9 पर तेऊ बोलअ हर बगत इहअ, "ताल्है आसा मेरअ जश ई बतेर्हअ। किल्हैकि मेरी शगती करा कमज़ोरी दी खास्सअ काम।" तैही करनअ मुंह आपणीं कमज़ोरी प्रैंदै बडै नंदा दी घमंड कि ईशू मसीहे शगती लोल़ी मुंह प्रैंदै बणी रही।

10 एता पिछ़ू आसा हुंह मसीहा लै कमज़ोरी दी, अर निंदा दी अर दल़िदरा दी, अर लोगे बरोधा मांझ़ै मसीबता अर मसीबता दी खुश, किल्हैकि ज़ेभै हुंह आत्मां दी दुबल़अ हआ, मसीहे शगती करै हआ हुंह ज़ोरा आल़अ जोधअ।

7 परमेशरै निं हाम्हैं डरैल्हू आथी बणाऐं दै। पर तेऊए आत्मां करा म्हारै दिला पाक्‍कै, सह करा म्हारी होरी लै झ़ूरी करने मज़त अर सह दैआ हाम्हां लै सबर।

13 मसीहा ज़ुंण मुल्है शगती दैआ तेऊ दी सका हुंह सोभ किछ़ करी।

29 सह दैआ तिन्‍नां लै बल ज़ुंण दुबल़ै अर थकै दै आसा।

26 मेरअ दिल अर मन्‍न आसा हारी गअ द,

पर तूह बिधाता आसा मेरअ बल

मुंह आसा सदा तेरी ई ज़रुरत।

3 रैनै-गरीब अर छ़ुटै-मुक्‍कै दै लान्हैंओ नसाफ किल्है निं तम्हैं करदै?

ज़हा ज़रुरत आसा अर ज़हा आसरअ लोल़ी, तम्हैं किल्है निं तिन्‍नें मज़त करदै?

7 अर आपणीं सारी फिकर छ़ाडा तेऊ दी, किल्हैकि तेऊ आसा थारअ धैन-खैल।

28 "तम्हैं सोभै एछा मुंह सेटा लै ज़ुंण शास्त्री अर सैणैं खोज़ै दै बधाना मनणे भरपूर कोशिश करा, ज़ुंण तम्हां प्रैंदै बोझ़ आसा हुंह दैंऊं तम्हां लै तिन्‍नां सोभी गल्‍ला का बशैघ।

26 ठीक इहअ ई करा पबित्र आत्मां म्हारी मज़त ज़ेभै म्हारअ परमेशरा दी विश्वास कमज़ोर हआ। हाम्हां का निं थोघै कि प्राथणां केऊ साबै करनी। पर पबित्र आत्मां का आसा थोघ अर सह करा आप्पै हाम्हां एही हिक्‍की-सल़िक्‍की प्राथणां कि तिंयां गल्‍ला खोज़णीं आसा मेरै बशा का बागै।

15 किल्हैकि म्हारअ माहा प्रोहत ईशू मसीहा रहा म्हारै दाह-दुखा दी हाम्हां संघै, सह परखअ सोभी गल्‍ला लै हाम्हां ज़िहअ, पर तैबी निं तेऊ दी एक पाप बी निखल़अ।

41 बिहुदै रहा अर प्राथणां करदै रहा लागी ताकि तम्हैं खरी दी पल़ी पाप नां करे। थारअ शाह ता बोला पर देही आसा कमज़ोर।"

22 ज़ै मन्‍न खुश हुअ, तेता करै रहा मणछ नरोगअ,

ज़ै दिल चुटअ, सह दैआ हाडकै बी चजेऊई।

8 ज़ुंण आपणैं बारै किछ़ै निं खोज़ी सकदै, तिन्‍नां बाखा करनी तंऐं गल्‍ला,

अर छ़ुटै-मुक्‍कै दै लान्हैं लै दैणअ तिन्‍नों हक।