Generosidade
A generosidade é marca do caráter de Deus e vocação do cristão. Deus ama ao que dá com alegria. Quem semeia generosamente, generosamente colherá.
Dar com alegria
Deus ama ao que dá com alegria. Cada um contribua segundo propôs no coração — não com tristeza ou por necessidade.
Ba ene swara swarade ta nomano mina tenamnedi praiglmere mere yegl tenaiglkwa paugwa. Yoba ta ene yegl, yegl teo dinan, ene kide prisre, tebi, i kide panabuka. I siragl pre yoba ta gun yedre, taraglmo i pi togwa i, God wakai kanugwa.
Ene prio! Yoba ta kaya mokna kuri ta ere yaran, kaya mokna kuri keme si yunabuka ba ye mere ere yaran, kaya mokna mere kide si yunabuka. Kuno yegl mere, ene mige moni mere tebi, God okuo ene ama taragl mere tenabuka. Ba ene swara swarade ta nomano mina tenamnedi praiglmere mere yegl tenaiglkwa paugwa. Yoba ta ene yegl, yegl teo dinan, ene kide prisre, tebi, i kide panabuka. I siragl pre yoba ta gun yedre, taraglmo i pi togwa i, God wakai kanugwa.
God ene wakai kandre, ere wakai ere tedre, ake ple di tomara i, taragl tau mere i kodumnedi prisre, yoba pere ake ple di tenamga i kuno erumedi prio. Ene taragl tau i pi yoba pere tebi, God kamo mina okna beglmere mere yegl, ene mina ama plau dinabuka. Ye yegl beglkwa,
Yoba ta kugl mogo i pi suduglmere mere yegl,
yoba ta ye taraglmo i pi goduglme yoba togwa i,
Ye mabuno du erukwa pre God aimadi pre morabiwe di, yegl beglkwa.
Ana God ye yoba kaya mokna ere yaglsre, si nedre, eraiglmedi togwa. Tomere yegl mere God ene mabuno du ere ede podo pidre, ene yoba pere ake ple di tenaiglmedi konbauna yauro tenabuka.
God ene taragl tau mere i pi yoba pere tenaiglmedi taragl kane kane ene tenan, ene taragl i, tau i makai sidre, no i pi tenaiglmedi noribi, no i pi yoba pere tomun, ye idre, God di wakai yei tenaiglkwa. Yegl pre ene kogono wakai erimara i mina God yobama goduglme meglkwa i, ye wakai moraiglmedi ake ple di tebi, wakai moraiglkwa. Te, ye wakai moraiglkwa igne, gun podo yedre, God di wakai yei tebi, God kagie kade inabuka.
Ana God ye yoba kaya mokna ere yaglsre, si nedre, eraiglmedi togwa. Tomere yegl mere God ene mabuno du ere ede podo pidre, ene yoba pere ake ple di tenaiglmedi konbauna yauro tenabuka.
God ene taragl tau mere i pi yoba pere tenaiglmedi taragl kane kane ene tenan, ene taragl i, tau i makai sidre, no i pi tenaiglmedi noribi, no i pi yoba pere tomun, ye idre, God di wakai yei tenaiglkwa.
I siragl pre yoba ta yene ere mogl, taragl yegl mere ta tebo, kuno erabiwedi kandre, yene wakai prabere ta tenan, God wakai kanabuka. Ba yoba ta taragl ta tenan, kuno erekrabuka i, God ye tenabedi prikrukwa. Ye tenabuka kuno ta erabere mere tenabedi prukwa pre diga.
Partilhar e abençoar
Quem dá aos pobres empresta ao Senhor. A generosidade abre portas de bênção sobre quem dá e sobre quem recebe.
O ensino de Jesus
Dai e dar-se-vos-á. A quem te pedir, dá. O que fizestes a um destes mais pequeninos, a mim o fizestes.
Ene taraglno yoba pere tebi, siragl mere tenaiglmere yegl God kuno ere enene te ikne edenabuka. Edidre, konbauna kane kane mina siragl mere kide ake ple di tenabiwe di, yegl dugwa.
Ene taraglno yoba pere tebi, siragl mere tenaiglmere yegl God kuno ere enene te ikne edenabuka. Edidre, konbauna kane kane mina siragl mere kide ake ple di tenabiwe di, yegl dugwa.
Yoba ta ene taraglnen ta naratnba dinabuka i, ene tedre, yoba ta ene taraglnen gudu inabuka i, ene ama ikne ede naro dikro.
Ene prio, ene yoba kide meglkwa ba ene gagroma taragl wakai te kanimiwa. Yegl pre Neno Kade heven ibo moglkwa i, yoba ta ye di prabuka i, ye ka kaima Mudu Murubuglo yoba i tenabiwe di, yegl dugwa.
Yoba ene taraglno pre yana dibi, ene ye dinaiglmere teo. Mo, ye dina ta eramne dibi, ene mane dikrio di, Jisas yegl dugwa.
Ene mige moni i pi goduglme yoba tenaiglkwa igne, ene yoba ta dede, aglage kaglkane ere, debino sinaiglmedi dedekrio. Yoba mabuno kibi erikwa i, yoba debino sinaiglmedi ka mabuno yugu ya yoba meglmara biugel sio digwa i, ye ka kaima topono i kodigwa. Ba ene goduglme yoba ake ple dinamnedi pribi, ene nogugl erekre, teke atne mere yegl erio. Teke atne mere yegl eribi, ene Neno heven ibo moglkwa i, ye ene topo wakai te ikne edenabuka. I siragl pre yoba taragl teke atne erikwa i, ye kanumiwe dugwa.
Yegl dibi, na king moraglka i, yegl dinaglka, Na ene kaima di teiga, na agrama meglmara suna i, ene yoba swara ta, yoba kade mo yoba yoko kaima ta moglkwa i pra, ake ple di teigwa igne, ene na ake ple di narimiwe di, yegl dinaglka.
Generosidade de Deus
Se Deus dá sabedoria generosamente a quem pede, quanto mais nos dará Ele forças e suprimento em toda necessidade?
Yoba nomane wakai ta inagledi pran, ye kamage erabuka paugwa
Ana ene meglmara swarano ta nomane wakai paikran, nomane wakai pre God agle di pro! God agle di pitn, ye ene nomane wakai tenabuka. I siragl pre yoba God agle di prikwa i, ye ka tekre, yoba mudu taragl wakai wakai norukwa yagle moglkwa.
Ene prio. Ene agro mo abaro swara ta kugugl gagl edenabuka ta yekran, kaya mokna nenabuka ama ta yekran, ene ye kugugl gagl ya kaya mokna kwi ta tekre, ye ka yoko di tedre, Ene den mudun aragan eran, ede po didre, te, Ogon nagn niga dinan, kaya mokna mere no! dibi, ene yegl digwa i, ta ake ple di tekrukwa. Kuno yegl mere yoba ta Krais pre medrabuka ba mabuno wakai ta pamere yoba bogl tekran, ye pre meduglkwa i mogo wakai ta koglkre, de sugwa mere yegl paugwa.