5 तुसा री नरमाई सबी लोका सामणे प्रकट ओ। प्रभुए रा वापस आऊणा नेड़े ए।

1 सोबटा ज्वाब सुणने ते जल़न ठण्डी ओई,

पर कड़क शब्द सुणी की गुस्सा पड़की जाओआ।

24 मनो खे अच्छे लगणे वाल़े वचन, सईतो जेड़े प्राणो खे मिठे लगोए,

ओर आड्डिया खे मजबूत करी देओए।

5 अविश्वासिया साथे समजा साथे बर्ताव करो। हर एक मौके खे किमती जाणी की तिजी रा सई इस्तेमाल करो। 6 तुसा री बोली सदा कृपा साथे और साअन ओ ताकि तुसा खे हर माणूंए खे तुसा रे विश्वासो रे बारे रे ठीक टंगो रे ज्वाब देणा आयी जाओ।

12 तुसे लोक परमेशरो री पवित्र और प्यारी चूणी री प्रजा ए। तेबेई तुसे लोक बड़ी करूणा और पलाई, दीनता, नरमाई और सईन शीलता खे तारण करो।

22 पर पवित्र आत्मा रा फल प्यार, खुशी, शान्ति, सब्र, कृपा, पलाई, विश्वासो जोगा, 23 नम्रता और संयम ए। एड़े-एड़े कामो रे बिरोदो रे कोई बिधान निए।

10 इजी री खातर जेथो तक मौका मिलो आसे सबी साथे पलाई करिए, खास करी की विश्वासी पाईया साथे पलाई करिए।

1 आपू बीचे पाई बईणा जेड़ा प्यार राखो। 2 तिना री बी पराऊणचारी करो जो जरूरतमंद मुसाफर ए, कऊँकि इजी रे जरिए कई लोके अणजाणे रे स्वर्गदूता री आओ-बैठ कित्ती।

13 तो आगे ते आसे एकी-दूजे पाँदे दोष नि लगाओ, पर तुसे येई ठाणी लो कि कोई आपणे पाईया सामणे ठेस या ठोकर खाणे री बजअ नि ओ।

17 तुसे आपणे मनो रे एकी-दूजे रे खलाफ बैर नि राखणा; आपणे पड़ोसिये खे जरूर समजेया कर, नई तो तेसरे पापो री सजा ताखे मिलणी।* 18 बदला नि लणा, ओर ना ई केसी साथे बैर राखणा, पर एकी-दूजे साथे आपू जेड़ा प्यार राखणा; आऊँ तुसा रा यहोवा ए।*

9 लोका ते बोलो कि स्वर्गदूता री सेना रा यहोवा ईंयाँ बोलोआ, कि जो सच्च ए सेई करो, ओर एकी दूजे साथे दया ओर कृपा रा बर्ताओ करो। 10 बिदुआ जवाणसा रा फाईदा नि उठाओ। जिना बच्चेया रे बाओ मरीगे दे ए, तिना अनाथा साथे बुरा बर्ताओ नि करो। परदेशी लोका या गरीब लोका साथे बुरा बर्ताओ नि करो। एकी दूजे रे खलाफ बुरिया योजना नि बणाओ।"

20 आऊँ तुसा खे सच्च-सच्च बोलूँआ कि जो मेरे पेजे रे खे मानोआ, से माखे मानोआ और जो माखे मानोआ, से मेरे पेजणे वाल़े खे मानोआ।"