat mme awo usʌñ ika adinenido, nte ntantaafiọñ ke nsi-nsi nsi-nsi.
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
Ato ke ikọ Abọọñ ke idem amọ, ñnyịn itañ inọ ndufo ke akpanikọ ite ke ñnyịn isʌkkọ idodu uwem, i-isʌhọke tutu adidi Abọọñ, ke akpanikọ idiibemme mbon e-ekekpaññake iso. Sia Abọọñ ke idem amọ ayaasọiyọ ke hefịn adi, ye akpọsọñ uyio ewʌhọ, ye uyio ekamba enyere ye adukpoñ A-Abasi adatta akoot awo, ndin mme akpañkpa ke Krais eyaebemiso eset. Ke ado amaaboiyo, eyainam ñnyịn i-isʌkkọ idodu uwem inyʌññọ isʌhọ, isoobo ye ammọ ke ntọñanyọñ nọ ato do ñnyịn isoobo ye Abọọñ ke afịm. Ke ntoro, ñnyịn iyaiba ye Abọọñ ke nsi-nsi. Ke ntoro, isọọñọ emọ-emọ idem ye mme ikọ ami.
Ndin, yak ñnyịn ikiiba nte mbon mfen, e-edaiyakedaiya, ado yak ñnyịn isuuhọ idem inyʌñ iba ke mbeeñe idem. Sia mbon se idaiya idab, edaiya ke akonayio, mbon se ukọd anaam, anaam ke akonayio. Ado sia ñnyịn idooho mbon ñnwaña usen, yak inie mfadidem, isịne mbuọdidem ye ima nte ukpeme ikpanesịd ye idodanyen adinyaaña nte itam ukwak. Sia Abasi ikimekke ñnyịn ibo idibọ ufen ifiobesịd, ado nọ idibọ adinyaaña a-atooho Abọọñ ñnyịn Yisọs Krais.
"Ikpeme idem, mbaak ndufo idisịn esịd ke udiauwem, ukpa mmịn ye mme ñkpọ isọñ ami, ndin usen ado adibiọññọ ndufo adiwad-adiwad, ke unana idodanyen nte afia. Sia usen ado ana asịm afịd awo se idʌñ ke iso isọñ ami. Iba ke mbeeñeidem afịd-afịd ini; inyʌñ ibọñ akam nọ enie ukeme adibọkkọ afịd se idiitịppe, nọ enyʌñ ekan eda ke iso Ayịn Awo."
Ado ikiifre ñkpọ keed ami, mme ndima ufan, usen keed ke anyen Abọọñ aba nte tọsịn isua, tọsịn isua anyʌñ aba nte usen keed. Abọọñ iyeete ke adinam enwọñọ amọ, naña mme awo ekere ke anye a-ayeet. Anye akap anie anyanime ye ndufo, inyʌññọ iyem awo ndomokeed atak, ado ayem afịd awo etua ñkpọfiọk enyʌñ ekappa esịd.
Ado usen Abọọñ adiidi adiwat nte inọ. Mme hefịn eyaeboiyo efep ye ekamba uyom; ikañ ayaasobo se ekedat ebot ederimbod, ndin isọñ ye afịd ñkpọ ke esịd adiina ukpọk.
Sia ediisobo afịd ñkpọ ntom, nsoo utọ awo ke akpenaa ndufo edo? Akpena ndufo edu adisana uwem ye uwem ke uteeñe Abasi naña ndufo etieghe ebet usen Abasi enyʌñ eyem asọsọp adi. Usen ado ke ediisobo mme hefịn ke ikañ, ñko se edat ebot ederimbod ayaatara ke akpọsọñ ufiob ado. Ato ke se anye akenwọñọ ñnyịn idot anyen inyʌñ itie ibet ufa hefịn ye ufa isọñ, idʌñ adinenido.
Ikpañ utọñ, ami idọkkọ ndufo ndịbe-ndịbe ñkpọ. Idooho afịd ñnyịn idiikpa, ado eyaenam afịd ñnyịn ikpəho ke adibọp anyen ntat, ke akpatre adukpoñ amaasio uyio. Sia adukpoñ ayaasio uyio, ndin eyaenam mme akpañkpa eset ye ikpọkidem i-imiidiibiarake ndin eyaikpəho ñnyịn.
"Se, ami ñyaabot
mme ufa hefịn ye ufa ederimbod.
Awo idiitoiyoke mme ñkaan ñkpọ,
idiinyʌññọ isịne ammọ ke esịd.
Ado daara ñnyʌñ kop inemesịd ke nsi-nsi
ke se ami ñyem adibot,
sia ami ñyaabot Yeruselem nọ ado ñkpọ inemesịd,
mbon amọ ñko edo ñkpọ idadesịd.
Ami ñyaadaara mbaña Yeruselem,
ñnyʌñ ñkop inemesịd nto mbon amọ;
uyom ntuaña ye utua ayịd
awo idiikoppo do aba.
"Ke akpanikọ usen ado asʌk adi; anye adiisak nte ñkpọdiọhọ ikañ. Afịd mbon ntañidem ye mme anam idiọọk ediido ikpitok, ndin usen a-adiighe ke iso ammọ eyaesịn ammọ ke ikañ," Abọọñ Andikponñkan atañ. "Adʌñ me ñkọk ndomokeed idiisʌhọke inọ ammọ. Amaado ndufo e-ekponoke anyịñ mmi, utịn adinenido asañake ye ukọk ayaasakka inọ ndufo. Ndufo eyaewuọ enyʌñ edia uwem nte mme ñyịn enañ e-enọọhọ nti ndidia.
Ndin mmaakịt ufa hefịn ye ufa ederimbod, sia akpa hefịn ye akpa ederimbod emaeboiyo efep, ndin akpainyañ ikibaaha aba. Ami mmaakịt Adisana Abio, ufa Yeruselem, naña awuọ ke hefịn ato Abasi adi, emaebeeñe anye idem nte ufa anwaan ndọ a-amaakesịne uyaiya afọn abeeñe idem abet ebendọ. Ndin mmaakop ekamba uyio a-aketooho ebekpo naña abo, "Se, idahami itie idʌñ Abasi aba ye mme awo, anye ayaadʌñ ye ammọ. Ammọ eyaedoñño mbon amọ, ndin Abasi ke idem amọ ayaadʌñ ye ammọ, anyʌñ ado Abasi ammọ. Anye ayaakwokko mmọọñayịd asio ammọ ke anyen. Ñkpa me mfʌhọ me ayịd me ubiak idiibaaha aba, sia ñkaan edu unañña ñkpọ emaeboiyo ifep."