1 परमेशर आसा स्वर्गै पबित्र सभा दी नसाफ करदअ बेठअ द,

तैहा सभा दी आसा होर देअ-देबी* बेठै दै अर तिधी बोला परमेशर तिन्‍नां लै इहअ:

2 "तम्हैं गलत नसाफ करनअ लाअ छ़ाडी कि नांईं?

तम्हां केभै तैणीं रहणअ कदुष्ट मणछे तरफदारी करदै लागी?

3 रैनै-गरीब अर छ़ुटै-मुक्‍कै दै लान्हैंओ नसाफ किल्है निं तम्हैं करदै?

ज़हा ज़रुरत आसा अर ज़हा आसरअ लोल़ी, तम्हैं किल्है निं तिन्‍नें मज़त करदै?

4 तिन्‍नां किल्है निं तम्हैं कदुष्ट मणछे हाथा का बच़ाऊंदै?

5 तम्हां निं परबाह ई आथी! तम्हैं किहै कमुर्ख आसा!

तम्हैं सोभै आसा पठी भ्रष्ट हुऐ दै,

सारै संसारै निं नसाफ रहअ ई आथी!

6 ✝हुंह बोला इहअ, ‘तम्हैं आसा दईब अर

तम्हैं आसा मुंह परम प्रधान परमेशरे पूत,

7 तज़ी बी मरनै तम्हैं मणछा ज़िहै,

थारी ज़िन्दगी बी हणीं तिन्‍नें तिन्‍नां ई मांझ़ै कहा राज़ै ज़ेही खतम।’"

8 हे परमेशर, एछ, तूह कर संसारै आप्पै राज़,

संसारे सोभी देशे लोग आसा तेरै ई।