Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
Musamu wu Mubwe wu Ipfumu wunuuwu, sa bayabisa nde mu toto yoosi, mana nde aba imbangi huli mabuli moosi. Na buuna, sa buba tsukusu.
Yisu abweleele: «Masulubete, hu mbisa a tsisu yi bilumbu mo biina, taangu sa yikituha piipidi, tsuungi a huubweva mweede ve, bamvwelele buubwa umata hu mayulu, na matwala ma mali hu mayulu muunyingama. Buuna, iliimbu hya Mwana a Muutu sa himonehele hu yulu. Mabuli moosi ma ŋa toto, sa maba hutso lingebe. Mo sa mamono Mwana a Muutu mu uya hutso mayidu na matwala na muyusu a nde woosi. Kulambeete yinene sa bafula, nde sa atsindaha bapofi mu ukuukaha ba nde haamiisoolo mu bituungu bibina bya tsi, umata tsoso a toto natee tsoso mayulu.»
Buuna, baani likanda, mu tooni ati, benu a liyaabi ilumbu hi Pfumu a benu huuya ve. Yaabaani lo bubwe, tso nga nzo ubaayaaba ki taangu yi butsuhu yi muyibi huuya, kini nde ubaaba likanda na uveleva nde nzila yi ukoto mu nzo a nde. Ni mu buuna benu kaka, baavangamaani, mu tooni ati, benu a liyaabi ki taangu Mwana a Muutu huuya ve.»
Na longesaani bo mu ubaasalila moosi ma me atuma benu. Na yaabaani liniili: me tsa mba na benu bilumbu byosi, natee hu tsukusu a tsi.»
Mu ma mali mu utala ilumbu buuve ngunga yi mambu mo maana muuya, pasi muutu a hayaabi ve, a tso bapofi hu yulu ve, a tso Mwana kaka ve; ka ndulu Taata siha yaabi lo.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
Yibwala moonyi mu mambu mo maniima: hu tsukusu a taangu, sa uba na bilumbu bya pasi. Baatu bu uba na nyinga, na linyungi la mbongo, na nyeme, na isaayi. Basafuli baa bungidi bwa Nzambi, banga kene ŋa busu bu bataata na bangu. Bo bu uba baa buveletwala ufutala matondo, bangoyi. Baatu bu uba banga kamini mutima, bu ubisa unoongo na bambaahi, banga makusa, ba baavelekuta linyutu, banga a kasa, ba baabelele ma mabwe. Baatu bu uba basumbisi ba bana, banga mafufu, banga lidadu, ba baafulala utondo makinya ma bo hwavele utondo Nzambi. Bo sa bayusa Nzambi hutso muwala, ka bo bubaatuna ti matwala ma Nzambi matuma idiingu hya bo. Tahuha na baatu mo baana.
"Nzambi aleeli: mu bilumbu bya tsyelele,
me unzitala Livupu la me ŋa yulu a pasi muutu.
Baana baa benu ba bakaasu na ba babahala
bu ubihula mu nduhi a me,
pfudu-mbahala a benu bu umono bimono-miisu,
na binunu bya benu bi ulooto mandoosi.
Eye, huli basalili ba me ba bakaasu na ba babahala,
mu bilumbu mo biina, me unzitala Livupu la me,
na bo bu ubihula mu nduhi a me.
Me upanga bimangu hu yulu,
na biliimbu bya kimuhili ŋa toto.
Sa huba na makila, mbaahu, na mayidu ma mwiki.
Nyangu ukituha piipidi,
na tsungi ubeenge we makila,
tswamina ilumbu hya Pfumu mu uto.
Ilumbu mo hiina hyuba hiinene na hi muyusu.
Buuna, pasi muutu wu usambila Pfumu, uyoboho."
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
Bunuubu, yuhaani ma bisu liyabisi benu, we bu huli mu uleele ndongisili mosi ya Pfumu: bisu baa luusaala moonyi ŋa Pfumu huuya, a luutswamina babaakwa mu mbwanini a Yisu ve. Baatu buuyuha ndaha a mukuutu bapofi, na puunga a kulambeete a Nzambi. Hiina ni iliimbu hya ti, Pfumu nde mwakulu sa ayakulamana. Ba baakwidi mu Kristo sa batswamina usuuha. Na titswene, bisu baa luusaala moonyi mu taangu mo yiina, sa bavolo bisu itwadi na bo mu mayidu, mu ubwana na Pfumu hu yulu. Na bisu sa liba na Pfumu nzyeni. Ni mu buuna, hwadasanaani mu mambu mo maniima.
Bisu a benu a libwamina we baatu bakima ve, ka bisu a benu laafwana uba likanda, na ukuta linyutu. Babwamini, ni butsuhu bali mu ubwamina. Bakoli baa malamu kaka, ni butsuhu bali mu ukolo malamu. Ka bisu baa lili baana ba liyalala, bisu laafwana ukuta linyutu. Likaangaani imiinu na litondo we ikutu hi itali na hiitu hi liyobolo we ibudu hi midiingu. Nzambi a hateele bisu mu ubwana tsyembili a nde ve, ka mu ubaha liyobolo mu Pfumu a bisu Yisu Kristo.
«Liba likanda! A lilemese mivumu mya benu mu mikungi ve, mu udya, mu ukolo malamu na mu tooni minyongo mu mya idiingu mohi ve. Tso likuhisi maana, ilumbu mo hina sa hipadumasa benu, we mweto. Mu tooni ati hyo sa hibwa ŋa yulu a baatu ba ŋa toto yoosi. A libwamina matolo ve, sambilaani taangu yoosi. Lisa buuna mana benu libaha mifudi mu upala mutso a moosi mamali mu uya, na uyamonehele mu tele ŋa busu bwa Mwana a muutu.»
Ka dyaambu limosi li benu lu uvelevusana, bambaahi baa litondo ni ti: huli Pfumu, ilumbu imosi hili we iveeve (1 000) hi bilima, na «iveeve (1 000) hi bilima hili we ilumbu imosi.» Pfumu a hutaamba mu utswihasa manzuhisini ma nde, we bu baatu bakima bali mu utsima ve. Ka nde li na mukami mu tooni a benu. Nde a hatondi ti tso mumosi mu benu anyambana ve. Ka nde tondi ti baatu boosi basobo mbiili na usa imiinu hya bo mu nde. Ka ilumbu hya Pfumu hyuya kidumana we ŋa mwibi ubaya. Mu ilumbu mo hiina, yulu lu udimbala na idumu hiinene. Bisiha bya hu yulu byunyenge hu mbaahu na byukuda. Buuna, toto yoosi na mavaanga ma baatu moosi sa biyabaana paayalala mu tsundusu.
Mu tooni ati bisiha byosi sa bidimbala, yaabaani buni benu lafwana mu udyata! Mbiili a benu yafwana uba ya ngidi na yi Nzambi hatondo. Benu laafwana ukeele na uhwada, mana ilumbu mo hiina, ilumbu hya Nzambi, hiveletamba mu uya. Ilumbu mo hiina, bya hu mayulu byusulamana hutso a ludi la mbaahu. Ka bisu lili mu ukeele nzuhisini li Nzambi hasa: yulu li linyatihi na toto yi nyatihi, hu butsiitsa bwa Nzambi bumonehele.
Me ndi mu unzabisa benu tswehi a Nzambi: bisu a benu a luukwa boosi ve, ka nyutu a bisu a benu boosi sa yisobo — mu mwana tangu hoole, we ŋa bubaapyetehe diisu. Buufula kulambeete ya tsyelele. Mu tooni ati, ŋa buufula yo, babaakwa sa basuuha na nyutu yi yukwilala, na bisu luusobo linyutu.
Titswene, me amoni yulu li linyatihi na toto yi nyatihi. Yulu latsomi na toto yatsomi byadimbili, na mubu kaka adimbili. Na me amoni musyenge a ngidi, Yeruselemi yi nyatihi mu ukulamana, umata hu yulu huli Nzambi. Nde amiivangama we mukadi wu amiilwata bubwe mu tooni mulumi a nde. Me anzuhi ndaha yi mifudi yi yaakamata hu kiti-ipfumu na yaakaleele: «Bunuubu, ngooto a ngidi ya Nzambi yika ŋa hati la baatu. Nde sa akwilala na bo, na bo sa baba mabuli ma nde, Nzambi nde mwakulu sa aba na bo. Nde sa aba Nzambi a bo. Nde sa akombolo matsanga mu miisu ma bo. Lipfu a luubweba ve, tso lingebe, tso bililu, tso mapasi, mu tooni ati misamu myatsomi mi miidimbala.»